Hotel bat eragozteko Donostiako Parte Zaharrean okupatu zuten eraikina hustu dute
Donostiako Parte Zaharrean okupatuta zegoen etxe bat hustu dute asteazken goizean. Goizeko 6:50ean sartu da polizia Santa Maria eliza parean dagoen eraikinera.
Eraikinean bizi diren pertsonak kanporatu ostean, identifikatu egin dituzte eta bost minutu eman dizkiete barruan zeuzkaten gauzak jasotzeko, Irutxuloko Hitzako Iñaki Agirre kazetariak Twitter bidez informatu duenez.
Ertzaintzak eraikina inguratu du, bertara hurbiltzea eragozteko.
Hotel + ez plataformak manifestazioa deitu du 20:00etan Parte Zaharreko Plaza Berritik (ofizialki Konstituzio Plaza gisa ezagutzen den enparantza).
Hotel berri baten arriskua
Izan ere, eraikina okupatzearen helburuetako bat bertan eraiki nahi duten hotela geldiaraztea izan da. 2017ko urrian ARGIAn informatu genuenez, lau izarreko hotel berria eraikitzeko asmoa dute jabeek Kale Nagusiak eta Abuztuaren 31 kaleak bat egiten duten kantoian.
Iazko ekainean sartu ziren bertan bizitzera asteazken honetan kanporatu dituzten lagunak eta eraikina oso egoera txarrean aurkitu zuten. 1998. urteko egutegi bat zegoen horma batean zintzilik eta horrek erakusten zuen eraikina noiztik zegoen erabili gabe.
Okupazioa egin zenean nabarmendu zutenez, eraikin osoaren jabe egin arte, pertsona gutxi batzuek bota egin dituzte edifizioko beste bizilagunak, okupatzaileek “mobbing” gisa deskribatu zituzten praktiken bidez.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
Tentsio uneak bizi ahal izan dira ostegun eguerdian Donostiako Udaletxeko udal batzar aretoan.
21 Zabalgunea udal soziatateak desalojo data ezarri diela jakinarazi dute Alde Zaharreko espazio okupatua kudeatzen duten Auzoan Bizi etxebizitza sareak, Herrizoma elikadura sareak eta Zaharraz Harro jai herrikoiak. Korda “defendatuko” dutela adierazi dute.
Airaldeko Greba Batzordeak (SOS Aiaraldea) jakinarazi duenez, larunbatean hartu zuten itzulera hegazkina desokupazio enpresako kideek.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Hainbat okupazio "sinboliko" egin ostean, dozenaka lagun Urgulleko Guardetxean sartu dira eta garbitzen eta txukuntzen ari dira, ekitaldi kulturalak antolatzeko.
Beste bizi eredu baten alde eginez, hainbat belaunaldik ikasteko, antolatzeko, esperimentatzeko eta trebatzeko aukera izan dute Lakaxitan bi hamarkada hauetan zehar. Gazte belaunaldi anitz ikusi ditu gaztetxeak, eta Jaion bestan, oraingo gazte mugimenduko kideak ez... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
Azaroaren 19an Justiziaren Eraginkortasunari buruzko Legea eta Prozedura Kirminalaren Legea aldatu zituen Espainiako Kongresuak, beste lege sorta batzuk onartzearekin batera. Horrek epaiketa azkarrak egitea, pisu turistikoen erregulazioa aldatzea edo kaleratze zehatz batzuen... [+]
Pasa den asteko "kaleratze ilegala" salatu dute hainbat herritarrek, ostiral arratsaldean.
Joan den asteko kaleratze "ilegala" salatzeko, manifestaziora deitu dute ostiral arratsalderako.
Ustez, lokalaren jabetza eskuratu dutenek bidali dituzte sarrailagileak sarraila aldatzera; Ertzaintzak babestuta aritu dira hori egiten. Birundak epaiketa bat irabazi du duela gutxi.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]