Frantziako presidentetzarako Nicolas Sarkozy eta François Hollande hautagaiek aurreikuspenak bete zituzten atzo TF1 eta France 2 telebista kateetan eskainitako eztabaida saioan. Hollandek aldaketak eskatu zituen, eta hari erantzunez, Sarkozyk esan zuen Frantziak ez duela "akatsik egiteko eskubiderik". Bestalde, kanpainan ez duela garbi jokatu leporatu zion Hollanderi, eta hautagai sozialista Franco, Hitler eta Petainekin alderatu zuen. Herritarrak banatzea egotzi zioten elkarri Sarkozyk eta Hollandek.
Ekonomia izan zuten batez ere hizpide. Hollandek, zor publikoaz mintzatzean, Sarkozyren politikak diru gehien dutenak babesten dituela esan zuen. Sarkozyk Hollandek emandako datuak ezeztatu zituen eta fortuna handien gaineko zerga duen Europako herrialde bakarra Frantzia dela gogorarazi zuen.
Energia nuklearrari dagokionean, petrolio eta gasik ez duen herrialdea izanik, energia berriztagarriak eta nuklearrak erabili behar direla argudiatu zuen Sarkoyzk. Hautagai sozialistak aldiz, berriztagarriak bultzatzearen eta nuklearrekiko dependentzia gradualki gutxitzearen aldeko jarrera azaldu zuen.
Eztabaidaren bukaeran Hollandek aldaketaren mezuari eutsi zion hezkuntza, justizia eta batasunarekin batera. UMPko hautagaiak, berriz, lehenengo itzulian bozkatu ez ziotenei zuzendu zien bere azken mezua, zentrista eta ultraeskuindarrei.
Frantziako presidente ohi Nicolas Sarkozyri hiru urteko kartzela zigorra ezarri diote ustelkeria egotzita. Hala ere, ez du espetxean sartu beharko, tribunalak zehaztu baitzuen zigorra etxeko atxiloaldian bete ahal izango duela.
Frantziako presidente ohiak urte bakarra bete beharko du zigorretik, eta epaitegiak aukera eman dio espetxetik kanpo betetzeko. Helegitea aurkezteko aukera du oraindik politikariak. Beste bi epaiketa ditu zain, 2007ko eta 2012ko presidentetzarako hauteskundeetako kanpainak legez... [+]
Frantziako Errepublikaren presidente ohia solastoki politikoetara itzuli da indar handiz. Estatuko Kasazioko Auzitegiak agintari ohiaren abokatuek jarritako helegite guztiak errefusatu ditu eta. Nicolas Sarkozy ustelkeria eta influentzia-trafikoa direla-eta izanen da epaitua... [+]
Lehen aldia da Nicolas Sarkozyk epailearen aurrean erantzun beharko diela Libiako diruarekin 2007ko hauteskunde kanpaina finantzatzeari buruzko galderei.