Euskarazko akats ortografikoak zuzentzeaz gain, lexiko zuzen eta eguneratuarekin idazten laguntzen duen tresna sortu du UZEIk, Microsoft Officen erabil daitekeena.
UZEIk adierazi duenez, tresna berriaren oinarri nagusiak Euskaltzaindiaren arauak eta Eusko Jaurlaritzako Terminologia Batzordearen erabakiak dira.
PCetarako Word testu-editorean eta Microsoft Officeko beste programetan erabil daiteke eta "oso erraz" instalatzen dela diote. Gainera, etengabe eguneratzen denez, bertsio berriak deskargatzen joan ahala eguneratutako proposamenak egingo ditu zuzentzaileak.
Zuzentzaile ortografiko arruntek ez bezala, Hobelexek hobespen lexikoak ere egiten ditu, eta hori testuaren egokitasuna bermatzeko eta euskararen normalizaziorako lagungarria da. Hiztegi pertsonala sortzeko aukera ere badu.
Hobelex doan eskura daiteke UZEIren webgunetik.
Irulegiko Burdin Aroko herri gotortuan azaldutako brontzezko piezari buruzko ikerketa “osoena” azaltzen duen artikulua argitaratu du aditu talde batek nazioarteko aldizkari zientifikoan. Orain arte ez genekizkien hainbat berritasun dakartza.
Mikel Perez Gonzalez hizkuntzalaria hitz egiterakoan erabiltzen den kode alternantzia aztertzen ari da, alegia, euskaldunek nola nahasten dituzten euskara eta gaztelania. Alternantziaren arrazoietako bat euskara gaitasuna da, baina Perezek gehiago ere kontatu ditu.
Andorrako katalanaren defentsarako lege berriak katalanaren oinarrizko maila eskatuko du bertan bizi eta lan egin ahal izateko. A2 titulua baino maila baxuagoa eskatuko dute.