Hexagonoaren lehen erreforma: lan kodearen zaharrak berri
Frantziako Gobernuak aste bat bete du lanean. Lan kodearen erreforma iragarri zuen Macron presidenteak lehen bileran. Aurreko erreformak Lan ministro Myriam El Khomri-ren izena hartu zuen. Muriel Pénicaud izena du Lan ministro berriak, anartean, ezezaguna.
aurre egingo dieten hedabide independenteak
Myriam El Khomri ministro sozialistaren lan erreformak arerio asko izan zuen, grebaren bat tarteko. Muriel Pénicaud ministro macronistak izan du dagoeneko bertako sindikatuen lehen lan uzte deia, non eta zuzentzen duen Lan Ministerioan. Arrazoia, enplegatuek lan karga sobera dutela diote, bitarteko gehiago eskatu dute dagoeneko.
Anartean, Macronek eta lehen ministro Edouard Philippek lan kodearen erreformari ekin diote, ahalaz modu diskretuan egin ere. Gobernuak lan kodea udan negoziatu nahi sindikatu eta enpresetako nagusiekin, eta fite eta arin, irailean indarrean jarri. Helburua: ohiko udazken gorria izan dadin udazken hori.
Frantziako Gobernuak Asanblea Nazionaleko gehiengo osoaren babesa dauka. Hala ere, lan erreforma lege dekretuz gauzatu nahi du. Izan ere, azkarragoa pasako da, aparteko eztabaidarik gabe, hartara ere, Macronen lerroko diputaturen bat edo besteren aurkako ahotsa –ez da ziur ere balegokeela, baina badaezpada– isilduko luke.
Gobernuak ez ditu lan kodean egin nahi dituen aldaketak publiko egin oraingoz. Hedabideek filtratu dituzte dagoeneko. Bost puntu dira nagusiki, irakurgarri dagoeneko. Orain, eragileen –alderdiak, sindikatuak, patronalak– interpretazioak helduko dira.
Europan, Alemania buruan buru, Frantzia ezin dela erreformatu pentsatzen dute. Alta bada, Erreforma izan da Macronen hitz fetitxeetako bat Eliseora iritsi bitartean. Lan kodearen erreformak Muriel Pénicaud izen propioa du. Emeki-emeki, are eta ozenkiago entzunen dena. Hitz propio arrunta dena are arruntago bihurtzeraino: Pénicaud.
Lan kodearen erreformak langabezia geldiaraztea helburua du, hau pentsatzea ere kontu arrunta da. Estrategikoki ere arrunt pentsatuta dago horregatik: udaldian berari ekitea eta bi hilabetean are kontu arruntagoa bihurtzea.
Macron uhinaren garaia da. Zaharra berritu, ez baina, erreformatzen gutxienez jakin behar da. Dakienak daki, ez dakienak baleki. Hots, zaharrak berri
Abiapuntuan zein ditu aurka, zein alde? Zein ez alde ez aurka? Hauxe ere kontu arrunta.
Aurka: Frantzia Intsumisoaren Jean-Luc Melenchon buruan buru, CGT sindikatua eta honen ingurukoak: Solidaires, UNEF eta FSU. Ipar Euskal Herrian LAB. Hauek ez dute negoziatuko lan kodearen erreforma.
Alde: patronala, bistan da. Aipatu bost puntuak enpresari eta hauen patronalaren aldekoak omen dira. Areago, El Kromri-ren erreformako puntu bat, patronoek “galdu” zutena, berreskuratuko omen dute, eta da: multinazionalek langileen kanporaketak bere nahieran egiteko izan dituzten “arazoak” ikusita, aurrerantzean beren gurarira egiteko aukera emanen die lan kode berriak.
Ez alde ez aurka: CFDT sindikatu erreformista. Erreforma bada, aliatu onena, bistan da. Oraingoan baina, FO sindikatu honen alde paratu da. FO da sindikatuen artean hirugarrena. El Kromri erreforma garaian, CGT eta honen sindikatu sateliteekin “borrokatu” zen, baina oraingoan CFDT sindikatuen aldera lerratu da.
Noski, Macronek amua botatu du dagoeneko. Sindikatuetako langile-tasa asko apaldu da azken hamarkadan. Macronek sindikatuetan langileen izen-ematea emendatzeko enpresek sindikatuen kuotaren zati bat ordaintzea proposatu die sindikatuei.
Macron uhinaren garaia da. Zaharra berritu ez, baina erreformatzen gutxienez jakin behar da. Dakienak daki, ez dakienak baleki. Hots, zaharrak berri.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
"Komunikazioan eta gai publikoetan" lagunduko dio enpresari. Lizitazioak manipulatzeagatik isundu izan dute konpainia, eta lotura zuzenak ditu EAJrekin.
Etengo du. Hori da kaskora supituan etorri zitzaidan pentsamendua, gosaria ahoan eta Euskadi Irratia sintonian, Imanol Pradales lehendakaria entzun nuenean CAF “gogoeta etikoa” egitera gonbidatuz, Palestinako lur okupatuetan trena eraikitzeko duen kontratua eten edo... [+]
Irulegi eta Anhauze artean ditu mahastiak Joanes Haritschelharrek, Amama proiektuaren bultzatzaileak. “Mahastiak ene amarenak ziren, eta bera jubilatu zenean hartu nuen nik etxaldea, 2022an”, azaldu du. Ama mahastizaina eta aita ardi gasnagilea ditu, eta beraz, beti... [+]
Orriuldu gabe daude oraindik zuhaitzak eta arbolak. Hostoak ihartu gabe daude, bai. Eta hostoa jasotzeko sasoi aproposa da. Hostoa, batez ere geroago jasotzen da; zuhaitzaren adaburua janzten duen orritza edo hostotza erortzen denean edo orriultzen denean, lurraren instantziako... [+]
Asteleheneko bileran helarazi zioten asmo hori enpresa batzordeari, eta irailaren 9rako deitu dute hurrengo bilera. Fabrikak 151 behargin ditu gaur egun, baina ez dute zehaztu zenbat kaleratuko lituzketen.
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]
Greban dira Benito Menni egoitzako langileak joan den abuztuaren 25etik, irailaren 8ra bitarte. Hermanas Hospitalarias enpresak agindutako kaleratzeen eta unitate itxieren aitzinean, Nafarroako Gobernuak ez duela arduratsuki jokatzen ari salatu dute.
Kontratua segi ala eten, enpresaren erabakia "errespetatuko" lukeela argi utzi nahi izan du Imanol Pradales lehendakariak, Euskadi Irratiari egindako elkarrizketan. Beasaingo enpresaren akzioen %3ren jabe da Eusko Jaurlaritza.
Pentsioak osatzeko 145.000 sinadura bildu dituen herri ekinaldi legegilea eztabaidatzeari ezezkoa eman ondoren, Euskal Herriko Pentsiodunen Mugimendua oso gogor agertu da Eusko Jaurlaritzaren jarrerarekin eta "bi aldiz engainatuta" sentitu direla azaldu du. EH Bilduk eta... [+]
Plastikoaren kutsadura saihesteko azken gailurra porrot izugarriarekin amaitu da Suitzako Geneva hirian, abuztuan. Hori zuten bilatzen petrolio-herrialdeek, plastikoa milioika tonatan sortzen jarraitzeko. Birziklapena da beraien tekno-soluzioa, baina gero eta garbiago dago... [+]
Europan eta munduan arrazakeria gora doa, eta Euskal Herria ez dago joera horretatik salbu. Egun, herritarrak eta jendarteak eskuin muturraren baloreak bere egiteko bide nagusietakoa da arrazakeria. Arazoaren larritasunari tamaina hartzen saiatu gara, eta aztertu ditugu zenbait... [+]
Oporretan nengoela, gorputza eta burua gozatzera bideratu ditut. Turista bilakatu naiz, eremu digitalean zenbait trebezia dugunontzat, oso erraza. Motxila hartuta familiarekin handik hona ibili naiz, poltsikoan dibisa asko barik, mapa fisiko barik, plan asko barik…... [+]
“Emakume zientzialarien argitan” solasaldi-zikloaren helburua emakume zientzialarien ibilbidea ezagutaraztea da, baita ikertzen duten arloari buruz daukaten ikuspegia gizarteratzea ere, kultura zientifikoa hedatzeko eta eztabaida kritikoa sustatzeko. Elhuyarrek eta... [+]