ARGIA.eus

2022ko abuztuaren 15a

Teknologia burujabetzaren bidean zehaztapenak eskatu ditu Hezkuntzan Librezalek

  • EAEko Hezkuntza Lege berria egiteko abiapuntu gisa hartuko den Euskal Hezkuntzaren eraldaketarako oinarriak dokumentuko zenbait puntu positiboki baloratu ditu Hezkuntzan Librezale taldeak. Horien artean dira "digitalizazio plan berriak" eta "epe luzerako begirada" aipatzea, besteak beste. Dena den, hainbat zehaztapen ere egin ditu datuen burujabetza edota digitalizazioaren gainean.

Hezkuntzan Librezale taldeko kide IƱigo Gebara, iazko abenduan Eusko Legebiltzarrean.
ARGIA @argia
2022ko otsailaren 21a

Aipatu dokumentua abiapuntutzat hartuta ekingo dio Eusko Legebiltzarrak EAEko Hezkuntza Lege berria egiteari. Hainbat hezkuntza eragilek egindako ekarpenak hartu dituzte kontuan, Hezkuntzan Librezale taldearenak tartean. Dokumentua eskuetan, haren gaineko balorazioa egin du taldeak, digitalizazioari eta teknologiari dagozkion atalen inguruan.

Taldeak positibotzat jo du testuak aipatzea "digitalizazio plan berriak" eta "epe luzerako begirada". Beren hitzetan orain arte "bakoitzak bere aldetik hartu izan ditu digitalizazioaren eremuko erabakiak, koordinaziorik eta ageriko epe luzerako planik gabe". 'Plan berriak' aipamenarekin ulertu dute orain artekoarekin jarraitu baino, norabide jakin batekin egingo direla digitalizazioari dagozkion hautu, hitzarmen eta bestelako jardunak.

Besteren artean "ingurune birtual integralak sortzea" aurreikusten du Hezkuntza Lege berrirako txostenak. "Geure behar eta helburuetara egokituko diren plataformak eraiki eta iraunaraztea, alegia –Hezkuntzan Librezale-k dioenez–. Aipamen horretan guk aldarrikatzen dugun burujabetza adierazpena antzeman dugu, beste interes batzuk ere izan ditzaketen irabazi-asmodun hornitzaile erraldoienganako menpekotasunak saihesteko asmo bat".

Zehaztapenak

Taldeak, bestalde, zehaztapenak egin ditu txostenaren dozena erdi puntutan. Esaterako, beharrezko ikusten du zehaztea nola erdietsiko den datuen burujabetza teknologikoa: "[Testuan] aipatzen den 'digitalizazio etiko, arduratsu, eraginkor eta euskalduna bermatzeko' izango bada, uste dugu burujabetza hori definitu beharra dagoela ikasleen eskubideak bermatuz eta bitarteko teknologiko auditagarri eta gardenak erabiliz".

Horrez gain, oso kezkagarritzat jo dute "teknologia digitalen erabilera areagotzearen' aipamena", teknologia digitalen "berariazko onura bat ematen duelako aditzera": "Beharrezko jotzen dugu lotura hau ekiditea, ez baitugu digitalizazio gehiago behar hezkuntzan: digitalizazio hobea behar dugu".

Bestetik, teknologia "egokiak" zer diren, bere horretan, "interpretazioari eta irakurketa anitzei oso zabaldua geratzen den formulazioa" da, Hezkuntzan Librezaleren hitzetan: "Uste dugu 'digitalizazio etiko, arduratsu, eraginkor eta euskaldun' hori ahalbidetuko dutenak direla, hain zuzen, teknologia 'egokiak', eta beharrezko jotzen dugu idatziz zehaztapen hori jasotzea".


Teknologia burujabetza kanaletik interesatuko zaizu...
2022-07-24 | Diana Franco
Teknologia
Eduki moderatzaileen oreka mentala

Bada, egun ditugun sare sozialetan, oso ezaguna ez den lan bat, eduki moderatzailearena. Dirudienez, eremu digitalean dena ez dago pentsatzen dugun bezain automatizatuta, zenbait eremutan behintzat. Badira makinek ongi bereizten ez dituzten edukiak: bortizkeriarekin loturikoak... [+]


2022-07-20 | ARGIA
Osakidetzak informatika zerbitzuak "pribatizatu" nahi dituela salatu du LABek

LABek Osakidetzaren azpikontratazio bat behin-behinean geldiaraztea lortu du. 2.000.000 euroko kontratuan aurreikusitako lanak egiteko langileak Osakidetzak badituela salatu du, eta zerbitzu publikoak pribatizatzeko urrats bat gehiago dela.


2022-07-17 | Diana Franco
Teknologia
GDPR lau urte ondoren

Jokabideen datuak merkatuen lehengai bezala erabiltzeko ibilbide batean izan gara azken hamar urteetan. Gizartea ezagutzeko eta gizartean eragin eta balioa sortzeko aukerak ematen dituen lehengaia da datua, eta beraz botere harremanetan eragin handia izan dezake.

Jokabideen... [+]


2022-07-10 | Diana Franco
Teknologia
Adimen artifiziala eta aurreztea

Lankide batek SPRIk duen lantegi baten inguruan hitz egin dit: “Aurre hartu zure kontsumo energetikoari: Nola lagun diezazuke adimen artifizialak energia aurrezten?”. Ukrainako gerraren ondorioz energia garestitu da. Zentzu horretan, adimen artifiziala (AA)... [+]


2022-07-03 | Diana Franco
Teknologia
Korapilo kosmikoa

Kosmos dokumentala ikusten hasi naiz, berriro. Espinoza Erdi Aroko filosofoaz hitz egiten dute, erlijioaz zuen ideiaz, kosmosaren ideiatik oso gertu: armoniaz beteriko sistema bat, natuaren harreman guztiak jasotzen dituena. Kosmosa ulertzea zen Espinozarentzat xedea, ulermenak... [+]


Irakurrienak
Argia buletina
Egunaren laburpena
zure e-postan
Eguneraketa berriak daude