Iruñerriko gazteek ezkutatuta jarraituko dute, epaiaren berri izan ostean
Maider Caminos, Aritz Azkona eta Mikel Jimenez Iruñerriko gazteak absolbitu ditu Espainiako Auzitegi Gorenak eta Xabier Sagardoi eta Luis Goñi kondenatu. Epaia ezagutu eta berehala lehenengo protesta ekintzak egin dira Iruñean eta Barañainen. Iruñeko elkarretaratzean Ibai Iriarte Eleak-eko bozeramaileak adierazi duenez, kondenatuek zein gainerako hiru auzipetuek ezkutatuta jarraituko dute oraingoz.
Barañaingo Gazteria Aurrera plataformak etxeetako balkoiak zapi eta bandera laranjaz janztea proposatu du. Larunbatean Amaiurren herri harresia osatzeko deialdia egin du Eleak mugimenduak.
Epaia jakinarazi aurretik, atxiloketa saihesteko ezkutatzea erabaki dutela jakinarazi dute Iruñerriko bost gazte auziperatuek. Ikus-entzunezko hau zabaldu dute haien arrazoiak helarazteko:
Bideoan diotenez, uztailaren 3az geroztik "jarraitu egin dituztela" sentitu dute. Ez daude haien "militantzia politikoagatik" atxilotzea onartzeko prest eta militantziarekin jarraitu ahal izateko erabaki dute ezkutatzea. Atxiloketa zein epaiei erantzun irmo bat emateko deia egin dute.
Larunbatean Amaiurren
Larunbatean herri harresia osatuko dute Amaiurren, salbuespen politikak salatu eta atxiloketa arriskuan daudenei babesa helarazteko. Eguerdiko 12:00etan egingo da ekimena, Harriz harri, herriz herri, herri harresia eraikitzen lelopean.
Eleak mugimenduak deitutako elkarretaratzean, irtenbidea eskatuko dute epaileak kondenatu berri dituen Sagardoi eta Goñi Iruñerriko gazteentzat, “egoera beretsuan dauden beste hainbat euskal herritar ahaztu gabe": martxoaren 29ko grebaren karietara atxilotutako lauak, Segiko kide izatea egozten zaien gazteak eta “herriko tabernen auzia” izenarekin ezaguna den 35/02 sumarioko auziperatuak.
Txerra Bolinaga bozeramailearen hitzetan, “une honetan, herri harresiaren eraikuntza-lanen erdigunea Iruñea da, baina auzi gehiago abiatzearekin batera, erdiguneak biderkatu egin behar ditugu”. Dioenez, espainiar estatuak “mendeku eta eraso politika aplikatzen jarraitzen du”. “Horri erantzuteko ibilbidea egin dugu, baina oraindik ez da amaitu. Bide horretan, hitzordu garrantzitsua da Amaiurren larunbatean duguna”
Ekimena Amaiurren kokatzeak “balio sinbolikoa” du Bolinagaren arabera. 500 urte bete dira aurten, Nafarroako erresumaren azken gotorlekua zena Gaztelako erregearen tropek hartu zutenetik.
"Kartzelak husteko garaia" zela argudiatuta, Urtza Alkorta ondarrutarraren atxiloketa saihesteko zubi harresia eraiki zen Ondarroan 2013ko maiatzaren 10ean. Lau egunetan, Ondarroatik egindako aldarriak Euskal Herriko mugak gainditu zituen.
Igandean, apirilak 7, espetxetik irten da Ekaitz Ezkerra preso politiko donostiarra, sei urteko espetxe zigorra bete ostean. 2013ko apirilaren 30ean atxilotu zuten Ezkerra, Donostiako Askegunean, Segiko kide izatea leporatuta. Orduan atxilotu eta espetxeratutakoetatik Ezkerra... [+]
They were arrested in 2015 after being accused by the Ertzaintza (Basque police) of being members of pro-independence organization Segi. The Spanish Constitutional Court has now declared the order for arrest and imprisonment invalid and “against the law and rights”.
2015ean atxilotu zituen Ertzaintzak Segikoak izatea leporatuta Espainiako Auzitegi Nazionalak epaitutako zazpi lagun, horietatik hiru Gasteizen egindako “herri harresian”. Defentsak Auzitegi Gorenean jarrita zuen helegitea aintzat hartu eta gazteak kartzelaratzeko... [+]