Emakumeak borrokan

Herri galdeketen araudi berria prest izango da Donostian martxorako

  • Donostiako udal gobernuak aurkeztutako herri galdeketen araudiaren proposamena onartu da ostegunean egindako bilkuran. Martxoan behin betiko onarpena ematen bazaio, herritarren ekimenez sustatutako galdeketak ez dira udal batzarretik pasa beharko.

Nerea Ibarzabal Salegi @ibarnere
2015eko urtarrilaren 29a
Ekimenaren bultzatzaileak iragan irailean, Donostiako udaletxean egindako agerraldian. (Arg: Donostiako Udala)

Abenduan aurkeztutako araudi proposamena prozesu sozial baten bitartez landu du udal gobernuak, eta Donostian erreferendum izaera ez duten hiritar kontsultak arautzea du helburu.

Araudia indarrean jartzen bada, herritarrek hiri mailako, auzune nahiz auzoetako galdeketak deitzeko eskumena izango dute, udalbatzarrera jo beharrik gabe. 16 urtetik gorako biztanleek botoa eman ahal izango dute eta galdeketa deitu ahal izateko, nahikoa izango da 16 urtetik gorakoen %5eko babesa izatea (auzoetan %8koa).

Martxora arte da herritarren alegazioak aurkezteko epea

Herritarrek proposamenari alegazioak egiteko aukera izango dute martxora arte eta hauek ontzat joko balira, araudian txertatu eta behin betiko proposamena onartuko litzateke martxoko edo apirileko udalbatzarrean. Axier Jaka Partaidetza zinegotziak iragarri duenez, denbora tarte honetan hiritarrez osatutako kontraste taldearekin elkartuko dira "euren balorazio ezagutzeko”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Herritarren parte hartzea kanaletik interesatuko zaizu...
Abertzale herrizale

Maiatzeko udal hauteskundeetara aurkezten den pertsona taldea guztiz berritu du Trapagaranen EH Bilduk. Modu horretan aire freskoz alaiago, anitzago, zabalago eta indartsuago aurkezten da ezkerreko aukera abertzalea gure herrian.

Orain hamar urte ezker abertzalea ilegalizazioez jazarririk bere nukleorik txikienean babesturik zegoen. Egoera horretan gaztetxean, euskalgintzan edo auzo mugimenduan genbiltzan gazte batzuei luzatu ziguten bertan parte hartzeko aukera eta lehenagokoen bultzadaz,... [+]


2019-03-13
Boto elektronikoaz: ez, ezetz da!

Boto elektronikoaren afera, azken urteotan, hauteskunde garai guztietan errepikatzen den mantretako bat da: “boto elektronikoa sustatu beharko genuke“. Eta argumentu horren aldeko beste azpimantra asko sortzen dira: abstentzioa gutxitzeko, gazteengana gerturatzeko, erosotasuna bermatzeko… ze aspergarriak garen.


2018-01-31 | ARGIA
Aukera gutxiago izango dute herritarrek EAEko parlamentuan parte hartzeko

EAEko legebiltzarrak barne-araudia aldatu du eta, EH Bilduk salatu duenez, aurrerantzean zailagoa izango da herritarrek eta eragile sozialek legeen tramitazioetan parte hartzea.


2017-07-18 | Xalba Ramirez
Emantzipaziorako eredu berria Errenterian: Etxebizitza Komunitarioa

Udalaren Marea Gora egitasmoak garatu duten parte hartze prozesuaren lehen fasea amaitu da eta Errenteriako lehen Etxebizitza Komunitarioa izango denaren oinarriak finkatu dituzte.


2017-05-10 | Uriola.eus
Herritarren parte-hartzerako araudi berria "atzerapausoa" da Bilboko Auzo Elkarteen arabera

Hiriko barrutietako antolakuntza eta funtzionamendu araudia berrikusi, eztabaidatu eta azkenik onartu dute, martxoaren 30ean, Udaleko Osoko Bilkuran. Bilboko Auzo Elkarteen Federazioak gogor kritikatu du Udal Gobernuaren jarrera, prozesuan zehar emandako "ideia asko ez direlako jaso". Hori dela eta, alegazioak aurkezteko deia egin die federazioak bilbotarrei.


2017-03-30 | ARGIA
GuraSOSek "Hitza Hartu" parte hartze prozesua abiatuko duela iragarri du

GuraSOS elkarteak datozen hilabeteotan “Hitza-Hartu” ekimena jarriko du martxan, elkarteko buru Joseba Belaustegik iragarri duenez.


2016-12-25 | Jabi Zabala
Aitana Oltra. Zientzialaria
"Beti egon da herritar zientzia, baina iraultza handia dago sakelakoei eta interneti esker"

Aitana Oltraren iritziz, zientzialariek ez ezik, herritar arruntek ere espezie arrotz inbaditzaileen hedapena neurtu dezakete, herritar zientzia deritzona eginez. Are gehiago, herritarrek politika publikoetan eragin dezaketela uste du Oltrak. Urteak daramatza CSICen barruko Blaneseko Ikerketa Aurreratuen Zentroan (CEAB) tigre eltxoen ezaugarriak eta hedapena ikertzen. Mosquito Alert proiektuan zientzia eta parte-hartzea uztartu nahi dituzte.


2016-12-06 | Unai Brea
Inposatutako eta alferreko proiektu handien aurka, abenduaren 8an Bilbon

Proiektu Handi Inposatu eta Alferrekoen aurkako nazioarteko eguna da abenduaren 8a. Horren karietara hainbat mobilizazio izango dira Europa osoan, baita Euskal Herrian ere. Zehazki, hainbat talde eta norbanakok deia zabaldu du Bilboko Plaza Biribilean elkarretaratzea egiteko, eguerdiko 12:30ean.


Katrín Oddsdóttir. Islandiako konstituzio berriaren egileetakoa
"Islandiako konstituzioaren testua ez da iraultzailea, egiteko prozesua ordea bai"

2008ko krisialdiaren ondoren, askotariko erreakzioak egon ziren munduko bazter askotan. Gehienetan herri mobilizazioek izan zuten garrantzia, sakoneko aldaketak eskatzen zituzten mugimenduak. Islandian prozesu eratzaile eta legegile batek hartu zuen erreleboa, eta herritarren neurrira egindako instituzioak aldarrikatu zituen. Prozesu horretan murgilduta dago Katrín Oddsdóttir.


2016-08-30 | Estitxu Eizagirre
GuraSOS
Abuztock jaialdian parte hartzeko deia egin eta urrats juridiko gehiago iragarri ditu GuraSOSek

Irailaren 4an "errebolta baketsua" antolatu du GuraSOSek: "Aldundiak erraustegiari buruz erabakitzeko prozesua irekitzeari ezetz eman dio eta erabaki horrek herritarrenganako begirune eza adierazten du. Gizarteari dei egiten diogu bere ahotsa entzunarazi dezan". Pertsona ezagunen hitzaldi laburrak eta musika izango dira jaialdian. Urrats juridiko gehiago iragarri dituzte.


Azkenak
EGILEA
Eguneraketa berriak daude