Guggenheim Urdaibairi loturiko bide baten obrak geldituta daude, helegite baten ondorioz
Eusko Jaurlaritzak epe mugarik gabe gelditu du Muruetan egitekoa zen oinezkoentzako egurrezko pasabide baten exekuzioa, Guggenheim Urdaibai Stop plataformak helegitea jarri ondoren. Museoaren sarbideetako bat izan liteke bide hori eta biosferaren erreserba barruan legoke.
Urdaibai naturgunearen erdian Guggenheimen museo bat egiteko proiektuak beste oztopo bat dauka orain. Eusko Jaurlaritzak eten egin ditu Muruetan eraikitzekoa ziren oinezkoentzako pasabide baten obrak, helegite baten ondorioz. El Correo egunkariak argitaratu duenez, "segurtasun juridiko" gehiago izateko eten du bidearen exekuzioa.
Guggenheim Urdaibai Stop herri plataformak irailean helegitea jarri zion obren lizitazioari Espainiako Trantsizio Ekologikoaren Ministerioak daraman Kosten zuzendaritzaren aurrean. Helegiteak eskatzen du obrak bertan behera uztea, hainbat lurren okupaziorako tramitazio publikoan izandako akatsengatik.
Jaurlaritzak obren esleipena gelditzeaz gain, konkurtso publikoa berriz egiteari ere uko egin dio oraingoz. Bide hori egiteko 1,5 milioi euroko funtsa dauka erakunde publikoak, Europako Next Generationetik bideraturikoak.
Muruetako oinezkoentzako pasabidea Guggenheim Urdabai museo proiektuarekin lotzen du askok, hura martxan jartzeko obra nagusietako bat baita
El Salto-Hordago egunkarian Ahoztar Zelaietak idatzi duenez, Oka ibaiaren goiko aldean "ondare naturala eta kulturala balioan jartzeko" proiektua da Muruetan egin nahi den obraren izen ofiziala, eta bi enpresa aurkeztu ziren pasabidea egiteko konkurtsora. Azkenean Gaimaz eraikuntza enpresak irabazi zuen. "Orain indeminizatua izateko eskubidea dauka", dio ikerketa-kazetariak, Jaurlaritzako iturri zuzenak aipatuta.
Egurrezko azpiegitura bat, bisoi eta dortoken bizilekuan
Muruetako oinezkoentzako pasabidea Guggenheim Urdaibai museo proiektuarekin lotzen du askok, hura martxan jartzeko obra nagusietako bat baita; berez udazkenean ziren hastekoak. Egurrezko estruktura edo palafito bat da, biosfera erreserbako zingiren gainetik ibilbidea egingo lukeena, museoa Muruetako teila-fabrikarekin eta Gernikarekin lotzeko. Lehenengo faseak 370 metroko luzera dauka.
Bizkaiko Diputazioak hasiera batean errezeloz ikusi zuen bide hori, eragingo dituen ingurumen kalteen ondorioz. Bisoi europarra, arrain hiruarantza eta dortoka espezie endemikoak daude bertan. Hala ere, azkenean "kontsentsua" lortu zuten Jaurlaritzak eta Diputazioak.
Espainiako Gobernuko Trantsizio Ekologikoko Ministerioak ontzat jo du proiektuaren azkeneko bertsioa, baina El Correo-ren arabera, aldi berean onartu du "ingurumen- eta ikus-eragin nabarmenak" izan ditzakeela.
Berotegi gasen emisioak eta atmosferaren kutsadura murriztu egin diren arren, ingurumenaren egoera ez da ona Europan, kontuan harturik naturaren degradazioak, gehiegizko ustiapenak eta biodibertsitatearen galerak dakartzaten ondorioak, Europako Ingurumen Agentziak bost... [+]
Garuna dirudi, bai, intxaur alearen mamiak. Garun bikoitza. Alearen edo garauaren barrukoari “intxaur-mami”, “intxaur-ister” eta “intxaurki” esaten zaio.
Silurikoan sortu omen ziren, kontuak atera! Duela 400 milioi urte edo gehiago. Beraz, planetako lurretan azaldu ziren lehenetako animaliez ari gara, ez da txantxetarako kontua. Eta oraindik txantxa gutxiago, garai hartako espezie batzuek luzeran bi metro ere bazituztela jakinda... [+]
Uztailaren erdialdean aurkeztu zuten 2027tik aurrera Europako Nekazaritza Politika Bateratua (NPB) izango dena, eta proposamena izugarria da: NPBaren egitura desegitea eta azken urteotan lortutako aurrerapen urriak suntsitzea.
Pirinioetako eta Iberiar Penintsulako mendien katalogoa gehitu dugu Mendiak aplikaziora. Abuztuan hazi zen mendi katalogoa, eta dagoeneko igoera mordoxka bat erregistratu dituzte erabiltzaileek. Webgune gisa kontsulta daiteke Mendiak.eus, baina erabilpen aproposerako, app bidez... [+]
Public Eye eta Unearthed Gobernuz Kanpoko Erakundeek eman dute gehiegikeria horren berri irailaren 23an plazaraturiko txostenean. Inportatzaileen zerrendan 93 herrialde ageri dira, eta horietatik hiru laurdenak diru sarrera txikiak edo ertainak dituzten herrialdeak dira.
Orain da unea eta ez dugu denbora askorik. Baina, zer egin? Nondik hasi? Nora jo? Badugu gaitasun teknikoa, bide-orri argi bat falta zaigu, adostasun zabal bat. Oinak lurrean eta lokatzari aurre egiteko prest, berandu baino lehen ekin beharreko bideaz aritu gara Marta... [+]
Euskal Sagardoa Jatorri Deiturako 250 sagastietan hasiak dira jada sagar biltzen. Araba, Bizkaia eta Gipuzkoari dagozkien iazko datuekin alderatuta, uzta handiagoa izango da aurten. Orotara sei-zazpi milioi kilo biltzea aurreikusten dute, datu zehatza urte bukaerarako izango... [+]
Azken urteotako uda bukaera guzietan bezala, Ipar hemisferioko suteen kalteak zenbatzen ari gara, eta zenbakiak ikusi arren, oraino zaila zaigu arazoaren munta eta horri loturiko arriskuaren ezaugarriak ulertzea. Halere premiazkoa da, horren arabera lurraldeak prestatu beharko... [+]
Sarraskiak ez du etenik Palestinan, eta lurraldeko txoko guztietara hedatzen ari da. Uztailaren 31n, Hebrongo (Zisjordania) Hazien Bankuaren Ugalketarako Unitateari eraso zion Israelek; bulldozer eta makineria pisutsuarekin bertako instalakuntza eta azpiegiturak suntsitu zituen... [+]
Udazkeneko zenbakia aste honetan jasoko dute ARGIAko kideek, edo berariaz Bizi Baratzeako kide egin direnek.
Abuztuaren amaieran azaltzen da, baina iraila du gogokoen. Udazkena hemen dela berritzen digu urtero. Udazkenari kolore bidea erakusten dio. Guri, ahoko zeruak jasota duen lurrinen bilduma erraldoiaren miaketa azkarra egin eta urteroko uztaldi nagusiaren dasta bitxienetakoa... [+]
Iruñeko Hirugarren Zigor Auzitegiak 5.850 eta 9.450 euro arteko zigorrak ezarri dizkie Baztango Aroztegiko zazpi auzipetuei, derrigortze edo bortxa delituagatik. Baztertu egin du, ordea, talde kriminala osatzen zutela.
Edozein arlotan, arazo bat suertatzen denean, eta ia inor ados jartzen ez denean, ohiko galdera plazaratzea da onena: Nori egiten dio mesede?
