Gregorio Vicario euskal presoa Leongo Ospitalera eraman dute bihotzeko ebakuntza egiteko
Gregorio Vicario Setien Durangoko preso politikoa azaroaren 15ean iritsi zen Leongo Ospitalera, Burgosko espetxetik, bypass koronario bat jartzeko ebakuntza egin ahal izateko.
aurre egingo dieten hedabide independenteak
Denbora batez bularraldean mina izan ondoren, bere gaitzarekin lotutako lehen abisua 2020ko maiatzean eman zuen, Topaseko espetxean zegoela. Ospitaleko errebisio baten ondoren, kartzelara itzuli zuten berriro. Burgosko espetxean egon den denbora honetan, Vicario Setien larrialdietara eraman dute 2021eko urtarrilean eta otsailean mina eta zorabioak izateagatik. Joan den martxoan kardiologiako kontsulta bat izan zuen, ekainaren 17an esfortzu-proba bat egiteko itxaron-zerrendan zegoela baieztatu baitzioten.
Vicariori urriaren 26an egin zioten proba hori Burgosko Ospitaleko Medikuntza Nuklearreko Departamentuan, eta euskal presoari hedadura handiko iskemia larria antzeman zioten. Bere egoera larria zela eta, joan den azaroaren 3an kateterismo bat egin eta stent bat jarri zioten.
Gaineratu beharra dago, bestalde, preso durangarrak eskuineko begiaren ikusmena ia galdua duela, begi horren erdiko zainaren oklusio baten ondorioz, eta bere egoera itzulezina dela.
Euskal Herriko espetxe batera eramateko hainbat ukapen jaso ditu. Joan zen uztailan, Tratamendu Batzordeak Euskal Herriko espetxe batera lekualdatzeko hartutako erabakiaren kontra, Burgoseko espetxean gelditzea agindu zuen Espainiako Espetxe Erakundeetako Idazkaritza Nagusiak. Orain, bere osasun egoera larria ikusita, Durangoko presoak bere egoera aztertu behar duen tratamendu batzordea aurreratzea eskatu du.
64 urte dituelarik, Gregorio Vicario 2001ean atxilotu zuten Frantziako Estatuan, eta behin-behinean entregatu zuten epaiketak egiteko, 2016an behin betiko entregatzeko. Espainiako Estatuak Frantzian betetako kondena zenbatzen ez dien 50 euskal preso baino gehiagoren zerrendan dago; beraz, 22 urte inguruko espetxealdia geratzen zaio betetzeko. Kondena bikoitza betetzen dute delitu beragatik euskal presoek eta bada garaia horrekin bukatzeko.
Zalantzarik gabe, beste euskal preso askori bezala, espetxean oso egoera txarrean egoteak, duen adinari gehituta, Durangoko presoaren osasuna apurka-apurka hondatzea dakar. Etxeratek besarkada bat eta gure babes osoa helarazi nahi die Gregorio Vicariori eta haren familia osoari une delikatu honetan, era berean, espetxe-administrazioari eskatzen diogu berehalako irtenbide humanitarioak har ditzala, Gregorio Vicario espetxetik ateratzeko edo espetxeratze arindua egiteko, bai eta gaixotasun larriak dituzten beste 19 euskal presoei ere neurri bera aplikatzeko.
Jose Mari Dorronsoro preso politikoak Frantziako Estatuan bete zuen zigorra aintzat hartu ondoren, aske utzi zuten abuztuan, Etxerat elkarteak jakinarazi duenez.
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]