Gookapi, haurrentzako euskarazko lehen plataforma interaktiboa

  • Gookapi.eus euskal ekoizpeneko marrazki bizidunen 1.000 minutu baino gehiago daude eskuragarri. 10 urtetik beherako haurrei zuzenduta dagoen euskarazko lehen plataforma interaktiboa da.


2023ko abuztuaren 22an - 06:31
Azken eguneraketa: 2023-08-23 08:42:29
Mithy esploratzailea. Argazkia: Gookapi.eus

Plataforma interaktiboa eta doakoa da, haurrei zuzendua. Jatorrizko bertsioa euskaraz dago eta nahi izanez gero aldatu daiteke gaztelaniara. Eskainitako edukiek iraunkortasunarekin, ingurumenarekin eta Garapen Iraunkorreko Helburuekin bat datozen gaiak jorratzen dituzte.

Hainbat animaziozko telesail interaktibo gozatu daitezke plataforman: hala nola Mithy esploratzailea, Pintxo klima aldaketaren aurka, Lizen sormen tailerra edota Iratxoen kantu sekretuak. Istorioetan aurrera egiteko hainbat bide daude, eta eduki batzuk 360 graduko ikuspegia dute, kapituluen edukia edozein angelutik jarraitzeko.

Webgunearen bitartez erabilgarri dago plataforma, eta gailu mugikorretan, Google Play eta App Store-n deskargatu daiteke aplikazioa.

Marrazki bizidunekin batera, ipuina

Mezularik argitaratutako Iratxoak eta basoko sorginkeria ipuina aurkeztu dute. Ipuinean, testuez eta marrazkiez gain, abestiak, bideoklipak eta errealitate areagotua aktibatu daitezke mugikor edo tabletean.


Kanal honetatik interesatuko zaizu: Marrazki bizidunak
2023-08-18 | Ilargi Manzanares
Miyazakiren film berriak emango dio hasiera Donostiako Zinemaldiaren 71. edizioari

Irailaren 22an emango dute Kimitachi wa Do Ikiruka/The Boy and the Heron filma, Zinemaldiaren inaugurazio ekitaldiaren ondoren, Kursaaleko auditoriumean.


'Okrestra lurtarra' animaziozko filma ostiral honetatik aurrera zinema-aretoetan

Apirilaren 8an estreinatuko da zinema-aretoetan Orkestra lurtarra animaziozko film luzea. Joseba Poncek eta Imanol Zinkunegik zuzendu duten lan hau egiteko asmoa 2014an jarri zen mahai gainean: “Luze jo du, baina merezi izan dute bideak eta lanak”, azaldu dute Lotura... [+]


'Disney plus euskaraz' ekimena
Haurren paradisu txikiak erdaraz egiten du

Joan den mendeko 80ko eta 90eko hamarkadatan, haur euskaldunen erreferenteak ziren Arturo erregea, Heidi, Dotakon eta Dragoi bola. ETB1ean ikusten zituzten. Azken zortzi urteotan haurren ohiko telebista kontsumoa %40 jaitsi da. Orain marrazki bizidunak ordainpeko plataforma... [+]


Eguneraketa berriak daude