ARGIA.eus

2022ko maiatzaren 20a

Google eta Hezkuntza Sailaren arteko hitzarmena argitaratu du EAEko aldizkari ofizialak

  • Ikastetxe publikoetan multinazionalaren tresnak erabiltzea dakar hitzarmenak, “kontraprestazio ekonomikorik gabe” eta gutxienez lau urteko indarraldiarekin. Hezkuntzan teknologia berriekin ere administrazioak “pribatizazioaren alde” egin duela salatu du aditu eta eragile ugarik.

Gutxienez lau urterako hitzarmena sinatu du Eusko Jaurlaritzak Googlekin, multinazional pribatuaren tresnak ikastetxe publikoetan erabiltzeko (argazkia: Kaiera)
Urko Apaolaza Avila @urkoapaolaza
2022ko apirilaren 21a

Eusko Jaurlaritzako Hezkuntza sailaren eta Googlen arteko hitzarmena argitaratu du Euskal Herriko Agintaritzaren Aldizkariak ostegun honetan. Ebazpenak apirilaren 11ko data du, Jon Iñaki Urbina Jaurlaritzaren Idazkaritzako eta Legebiltzarreko Harrremanetarako zuzendariak sinaturik dago, eta multinazionalaren eta Hezkuntza Sailaren artean adostutakoa jasotzen du xeheki 35 orrialdetan.

Google multinazionalak Workspace for Education izeneko bere tresna-paketearekin hornituko du Hezkuntza Saila –Google Cloud edo Chromebook dira ezagunenetakoak–, bere mendeko ikastetxeetan erabiltzeko gutxienez lau urtez, baina beste lau urtez luzatzeko aukerarekin; eta horretarako bi aldeek hainbat konpromiso hartu dituzte.

Googlekin “lankidetzan” aritzeko konpromisoa hartu du Hezkuntza Sailak, eta talde misto bat sortuko dute horretarako

Hezkuntza Sailak Googlen zerbitzuak ezartzeko faseak definituko ditu eta zerbitzu horietarako sarbideak erraztuko dizkie irakasle zein ikasleei, baita beharrezko “prestakuntza-planak” egin ere. Gainera, Googlekin “lankidetzan” aritzeko konpromisoa hartu du Hezkuntza Sailak; talde misto bat sortuko dute horretarako, eta “tresna berriak probatzeko” betatester talde bat ere sortuko dute ikasleen artean. Azkenik, Hezkuntzak ikastetxeetan Googlen zerbitzuak erabiltzea sustatuko du.

Googlek, bere aldetik, erakunde publikoaren esku jarriko ditu dituen baliabideak, eta arestian aipaturiko “lankidetza” eta taldeetan parte hartuko du.

Hitzarmenak ez dakar “kontraprestazio ekonomikorik” bi aldeentzat eta, aldizkari ofizialean irakur daiteke “doakoa” dela. Hala, segurtasun eta pribatutasun klausulak dakartzan arren, testuak ez du zehazten Googlek zer onura izango lituzkeen ikastetxe publikoetan bere software itxia erabiltzearen ondorioz lorturiko datu pertsonalen tratamenduarekin eta informazio ugariarekin.

Google ikastetxeetan sartzeari kritikak

Ez dira gutxi Microsoft eta Google hezkuntza publikoan izaten ari diren hedapena kritikatu duten eragileak. Administrazio publikoari estrategia falta egozten diete eta konpainia pribatu horiei “alfonbra gorria” jartzea ikastetxeetan sartzeko.

“Notak, oharrak, gurasoekiko komunikazioa… Lainoa ez da existitzen, eta egun AEBetako multinazionalen ordenagailuetan daude datu horiek”, azaldu dio berriki Iñigo Gebara Hezkuntzan Librezale taldeko kideak Axier Lopezi. “Gure datuak enpresa pribatuen menpe uztea baino, hezkuntza komunitatearen kontrolpeko zerbitzarietan edo Eusko Jaurlaritzarenetan jartzea hobesten dugu”.

Adituek sarritan ohartarazi dute multinazional horiek eskaintzen duten “doakotasuna”, egiatan ez dela horrela: “Herritarrok uste dugu ez dugula ezer ordaintzen, baina ematen dizkiegun datu pertsonalak eta jasotzen dugun publizitatea dira ordaina”, dio Gebarak.

Hala, teknologiaren ustezko neutraltasuna zalantzan jarri eta eredu burujabeago bat bultzatu nahian dabiltza hainbat tokitan, besteak beste, zentroetan software libreak inplementatuz. Orain arte egindako bideaz eta aurrera begira hezkuntzan teknologia burujabetzak dituen erronkez sakon jardun zuen Mikel Garciak hainbat solaskiderekin Larrun honetan.


Teknologia burujabetza kanaletik interesatuko zaizu...
Mastodon.gal jaio da, galizierazko Mastodon komunitatea

Galizierazko Letren Egunean sortu da Mastodon.gal, galiziar hizkuntza eta kulturaren komunitatearentzako Mastodon instantzia. 1963ko maiatzaren 17an ospatu zuten lehen aldiz, Rosalia de Castrok Cantares gallegos liburua argitaratu zuela 100 urte betetzen zirelako. Gaurtik... [+]


EH Kom sortu dute, Euskal Herrian telekomunikazio sare publiko-komunitarioak hedatzeko

Arrakala digitala ezabatzeko bidean, telekomunikazio burujabetza eta herri ikuspegitik, Euskal Herrian telekomunikazio-sare neutro eta irekiak eratu eta hedatzeko helburuarekin sortu dute EH Kom.


2022-05-08 | Diana Franco
Teknologia
Teknologia ulertzea

Askotan teknologia produktu bezala ulertzen dugu, baina teknologia errezeta ideiatik gertuago dago. Gure eskuetan azken belaunaldiko mugikor bat izanda, azken teknologia gure eskuetan dugula uste dugu. Ez da horrela. Teknologia ez da objektu bat, ezagutza da, gizakion munduan... [+]


TxikiLinux Txokoa antolatu dute Herri Urratsen

Igande honetan, maiatzak 8, Ipar Euskal Herriko ikastolen festa ospatuko dute Senpereko lakuaren inguruan, bi urteko etenaldiaren ondoren. Joatekoak bazarete Araba gunean antolatu duten TxikiLinux Txokora gerturatzea gomendatzen dizuegu. Goizeko 9:00etatik aurrera bertan izango... [+]


Jaurlaritzari leporatu diote hezkuntza hitzarmenaren kontra doan akordioa sinatu duela Googlerekin

EAEko hezkuntza lege berriaren oinarria izango den hitzarmena adostu zuen hainbat alderdik martxoan; handik gutxira Googlerekin lau urterako akordioa sinatu du Eusko Jaurlaritzak, hezkuntza hitzarmenaren testuan jasotako “digitalizazio etiko, arduratsu eta euskaldunaren... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude