Gerra zikinaren 23 biktimari ordainarazi dizkiete kostu judizialak terrorismoaren biktima aitortza eskatzeagatik
Egiari Zor fundazioak adierazi duenaren arabera, guztira 106.000 euro ordaindu dituzte GAL eta Batallon Vasco Españolen 23 biktimen familiek.
Espainiako Gobernuak 2014an estatu-terrorismoaren hainbat biktimei aitortza ofiziala ukatu zien, eta orduan berria zen Terrorismoaren Biktimen Legeak markatzen zituen indemnizazioak jasotzea ukatu. Aitzakia gisa Europako Giza Eskubideen Hitzarmenaren zortzigarren artikulua jarri zuen. Artikulu horren arabera, biktimen indemnizazioa murriztu edo ukatu ahal izango da biktima "antolatutako delinkuentziagatik edo ekintza biolentoak egiten dituen erakunde batean egoteagatik" zigortua bada, baina estatu terrorismoaren biktima aitortza eskatu dutenak ez dira delitu hauengatik zigortuak izan. Barne Ministerioaren erabakia polizia-txostenetan eta prentsa artikuluetan oinarritu zen, ez erabaki judizialetan.
Hori dela eta, biktimen familiek Europako Giza Eskubideen Auzitegira jo zuten. Familien eskakizunak ukatu zituen auzitegiak; eta horren ondorioz familiek kostu judizialak ordaindu behar izan dituzte.
Egiari Zor taldearen arabera, 2019. urtean hasi ziren iristen kondenak, eta guztira 106.000 euro ordaindu behar izan dituzte. Gutxien ordaindu dutenek 1.000 euro ordaindu dituzte, eta beste familia batzuek ia 19.000 euro. Fundazioaren arabera, min eta aurreiritzi gehiago sortzeko borondate politiko garbia dago guzti horren atzean, eta ondorengo hausnarketa plazaratu du: "Halabeharrezkoa da galdetzea ea Estatuaren abokatutzaren irizpideak berdinak izango liratekeen biolentziaren iturria ezberdina izango balitz".
Estatu terrorismoak hildako pertsonen senideei ezarritako kosta-zigorren harira: pic.twitter.com/ABRLqNZkrh
— Egiari Zor Fundazioa (@EgiariZor) May 6, 2022
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
Berrogei urte bete dira GALek aldarrikatu lehen hilketatik. 1983ko abenduaren 19an Ramon Oñaederra ‘Kattu’ 23 urteko errefuxiatua hil zuen talde parapolizial horrek Baionako Bourgneuf karrikako Kayetenia ostatuan. Gertakari hori mugarria izan zen, hor abiatuko... [+]
Tartean, Joxi Zabala aitortu dute biktima gisa eta Joxean Lasa aitortzea ere ez dute baztertzen. Astelehen honetan, hilak 30, aurkeztuko dute Balorazio Batzordearen txostena.
Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.
Joxean Lasaren eta Joxi Zabalaren hilketaren 40. urteurrenaren harira oroimen ekitaldia burutu dute Busoten, Alacanten, euren gorpuak ezkutatu zituzten tokian. Lore eskaintza handi batekin oroitu dituzte bi tolosarrak.