Gernikako Eztena proiektua epaituko dute ostegun honetan

  • Bloke Naranjaren okupazioa dela-eta, ostegun honetan epaituko dute Gernikako Eztena proiektua, usurpazio delitua leporatuta. Epaiketaren sententziak, besteak beste, eraikinaren desalojoaren data jasoko du, eta ondorioz, bertan bizi diren 10 errefuxiaturen etxegabetzearena. Eztenako kideek elkarretaratzea deitu dute ostegunerako, 10:30ean Gernikako Epaitegiaren aurrean.

Artikulu hau CC BY-SA 2.0 lizentziari esker ekarri dugu.

2019ko uztailaren 09an - 08:16
(Argazkia: Eztena)

2018ko martxoan atera zen argitara Gernikako (Bizkaia) Eztena proiektua, Bloke Naranja modura ezaguna den eraikinaren birjabetzearekin batera. Ostegun honetan, hilak 11, izango da proiektuaren aurkako epaiketa, 11:00etan Gernikako Epaitegian. Auzibide penalaren bitartez hiru gazte 1.080 euroko isunarekin zigortu ostean, aste honetan ekingo diote epaiketa zibilari. Eztena proiektua epaituko dute oraingoan, usurpazio delitua egotzita.

Eztena "langile klaseko sektore zapalduenek jasaten dituzten erasoei klase elkartasunez erantzuteko" sortu zela azaldu dute proiektua martxan jarri zuten hainbat kidek. Hala, 2018ko urrian, kale gorrian geratzeko arriskuan zegoen errefuxiatu talde baten "aterpe" bihurtu zen Bloke Naranja. Eraikina desalojatzen badute, errefuxiatu horiek kalean geratuko direla azpimarratu dute Eztenakoek.

Elkartasun deialdia

Epaiketa baino ordu erdi lehenago, 10:30ean, elkarretaratzea egingo dute Gernikako Epaitegiaren aurrean, "Bloke Naranjan garatutako proiektua eta bertan bizi diren hamar errefuxiatuak kaleratu nahi dituztela salatzeko".


Kanal honetatik interesatuko zaizu: Okupazioa
2024-01-23 | Gedar
Zestoako Gaztetxearekin elkartasunez, Eliza seinalatzen jarraitzen dute

Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.


2024-01-19 | Gedar
Euskal Herrian izan den apostasia kolektiborik handiena ari dira egiten Zestoako Gaztetxearen alde

Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]


2023-12-18 | Garazi Zabaleta
Otxantegi Herri Lurrak
Lurra negozioa egiteko ala elikadura eta bizitza duinerako?

Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]


Donostialdeko okupazio bulegoak hamargarren urteurrena ospatuko du

Donostialdeko okupazio bulegoak hamar urte beteko dituela eta, urteurren festa antolatu du astebururako. Ostiralean mahai ingurua egingo dute Parte Zaharreko Birunda gune autogestionatu berrian, Etxebizitzaren defentsan, antolakuntza esperientziak ezagutzeko. Bertan izango dira... [+]


Errekaleorren 10. urteurreneko ekintzetan jasandako polizia jazarpena salatu dute

Errekaleor Bizirik auzoaren hamargarren urteurrena ari da ospatzen. Adierazi dutenez, 24 orduan lau identifikazio eta hiru isun jasan dituzte. Isunak mozal legea aplikatuta jarri dizkiete.


Eguneraketa berriak daude