Gaztetxe berria izan arte ez dutela “amore emango” berretsi dute Itzubaltzetan
Itzubaltzeta II gaztetxe zaharra erre eta ordu batzuetara, 300 auzokidek manifestazioa egin dute Itzubaltzeta/Romoko kaleetatik, "Suak erre duenak herriak piztu dezala. Itzubaltzeta aurrera" goiburupean.
aurre egingo dieten hedabide independenteak
Belaunaldi arteko manifestazioa izan da; bertan parte hartu dute Ibon Rodriguez (EH Bildu), Paula Amieva eta Kike Prada (GUK) zinegotziek. Itzubaltzeta gaztetxeko kideek berretsi dute ez dutela "amore emango" eta "zutik" segituko dutela: "Herri honek nahi eta behar duen gaztetxea lortzeko borrokari jarraituko diogu". Manifestazioa eta ekitaldiaren ondoren, asanblada egin dute gazteek.
Itzubaltzeta gaztetxeko kideek irakurritako komunikatua
"2008ko uholdeak zirela eta, egoera konpontzeko Gobela ibaiko obrak abiarazi beharra zegoen; garai hartan, gaztetxearen hutsarazte-arriskua eta eraikinen bat okupatzeko aukerarik ez zegoela ikusita, Itzubaltzeta Gaztetxearen aldeko plataforma sortu genuen, herriko zenbait kolektibo eta pertsonakaz osatuta.
Plataformaren lanari esker, askotariko atxikimendu eta herri osoaren babesa jaso genuen, urte luzez herriko gazteek kolore, ilusio eta gogoz eraikitako tresna bizirik segi zezan.
Horregatik, egoeraz kontziente, udalagaz negoziazio-prozesu bat abian jarri genuen, bi helburu zehatzagaz: obrak zirauten bitartean, gazteok gure ekinbideari jarraitzeko espazio bat izatea eta obrak bukatzean, gazteok sortutako Itzubaltzeta Gaztetxearea berreskuratzea.
Horren ondorioz, 2013. urtean aurretiko hitzarmen bat sinatu genuen eta Udalak Etxe Merkea utzi zigun. Egungo asanblada osatzen dugunok filosofia berberagaz segitzen dugu: herri bat, gaztetxe bat.
Gaur goizean, itzubaltzetarrok berri txar bategaz esnatu gara: gre herriko gaztetxea kiskalita aurkitu dugu. Egoera horrek sentimendu multzo bat sortu digu: alde batetik, amorrua eta pena, eta bestetik, gaztetxearen aldeko borrokan inoiz baino kementsuago segitzeko indarrak eman dizkigu.
Gertakizun horren aurrean, gazteok argi daukagu: ez dugu amore emango. Zutik segituko dugu.
Eskerrik asko gaurko egun kaxkarrean elkartasun-dei -mezu eta -keinuak helarazi dizkiguzuenoi, baita antolatu dugun manifestaziora hurbildu zaretenoi: zuok guztiok osatzen duzue Itzubaltzeta.
Gutxi falta zen azkenengo hitzarmena sinatzeko, gutxi falta zen gaztetxea berriro ere gazteon eskuetan egoteko. Baina gaur gure eskuakaz sortutako proiektua erreta ikusi dugu.
Orain, Hirigintzaren balorazio teknikoa jasotzearen zain gaude, eta hori jaso arte ez dakigu zer gertatuko den.
Hala ere, lehen esan dugun moduan, ez dugu amore emango eta zutik segituko dugu: herri honek nahi eta behar duen gaztetxea lortzeko borrokan segituko dugu".
Albiste hau Hirukak argitaratu du eta CC-by-sa lizentziari esker ekarri dugu ARGIAra.
Baionako Herriko Etxearen jabetzapean, eraikinak bost urte daramatza hutsik, eta espazio hori hartu du Ipar Euskal Herriko Kontseilu Sozialistak, “elkartzeko, kolektiboki pentsatzeko eta borrokak antolatzeko”.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
Tentsio uneak bizi ahal izan dira ostegun eguerdian Donostiako Udaletxeko udal batzar aretoan.
21 Zabalgunea udal soziatateak desalojo data ezarri diela jakinarazi dute Alde Zaharreko espazio okupatua kudeatzen duten Auzoan Bizi etxebizitza sareak, Herrizoma elikadura sareak eta Zaharraz Harro jai herrikoiak. Korda “defendatuko” dutela adierazi dute.
Airaldeko Greba Batzordeak (SOS Aiaraldea) jakinarazi duenez, larunbatean hartu zuten itzulera hegazkina desokupazio enpresako kideek.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Hainbat okupazio "sinboliko" egin ostean, dozenaka lagun Urgulleko Guardetxean sartu dira eta garbitzen eta txukuntzen ari dira, ekitaldi kulturalak antolatzeko.
Beste bizi eredu baten alde eginez, hainbat belaunaldik ikasteko, antolatzeko, esperimentatzeko eta trebatzeko aukera izan dute Lakaxitan bi hamarkada hauetan zehar. Gazte belaunaldi anitz ikusi ditu gaztetxeak, eta Jaion bestan, oraingo gazte mugimenduko kideak ez... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
Azaroaren 19an Justiziaren Eraginkortasunari buruzko Legea eta Prozedura Kirminalaren Legea aldatu zituen Espainiako Kongresuak, beste lege sorta batzuk onartzearekin batera. Horrek epaiketa azkarrak egitea, pisu turistikoen erregulazioa aldatzea edo kaleratze zehatz batzuen... [+]
Pasa den asteko "kaleratze ilegala" salatu dute hainbat herritarrek, ostiral arratsaldean.
Joan den asteko kaleratze "ilegala" salatzeko, manifestaziora deitu dute ostiral arratsalderako.
Ustez, lokalaren jabetza eskuratu dutenek bidali dituzte sarrailagileak sarraila aldatzera; Ertzaintzak babestuta aritu dira hori egiten. Birundak epaiketa bat irabazi du duela gutxi.