“Gazte Danbadak hazia jartzen du eta hori nabari da Euskal Herrian”
Gazte Danbada antolatu dute Ernaik eta Aitzinak martxoaren 25etik 28ra bitartean Laudion, Esna harrapa gaitzala lemapean. Gazte antolakundeek alternatibak eraikitzeari ekin diote azken urteetan eta hori nabari da ekimenetan. Gazteek gazteentzat propio sorturiko hitzorduak zenbait berritasun dakartza aurtengoan. Ernaiko kide Lur Albizuk eskaini dizkigu nondik norakoak.
aurre egingo dieten hedabide independenteak
“Gazteok nahi dugun herri eredua zein den erakutsi nahi dugu”, esan zenuten aurtengo edizioa aurkeztean. Azalduiguzu mesedez.
Azken urtean, alternatiben eraikuntzan finkatu dugu gure jarduera politikoa. Gazte Danbada aukera ezin hobea da hori lantzeko, gazte askoren bilgune izango delako. Funtsezko dugu egungo sistemari aurre egiteko baldintzak sortzea. Hori da Gazte Danbadaren helburua, alegia, ez dugu aisialdira mugatu nahi, bizi dugun prekarietate egoerari eta sistemari berari erantzuteko mekanismoak ere sortu nahi ditugu. Estatu berri bat eratzera bidean, esaterako, zer nolako Euskal Estatua eraiki nahi dugun eztabaidatu behar dugu. Horretan ari gara, eta azken hilabeteetan Gure kabuz ala hil dokumentala landu dugu alternatiben gaia mahai gainean jarri nahian.
Nola antolatzen da Gazte Danbada gisako ekimen bat?
Hainbat lantalde sortu ditugu eta horietako bakoitzak bere ardurak ditu. Gazte Danbadaren kudeaketarako zenbait txanda sortu ditugu, horien artean, hondakinen kudeaketa, segurtasuna... Euskal Herriko gazteen artean banatuko ditugu txanda horiek. Aurten, gainera, “zaintza taldea” sortu dugu lanean ari direnen ongizateari begira; jardunean ibiliko garen gazteon zaintza ezinbestekoa dela iritzi dugu. Alegia, gazte batzuek txanda luzeegiak egin ohi dituzte, batzuetan egoera kaskarrean. Horrelakoak saihestu nahi ditugu, Gazte Danbadan egin beharreko lana modu orekatuan banatu beharra dago. 4.000 gazte inguru bilduko gara; garrantzitsua da ongi antolaturik egotea.
Esna harrapa gaitzala...
Gazteok esna egon behar dugu. Sistema kapitalista heteropatriarkalak ezin gaitu lotan harrapatu, prest egon behar dugu horren aurka borrokatzeko. Bestalde, ezin dugu Euskal Estatua eraikitzeko aukera galdu. Finean, alternatiba eta proiektu propioak sortzen jarraitu behar dugu.
Gazteek bizi duten egoerak hausnarketa behar du?
Askotariko zapalkuntzak bizi ditugu, nazionalak, generozkoak... Aurre egin behar diegu halako bidegabekeriei. Adibidez, azken urteetan bortizki pairatu ditugu prekarietatearen ondorioak eta presente daude horren aurkako aldarriak. Finean, guk sortu behar ditugu egoera iraultzeko baldintzak.
Tentuz landu duzue elikadura burujabetza ere...
Alternatiba propioak eraiki nahi ditugu; bide horretan, ez du zentzurik kanpoko jakiak kontsumitzeak. Elikadura burujabetza funtsezko baldintza da gure eredua eraikitzen jarraitzeko. Bitartekoak jarriko ditugu horretarako: nekazari eta artisau azoka, garagardo azoka... antolatzeaz gain, bertako nekazarien produktuak ere eskainiko ditugu. Haziak landatzen hasi beharra dugu.
Aurten ere generoen gaia landuko duzue. Aurrerapausorik nabari al da gazteen artean?
Ernai antolakundeak hiru urte daroatza prozesu feministan murgildurik. Hala ere, generoen gaiak oraindik ez du behar lukeen pisua gure militantzia esparruetan. Aurrerapausoak eman direla esan daiteke, baina oraindik asko dugu egiteke.
“Nazioarteko ordezkariekin esperientziak trukatu eta elkarlanerako bidea finkatzeko” nahia azaldu duzue. Zergatik?
Gazte Danbadan parada paregabea izango dugu munduko beste eragileekin esperientziak elkartrukatzeko. Nazioarteko talde ugari dator, besteak beste, Brasileko, Irlandako eta Kurdistaneko gazteak gonbidatu ditugu; Espainiako Estatuko nazio zapalduetako jendea ere badator. Garrantzitsua da sare horretan sakontzea. Besteen borrokak ezagutuko ditugu eta horrek gurea elikatuko du. Gainera, gatazka gizarteratzeko ezinbesteko tresna da internazionalismoa. Gatazkaren konponbideari begira ezinbesteko zaigu nazioarteko aktoreen parte hartzea; Espainiako Estatuaren blokeo jarrera deuseztatzen lagun dezakete.
Gazte Danbadak oholtza gainera igotzeko aukera eskainiko die izena eman duten Euskal Herriko gazteek osaturiko musika taldeei. Ekimenak arrakasta izan du?
Sekulako arrakasta izan du. 66 musika taldek eman dute izena; horietatik 27k oholtza txikian joko dute eta Rock Maratoian hartuko dute esku gainerakoek. Oholtza gainean bakerik ez! ekimena aurreko urtean jaio zen. Aurten, oro har, talde gehiagok izango du kontzertua eskaintzeko aukera. Euskal Herrian musika talde ugari dago, horietako asko ezagutzen ez ditugun arren; aitortzekoa da beren jarduna.
Azken bi urteetan Nafarroan antolatu dituzue gazte topaketak, egitaraua Iruñeko Aberri Egunarekin amaituz. Aurten Laudion izango da Gazte Danbada, Iruñetik urrun. Zergatik?
Azken urteotan heldua genuen dinamikarekin amaitu nahi izan dugu. Gazte topaketak urtero herrialde berean egiteak pisua dakar antolaketa aldetik. Nazio ikuspegitik ere garrantzitsua izaten da ekimenaren jarduera eremua hedatzea. Aurten Aberri Eguna ez dugu Iruñean ospatuko, baina tarte bat eskainiko diogu Laudion, ekitaldi baten bidez.
Gazte Danbadan ikasten dena bertan geratzen da?
Ez dut uste. Gazte topaketak txute izan daitezke bertaratzen direnentzat, esperientzia ugari ezagutzen direlako; hitzordu interesgarri asko dago. Hitzaldiek, mahai-inguruek eta abarrek badute ondoriorik gazteengan. Gazte Danbadak hazia jartzen du eta hori nabari da Euskal Herrian.
"Bailara eraldatzeko ezinbesteko tresnatzat" hartzen dute Gaztetxea, eta elkartasuna adierazi diete "borrokan dauden beste Gaztetxe guztiei".
Durangoko Ernaik salatu du Txiki eta Otaegiren muralaren kontrako erasoa. Ostegun arratsaldean murala berregiteko dei egin dute.
Gazteak dira, jaiotzetik aro digitala baino ez dute ezagutu, eta hiperkonexioaz eta estimulu jarioaz nekatuta/nazkatuta amaitu dute. Gutxiengoa dira, baina garbi dute sare sozialen zurrunbilotik ihes egitea hoberako izan dela: "Ez da alarmismo kontua, baina jakin behar dugu... [+]
Gaztetxearen aldeko manifestazio jendetsu bat egin zuten larunbatean Durangon, espazioaren irekieraren berri eman eta lau egunera. "Lehenengo gaua ere ez genuela bertan pasatuko esan ziguten, eta oraindik gaztetxean tinko jarraitzen dugu", aldarrikatu... [+]
Grabagailuari stop eman eta segituan galdetu dit Oiherrek: “Transkribatzean mantenduko duzu euskalkia?”. Baietz nik, batuaren mugek uzten didatenaren barruan baietz. “Arras inportantea da niretako”. Dutxa hartu eta Elizondora eginen du berriz, Aroztegiko... [+]
Unibertsitateko ikasleak azterketa garaian dauden bitartean, irakasleoi ikasturtea ixtea dagokigu. Irakasleak talde txikitan biltzean oso ohikoa da urte batetik besterako aldaketen gainekoak konpartitzea eta hausnarketaren brindis gisara ikasle belaunaldiaren
ezaugarritzea... [+]
Aste Santuan Berriozarren egindako topaketetatik egun gutxira bildu gara Gasteizko Sorturen bulegoan. Hango kontuez jardun dugu apur bat, baina batez ere gaur egun euskal gizartean dantzan diren gaiez aritu gara, Ernaik horien gainean duen iritzian sakontzeko asmotan. Amaiur... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Maiatzaren 22tik 23ra bitartean deklaratu beharko dute auzipetuek. Gazteek salatu dute instituzioak "geroz eta gehiago" ari direla mugatzen protestarako eta mobilizaziorako eskubide politikoa, eta 'Bajadikako 27ak' izenarekin sortu dute plataforma bat. Maiatzaren... [+]
Kabia gune okupatuaren 19. urteurrena ospatzeko jarduerak egingo dituzte gaurtik domekara bitartean, apirilaren 24tik 26ra. Bi hamarkada betetzear dagoen gune autogestionatu honek hainbat gorabehera izan ditu bere ibilbidean, eta, Udala bultzatzen ari den Hiria Antolatzeko Plan... [+]
Ostegunetik igandera bitarte egindako topagunean 3.000 lagunetik gora bildu dituela esan du Ernaik. Larunbat iluntzean egin dute jardunaldietako ekitaldi politiko nagusia, gazte antolakundeko bozeramaile Amaiur Egurrolak hitza hartuta. Aberri Egunaren harira EH Bilduk... [+]
Gernikako "gazte langileen interes eta beharrei" erantzungo dien proiektu bat martxan jarriko duela adierazi du Egurre Gazte Asanbladak. Eraikina duela hamar urte itxi zuten, eta salatu dute Gernikako Udalak hiru legegintzaldi daramatzala esanez liburutegi bat jarriko... [+]
Adierazpen askatasuna aldarrikatzeko eta "eskuin erreakzionarioaren ofentsibari aurre egiteko" batuko dira. Egun horretarako Euskal Preso Politikoen alde antolatua zuten hitzaldia eta ekitaldia salatu du UPNk, eta hura zelatatzeko agindu du Espainiako Audientzia... [+]