Gasteizko Txosna Batzordeak aldarrikatu du “zilegitasun osoa” duela erabakitzeko nola eta norekin egin nahi duen lan
Mugimendu Sozialistak egin dien beto salaketaren aurrean, beren posizioa defendatuz oharra kaleratu du Gasteizko Txosna Batzordeak (GTB). "GTB-n parte hartzea ez da inola ere eskubide bat bere horretan, hurbiltze-prozesu baten emaitza baizik, elkarrekiko errespetuan oinarritutako konfiantza sortzeko prozesua". Orain arte ez dela horrelako prozesurik egon eta Mugimendu Sozialistak ez duela halako estrategiarik salatu dute. Urritik aurrera, gatazka konpontzen saiatzeko lan egiteko prestutasuna adierazi dute. "Ikusiko dugu MS-k gauza bera egiten duen", adierazi dute.
Joan den astean, Euskal Herriko 150 kulturgilek Bilboko Konpartsetan eta Gasteizko Txosna Batzordean Mugimendu Sozialistari parte hartzen uzteko publikoki eskatu ostean, GTB-k bere erabakia defendatu du ohar baten bidez. Funtsean, herri mugimendu gisa, bere erabakiak hartzeko zilegitasuna defendatu du. "Mugimendu Sozialistako bi talde gehiago ez sartzearen erabakia ez da beto politikoa, prozesu guztiz legitimo baten emaitza da".
Adierazi dute ez dutela "aukera politikorik debekatu", horren erakusle dela batzordea osatzen duten proiektu, orientazio politiko eta kulturalen aniztasuna. Gogoratu dute Mugimendu Sozialistak baduela "ordezkaritza" Gasteizko Txosnetan, Ikasle Abertzaleak-en bitartez.
Adierazi dute, 43 urteko ibilbidea duen batzordeak osatzen duten eragileek kolektiboki hartu dutela erabakia, 2020-2021 ikasturtean egin zuten hausnarketatik abiatuta. Bertan hau jaso zuten, publiko egin dutenez: "GTBko taldeen arteko bizikidetzaren esparruko helburuak dira: Gasteizko Txosnen oinarri politikoekin koherentea den jarduera bultzatzea, errespetutik eta lankidetzatik abiatuta; konfiantzan oinarritutako espazioa eta espazio segurua bultzatzea". Txosna Batzordeko talde bakoitzak gainontzeko kolektiboak eta haien jardun politikoa errespetatzeko konpromisoa hartu behar duela gogorarazi dute, eta hori ez dela MS-ren jarrera beren ustez.
"Gainerako parte-hartzaileak errespetatzeko gai ez direnak, prozesu horietatik kanpo jartzen dute haien burua".
Gasteizko Txosna Batzordea
Herri mugimenduen prozesu politiko horizontaletan, konpromisoak hartu eta adostasunak bilatzeko estrategia defendatu dute. "Gainerako parte-hartzaileak errespetatzeko gai ez direnak, prozesu horietatik kanpo jartzen dute haien burua".
GTB-k adierazi du urritik aurrera "gatazka konpontzeko" lan egitea proposatu duela eta zalantza adierazi dute MS gauza bera egiteko prest ote dagoen.
"43 urte hauek ez dira hutsalak izan. Urteak daramatzagu guztion artean elikatzen dugun espazio honen alde lanean eta borrokan. Gasteizko jaien baitan zilegitasunez egiten dugu lan hiriko jendarteak eskatzen duen espazio alternatibo, autogestionatu, feminista eta euskalduna aurrera eramateko eta horretan jarraituko dugu, proiektuan sinistu eta elikatu nahi duen ororekin", adierazi dute.
Gasteizko Txosna Batzordea ondorengo eragileek osatzen dute, beren webgunean ikus daitekeenez: Askapena, Errekaleor Bizirik, Gasteizko Gaztetxea, Gazte Karpa, Hala Bedi irratia, Ikasle Abertzaleak, Iraultza 1921, Jardun, Kalera, Gasteizko Mugimendu Feminista eta Gerrilla sukaldea.
Segurtasunaren aldeko elkarretaratze bat antolatu dute ostiral honetarako, hilak 23, Altzako Harria parkean. Donostiako hainbat eragile antifaxistek salatu dutenez, “Voxeko jarraitzaile bat” da deialdiaren atzean dagoena, eta Frente Obrerok eta Juventud Combativa... [+]
Airaldeko Greba Batzordeak (SOS Aiaraldea) jakinarazi duenez, larunbatean hartu zuten itzulera hegazkina desokupazio enpresako kideek.
Aste osoan ARGIAko kazetari bat dedikazio osoz izango da auzitegi barruan gertatzen denaren berri ematen, baita kanpoan Aroztegiko Elkartasun Komiteak auzipetuen absoluzioa eskatzeko antolatutako egitarau zabala jarraitzen ere. Argia.eus-en aurkituko duzue informazio guztia... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
Ostia kolektiboko milintanteek 8.742 euro ordaindu beharko dizkiote Bouygues enpresari, eta beste 2.000 euro abokatuen gastuentzat. 2022ko abenduan buruturiko desobedientzia ekintzan promotore horren maketa bat zikindu izanagatik zigortu dituzte.
Pentsio publikoak duintzeko kanpainak 145.142 sinadura bildu ditu urte hasieran abiatu zenetik, eta pentsio apalenak behintzat lanbide arteko gutxieneko soldatarekin parekatzea da helburua. EHPM Euskal Herriko Pentsiodunen Mugimenduak Eusko Legebiltzarrean erregistratu du... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Gaur, maiatzak 15, San Ixidro da, Baserritarren Eguna. Egurra Ta Kandela baserritar ekintzak salatu du ekologikoan lan egiten duten laborariak landutako azalera handitzeko diru-laguntzatik kanpo utzi dituela Gipuzkoako Foru Aldundiak. Horregatik, 12:00etan Aldundiaren aurrean... [+]
Aurten ez dut aparteko ilusiorik San Ixidro egunerako. Ez dut girorik aurkitzen. Ingurura begiratu eta giro ospela. Burua lanean jarri behar izan dut epeltasun bila, eta hara non, azaldu zaizkit gure gazten zain hilabeteak daramatzaten lagunen irribarreak. Bihotza epelxeago dago... [+]
Maiatzaren 17an LGTBIQ+fobiaren Kontrako Eguna dela-eta, “bizi dugun oldarraldi atzerakoia” , “transfobiak hartu duen indarra” eta “instituzioen utzikeria” nabarmendu dituzte kolektiboaren bueltako elkarteek. Zenbait instituzioren kapitalismo... [+]
Aste Santuan Berriozarren egindako topaketetatik egun gutxira bildu gara Gasteizko Sorturen bulegoan. Hango kontuez jardun dugu apur bat, baina batez ere gaur egun euskal gizartean dantzan diren gaiez aritu gara, Ernaik horien gainean duen iritzian sakontzeko asmotan. Amaiur... [+]
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]
Sare sozialetako argitalpen baten bidez, otsailaren 23an, Ane Santesteban txirrindulariak (Errenteria, Gipuzkoa, 1990) endometriosia daukala iragarri zuen. Diagnostikoak lagundu egin dio ulertzen zergatik batzuetan gaizki sentitzen den bizikletan: “Kisteak aldaka okertzea... [+]
Ludotekan, gazte txokoan, udalekuetan... batzuk musukatzen ari direla, beste hark zakila erakutsi duela eta honakoak gorputzarekiko irainak jaso dituela, hori guztia kudeatzea ez dute erraza hezitzaileek. Adibide praktikoz lagunduta, 'Nola landu sexualitatea hezitzaileon... [+]