Gasteizko okupazio bulegoa kriminalizatu asmoz PPk deitutako prentsaurrekoa sabotatu dute
Prentsaurreko deialdia “probokazio ekintzatzat” joaz, PPko zinegotzi Miguel Garnicaren diskurtsoa eten du garbitzailez jantzitako pertsona talde batek.
Gasteizko PP alderdiak prentsaurrekoa deitua zuen asteazkenerako, Zapateneo liburutegi alternatiboaren ateetan. Hala Bedik adierazi duenez, agerraldiaren xedea, orokorrean, kolektibo oso bat seinalatzea zen. Hala ere, bereziki seinalatu nahi izan duten proiekturik bada: orain aste gutxi berriro martxan jarritako okupazio bulegoa.
Diskurtso arrazista
Prentsaurreko deialdia “probokazio ekintzatzat” jota, dozena erdi pertsonak agerraldia egin dute, Garnica hizketan zela. Garbitzailez mozorrotuta eta “ez eskatu duintasunik, flatulentzia usaina dagoenean” pankarta bat eskuetan, PPko zinegotziaren diskurtsoa eten dute. Garnicaren adierazpenak, kolektibo baten kontra egiteaz gain, kutsu arrazista agerikodun esaldiz beteta egon da: okupazio bulegoak gazte eta migratzaileen “okupazio masiboa” bultzatzen duela esateaz gain, karteletan arabiera ere erabiltzen dutela azpimarratu du. Ekintzaren aurrean, ondorengoa adierazi die hedabideei: “Hau da kolektibo bat harrotzen denean eta mugarik ez duenean gertatzen dena”.
Ekintza aurrera eraman dutenek Hala Bediri argi adierazi diote: “Ez ditugu jarrera probokatzaileak onartuko gure espazioen ateetan”.
Ekintzaren bideoa:
Gaur Miguel Garnika, PP-ko zinegotzia, Okupazio Bulegora etorri da...
KAPITALARI KIRATSA DARIO!
ALGUIEN TIENE QUE LIMPIAR VUSTRA MIERDA!#NoPidaisDecenciaSiHueleAFlatulencia pic.twitter.com/d6Fpra5StE
— Birjabetze Kolektiboa (@BKolektiboa) 2019(e)ko urtarrilaren 30(a)
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]