Gasteizko Etxebizitza Sindikatuko kide bat atxilotu dute, eta deportatua izateko arriskuan dago
2021ean atxilotu zuten, Ertzaintzak bera ere bizi zen etxebizitza-blokea hustu zuenean, eta deportazio-espediente bat ireki zuten bere kontra. Kidearen berehalako askatasuna exijitu du Etxebizitza Sindikatuak, eta salatu du gertatutakoa ez dela kasu isolatu bat. "Etxebizitza Sindikatuak proletario guztien antolaketa politikorako tresna izan nahi du: autodefentsa sozialista antolatu behar dugu, deportatu ez gaitzaten, etxetik bota ez gaitzatzen", argitu dute.
aurre egingo dieten hedabide independenteak
Gasteizko (Araba) Etxebizitza Sindikatuak atzo jakinarazi zuen kide bat atxilotu zuela Espainiako Poliziak. Kalez jantzitako polizia-agenteek atzeman zuten autobus geltokian, eta Atzerritartasun Bulegoan daukate gatibu. Marokoar jatorrikoa da, eta edozein unetan kanporatua eta deportatua izateko arriskuan dago.
Ertzaintzak 2021eko urtarrilean hustu zuen etxebizitza-bloke bat Los Herranen, eta han bizi ziren hamabost pertsonak etxegabetu zituen. Han bizi zen, hain zuzen ere, atzo atxilotua izan zen kidea. Etxegabetzean atxilotu zuten ertzainek, eta, "bere etxea defendatzeagatik", deportazio-espediente bat ireki zuten bere aurka. Horregatik dago gaur egun deportatua izateko arriskuan.
Kidearen berehalako askatasuna exijitu dute Etxebizitza Sindikatuko militanteek, eta atzo protesta bat egin zuten Atzerritartasun Bulegoaren aurrean. "Gure kideak hiru urte baino gehiago daramatza hemen bizitzen eta inguru zabal eta egonkorra sortu du", azaldu dute.
Politika oso bat
Gogorarazi dute, gainera, gertatutakoa ez dela "kasu isolatu bat": "Ehunka pertsona migratzaile kanporatu dituzte gure hiritik. Horietako asko, gure kidea esaterako, kalez jantzitako poliziek atxilotzen dituzte, modu bortitzean; autobus edo tren geltokietan migratzaileak jazartzen aritzen diren agenteek".
"Hori gure hirian gertatzen da, politikari profesionalek errefuxiatuei harrera egiteko zentro bat ireki behar den ala ez eztabaidatzen duten une berean", salatu du Etxebizitza Sindikatuak. "Eztabaida elektoralista horretan, Gorka Urtaran alkateak dio Gasteizek ez duela horrelako zerbitzurik behar, bere kudeaketa-eredua nahikoa delako. Ikus dezagun zein den eredua: bortxazko deportazioak, arrazializatutako pertsonen aurkako etengabeko jazarpen poliziala, lurraldean erroldatzeko eta erregularizatzeko traba burokratikoak, proletariotza migratzaileak etxebizitza eskuratzeko duen ezintasuna higiezin agentzien prezio altuak eta irizpide arrazistak direla medio, alternatibarik eskaintzen ez duten baina autobusa hartu eta hiritik alde egiteko 12 euro ematen dizkieten gizarte-zerbitzuak, pobrea eta, are gehiago etorkina, etengabe kriminalizatzen duten komunikabideak", sakondu dute Etxebizitza Sindikatuko kideek: "Horiek dira burgesiak proposatzen dituen bideak: errefuxiatu jakin batzuk harrera-zentroetan pilatzea eta gainerakoentzat miseria eta diziplina gogorra".
Deportazioen kontra
Etxebizitza Sindikatuak nabarmendu du "deportazio mota guztiak erabat gaitzesten" dituela. "Oinarrizko eskubideak, hala nola mugimendu askatasuna, burgesiarentzat soilik dira eskubide eta proletariotzari ukatu egiten zaizkio, eta proletario etorkinei are gehiago", adierazi du. Seinalatu du, izan ere, "askatasun politikoak gehiago murrizten" direla pertsona migratzaileen kasuan: "Batzuentzat etxegabetze bat gelditzea isun ekonomikoa izan daiteke, eta beste batzuentzat, berriz, estatutik kanporatzea". Ondorioztatu du, beraz, "proletario etorkinentzat oraindik eta zailagoa" dela "beren bizi-baldintzak defendatzea eta antolatzea".
"Etxebizitza Sindikatuak proletario guztien antolaketa politikorako tresna izan nahi du: autodefentsa sozialista antolatu behar dugu, deportatu ez gaitzaten, etxetik bota ez gaitzaten; azken batean, proletario etorkinekin nabarmen gogorragoa den proletariotzaren aurkako ofentsiba politiko eta ekonomikoa gelditzeko".
CaixaBank Researchek egindako ikerketak agerian eman du Nafarroako etxebizitza merkatuaren egoera. 2007-2008 arteko higiezinen burbuilaren garaian baino %3,7 garestiagoa dira etxebizitza eraiki berriak Nafarroan.
Joan den astean jakinarazi zuten Basque Culinary Centerren GOe eraikina urriaren 20an inauguratuko dutela, eta horren harira, Kaleratzeak Stop plataformak idatzi bat helarazi du komunikabideetara. Bertan, gaitzetsi egin du Basque Culinary Centerreko eraikin berria 20 hilabetetan... [+]
Maximo historiko berri bat ezarri du Donostiako etxebizitzaren prezioak: 5.869 euro metro koadroko, batez beste. Hori da Higiezinen Jabetzako Artekarien Gipuzkoako Elkargo Ofizialak aurkeztu berri duen txosteneko ondorioetako bat; txostenak 2025eko bigarren hiruhilekoko... [+]
639 'minipisu' ari dira eraikitzen Barakaldon, BEC erakustazokaren aldamenean. Udal ordenantzak aginduta, hotel erabilera eman behar zaio espazio horri, baina "alokairu malgua" dela dio Be Casa-k. Egun batzuetako alokairuetatik hasi eta "hilabete batzuetarako... [+]
"Gure herria izugarrizko irabazi-iturria da turismotik negozioa egiten dutenentzat. Bertako langileok, berriz, horren albo-kalteak jasaten ditugu: miseria eta esplotazioa", seinalatu dute mobilizazioa deitu duten Kontseilu Sozialistak eta Etxebizitza Sindikatu... [+]
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
