Garoñari bizitza luzatzea baldintza egokirik gabe erabakiko dutela salatu dute

  • Espainiako Segurtasun Nuklearrerako Kontseiluak (CSN) datozen egunetan erabakiko du Garoñako zentral nuklearrak berriz ere funtzionamenduan jartzeko baldintzak betetzen dituen. Ordea, ASTECSN, Kontseiluko teknikariak biltzen dituen elkarteak salatu du erabakitze prozedura behar bezainbesteko gardentasunik gabe egin dutela, eta ez dagoela baldintzarik zentrala berriz abiatzea baimentzeko.


2017ko otsailaren 07an - 13:21

CSNk segurtasunezko zenbait aldaketa exijitu zizkion zentral nuklearrari bere azpiegituretan, eta ASTECSNk komunikatu bidez adierazi duenez, aldaketa horiek amaituta egon behar dute zentralaren bizitzari buruz edonolako erabaki hartu aurretik. Egun, aldaketa horiek egin gabe daude nahiz eta zentralak horren berri eduki 2015eko apiriletik. Erabakia orain hartzeak, beraz, beharrezko informazio eta aurrebaldintzen gaineko salbuespena eginez hartzea ekarriko luke. Ezin da ziurtatu baiezkoa eman ostean eskatutako aldaketak gauzatuko lituzketen.

Bestalde, Europa mailan eta Energia Atomikoaren Nazioarteko Agentziak onetsitako segurtasun azterketa protokoloa —hamar urtean behin aztertzen da zentrala— aldatzeko bidean da CSN, “industria elektrikoaren patronalak hala eskatu baitio”, ASTECSNk dioenez. Aldaketarekin, zentralaren funtzionamendu-epea luzatzeari buruzko erabakiek ez dute loturarik izango egiten zaizkion azterketekin, eta luzaketa horiek ez dira mugatuko hamar urtera; aitzitik, gobernuak erabakiko du epeen luzera.

“CSNk ezkutukeriaz betetako prozesua gauzatu du Garoñan”, salatu du ASTECSNek: “Azterketa bera egin duten teknikariek ez dute txostena ikusteko aukerarik eduki”.

Teknikariek diotenez, nahikoa gardentasunik gabe, onartu gabeko segurtasun protokolo bat erabiliz, eta azpiegituran beharrezko aldaketak egin gabe hartutako erabakiak “justifikaziorik gabeko arriskua hartzea” dakar. Hori “gizartearen ezagutza eta onarpenik gabe” egiten ari dira, ez baita eman zentral nuklearraren bizitzari buruzko eztabaida publikorik.


Kanal honetatik interesatuko zaizu: Energia nuklearra
Energia nuklearraren ekoizpena maximo historikoan: seguru al gaude?

Nazioarteko Energia Agentziaren esanetan 2025ean inoiz baino energia nuklear gehiago produzituko da munduan. Nuklearren bultzada berri baten aurrean gaude, baina erreaktore eta zentraletan izaten diren “gertakariak” ikustea besterik ez dago hartzen ari garen... [+]


Nuklearra energia garbitzat hartzea eskatu du Europako Legebiltzarrak

Legebiltzarrak astearte honetan, hilak 21, onartu du erabakia gehiengo handiz: 456 boto alde eta 153 kontra. Horren bidez, eskatu dio Europar Batzordeari prestatzen ari den Isuririk Gabeko Industriaren Europako Legean onar dezala energia nuklearra zero isuri duten energien... [+]


Fukushimako urak isurtzeak ez duela arrisku esanguratsurik adierazi dute aditu batzuek

Erradiazio eta segurtasun nuklearreko adituek adierazi dutenez, Fukushima Daiichiko instalazio nuklearretik isurtzen ari diren ur erradioaktiboa ez da mehatxu esanguratsua, ez itsasoko bizidunentzat, ezta pertsonentzat ere. Hala adierazi dute Science aldizkarian argitaratutako... [+]


Microsoftek energia nuklearra erabili nahi du adimen artifiziala elikatzeko

Hodeia ez da existitzen, beste norbaiten ordenagailua da. Zehatzago esanda, beste norbaiten ordenagailuz betetako pabiloi erraldoiak dira hodeia, eta energia kopuru izugarriak behar dituzte. Microsoftek erreaktore nuklear txikien aldeko apustua egin nahi du energia behar horiek... [+]


Eguneraketa berriak daude