"Galizia, herri bat, selekzio bat" kanpaina abiatu du Vía Galegak

  • Galiziako selekzioak ofizialki lehiatzeko eskubidea duela aldarrikatu du Vía Galega herri ekimenak. Aurkeztu berri duen manifestua kanpaina zabalago baten abiapuntua da, Anxo Louzao bozeramaileak iragarri duenez.

Via Galega plataformako kideak eta kirolaren esparruko ordezkariak, asteartean emandako prentsaurrekoan / Vía Galega

2021eko irailaren 15an - 08:17
Azken eguneraketa: 10:48

Louzaok gaineratu du kirolaren esparruan bezala beste askotan ere "debekaturik" dutela "galiziar bezala azaltzea". Batzuen helburua galiziarren nortasun-ezaugarriak "ezabatzea" dela dio, eta herri gisa euren autoestimua indartuko lukeen edozein aurrerapauso oztopatzea.

"Utzikeria erabatekoa da Galizian", salatu  du. "Ez Xunta, ez Galiziako Futbol Federazioa, ez daude prest lagun arteko partidak antolatzeko ere, 2005ean BNGk abiatutako bidea etenez. PPk Gobernua hartu zuenean (2009an), argi zegoen ekimen horiek bertan behera utzi beharra zegoela".

Egoera irauli ahal izateko, espainiar federazioekiko lotura hautsi beharra dagoela nabarmendu du Vía Galegak, eta "erakunde propio eta burujabea" eratu. Eskozia eta Gales jarri ditu eredutzat, nazioartean ofizialki lehia daitezkeenak estatu propioa izan gabe ere, Eurokopan ikusi bezala. Helburua da "autoestimua handitzea, kontzientzia nazionala elikatzea, kirola galiziartzea eta genero berdintasuna sustatzea".

Abiatuko duten kanpainaren inguruko xehetasunak aurrerago emango ditu plataformak. Bien bitartean, Galiza, un Pobo, unha selección manifestuaren aldeko sinadura bilketa abiatu dute.


Kanal honetatik interesatuko zaizu: Galizia
Materialismo histerikoa
Biharamunik ez

Matutek twitterren idatzi zuen Galiziako hauteskunde kanpainan Feijóok egindako adierazpen batzuen harira: “jende honek ezin du irabazi”. Eta irabazi dute. BNG igo da asko, diote denek. TVEn esan dute alderdi nazionalistek ez dutela zertan txarrak izan... [+]


Aldaketarako aukera aise zanpatu du Galiziako PPk

2009az geroztik, gehiengo osoarekin gobernatzen ari da PP –38 eserleku baino gehiago–, eta horrela jarraituko du gutxienez beste lau urtez. BNGk inoizko emaitzarik onenak lortu ditu, baina ezkerreko blokea gobernatzetik urrun geratu da, PSOEk jaitsiera handia... [+]


Beste 'Prestige' bat Galiziako kostaldean? Plastikozko milioika bolatxok marea zuria eragin dute

Duela hainbat astetatik etengabe ari dira azaltzen plastikozko bolatxoak Galiziako Rias Baixaseko hondartza eta arroketan. Kargamentua abenduaren 13an galdu zuen itsasontzi batek Portugalen eta geroztik kostaldeko naturguneei ere eragiten ari da. Ekologista taldeek salatu dute... [+]


Zesarea programatuetan lagunduta sartu ahal izatea lortu dute Galizian

Ama talde baten borrokari esker, zesarea programatuetan emakumeak bakardadean ez erditzea eta bikotekideak edo konfiantzazko pertsona batek lagundu ahal izatea lortu dute Galizian. Euskal Herrian ere, laguntzailearekin erditu ahal izatea eskatzen du ahots ugarik.


2023-08-03 | Ilargi Manzanares
Espainiako Gobernuko negoziazioetan hizkuntzaren auzia erdigunean jartzea eskatu dute hainbat eragilek

O Festigal jaialdian elkartu dira Euskalgintzaren Kontseilua eta katalanaren eta galizieraren aldeko hainbat erakunde eta elkarte. Bertan egin dute eskaera, eta hizkuntza gutxituen normalizazioaren aurkako “oldarraldia” gertatzen ari dela salatu dute.


Eguneraketa berriak daude