ARGIA.eus

2020ko abuztuaren 04a

Galegozko egunkari bat jaioko da 2019an

  • Galego hutsean aritzen den egunkari bakarra izango da. Ekonomikoki sostengatu ahal izateko, 3.000 harpidedunen beharra dute. Kopuru hori lortzean ekingo diote proiektua digitaletik paperera pasatzeari.

Gorka Pe˝agarikano Goikoetxea @PenagarikanoG
2019ko urtarrilaren 21a
Hedabideaz arduratzen den batzordeko kideak. / Argazkia: Sermosgaliza.gal

Iazko urtarrilean sortu zen Sermos O Diario Galego egunkari digitala. Harpidetzak lortuz gero, hasierako xedea gauzatuko litzateke 2019an: galiziarrei galego hutsean aritzen den paperezko egunkari bakarra eskaintzea. Gaur egun ez dago paperean argitaratzen den galegozko hedabiderik. Galicia Hoxe-k 2011ean utzi zuen informazioa paperean kaleratzeari, hamazazpi urteren ondoren. Urtea amaitu baino lehen argitaratzen hastea aurreikusten dute.

“Ekonomikoki, sozialki eta kulturalki galiziar ororen nahiak bete nahi ditugu”, diote hedabideaz arduratzen direnek. 2018ko urtarrilean ekin zioten proiektuari. Edizio digitalean lau esparru lantzen dituzte: Galiziako albisteak, nazioartekoak, kultura eta agenda. Dena den, paperean arlo gehiago jorratuko dituztela iragarri dute, baina ez dituzte guztiak zehaztu. Feminismoa eta galegoa izango dira horietako bi.

Hasi dira harpidetzak

Harpidetzak egiteko formulario bat prestatu eta abian jarri dute. 3.000 harpidedunekin proiektua aurrera atera liteke, baina Xoán Costa hedabideaz arduratzen den batzordeko presidenteak “are gehiago” izatea nahi du: “Ohiko prentsarekin asetzen ez diren horiei dei egiten diegu; pentsamendu irekia dugu eta kritikotasunez jorratuko ditugu gaiak”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Galizia  |  Hedabideak

Galizia kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude