G7aren bilkuraren harira informatzeko askatasunari jarri zaizkion muga eta debekuak tarteko, Frantziako Kazetarien Sindikatuak (SNJ) hitza hartu du, kazetariek pairatutako jazarpena salatuz.
“Kazetariek zenbait gertaeraren jarraipena egiteari utzi, ala ohitu beharko dute normalki jardun eta herritarrak informatu ezin izatera?”, aireratu dute galdera, G7aren goi bilera tarteko kazetariek jasandako jazarpen polizialaz arduratuta.
Hainbat kazetariri bere jarduna oztopatu egin diotela adierazi dute, eta zenbait kasutan poliziak susmagarritzat jo dituela gehitu. “Neurriz kanpoko kontrolak, babeserako materiala konfiskatzea, egiaztapen luze eta umiliagarriak, aintzatetsi gabeko nazioarteko prentsa txartelak… testigantza eta ikus-entzunezko froga ugarik egiaztatzen dute segurtasun indarrek kazetariekiko izan duten jarrera gaitzesgarria”, dio idatziak. Polizia inpunitate osoz aritu dela salatu dute.
G7aren kontra-gailurraren jarraipena egitera joandako etxe honetako kazetariak jazarpen polizialaren testigu izan dira: hamaika aldiz identifikatu eta gelditu dituzte errepideko kontroletan, babeserako zeramaten materiala konfiskatu diete, kotxeak miatu dizkiete eta luzez erretenituta ere izan dituzte.
Sindikatua, “Kazetarien Defentsarako Gida”-ren egilekide denez gero, gertaera hauen aurrean aurkezten den edozein demandari batuko zaiola jakinarazi dute.
Enpresa batek kereila jarri du Aragoiko AraInfo hedabidearen eta haren bi kazetariren aurka, baita Zaragoza en Común-eko zinegotzi baten aurka. Zaragozako Udalak enpresa horri emandako dirulaguntzen inguruan, komunikabide independenteak argitaratutako informazioari... [+]
Aurreko astean, Madrilen epaitu zituzten José Manzaneda kazetaria eta Euskadi-Cubako legezko ordezkaritza, artikulu baten harira: AEBen blokeoaz hitz egiten zen idatzian. Sei urteko espetxe-zigorra eta 70.000 euro inguruko zigor ekonomikoa eskatzen zituen akusazio... [+]
Hilaren 28an bi urte beteko ditu Poloniako kartzelan Euskal Herriko kazetariak. Poloniako justiziak ostegun honetan erabaki du beste hiru hilabetez luzatzea behin behineko espetxealdia.
Akusazio partikularrak 50.000 euroko kalte-ordaina ere eskatu du Cubainformacióneko José Manzaneda kazetariaren aurka, erreportaje batean emandako edukiagatik.
Otsailaren 28an bi urte beteko atxilo. Egun horretarako, Gonzalez libre uztea aldarrikatzeko manifestaziora deitu du Guernica Gernikara ekimenak.