Emakumeak borrokan

"G7an izango den errepresioari" aurre nola egin jakiteko tailerrak antolatu dituzte

  • Munduko aberatsenak Biarritzen bilduko dira abuztuan, eta G7 gailurra babesteko “frantses gobernuak matxinada soziala zanpatzeko erabiltzen dituen indar polizial eta judizialak indarrean jarriko ditu”, dio Aman Komunak sareak. Horren aurrean nola jokatu jakiteko tailerrak antolatu ditu.

ARGIA @argia
2019ko maiatzaren 15a
G7aren aurka Biarritzen egindako protesta.

Azken finean, “Estatuaren tresna ezberdinak hobe ezagutzea da beldurrari muzin egin eta aurrera jotzeko bidea”, dio sareak. Horregatik, helburu hori duten eztabaida, hitzaldi eta tailer sorta prestatu dute maiatzaren 31tik ekainaren 2ra, Donibane Ziburuko gaztetxean.

Besteak beste, “identifikazioa, polizia-etxea, epaitegia, kartzela” kateak nola funtzionatzen duen azalduko dute Laurence Hardouin Baionako abokatuak eta Mattin eta Peio preso ohiek; mobilizazioetan zauritutakoak kalean bertan artatzeko tailerra emango dute; eta “Polizia eta justizia indarren estrategia berriak Frantzian” eta “Jaka Horiak, sozietatearen kontrako asaltoa?” hitzaldiak eskainiko dituzte.

Mugimendu sozialek bat egin eta erresistentziak epe luzera sendotu eta elkartzeko premia azpimarratu du Aman Komunak sareak.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: G7ren aurkako mugimendua  |  Biarritz

G7ren aurkako mugimendua kanaletik interesatuko zaizu...
Azkenak
EGILEA
Eguneraketa berriak daude