Finalerako "azken" txartela noren eskura?

  • Hurrengo larunbatean Iruñean jokatuko da azken finalaurrekoa eta han erabakiko da BECen Amets Arzallus egungo txapeldunarekin kantatzeko sailkatu diren zazpi bertsolarien zerrenda. Hona hemen orain arteko sailkapena, eta aukera gehien dituzten bertsolariak:

Estitxu Eizagirre @eeizagirre
2017ko azaroaren 27a

SAILKAPEN OROKORRA

1.-Maialen Lujanbio (750+707,5)= 1.457,5 puntu

2.-Igor Elortza (703+710)= 1.413

3.-Sustrai Colina (705,5+701)= 1.406,5

4.-Beñat Gaztelumendi (694,5+694,5)= 1.389

5.-Jon Maia (675+681,5)= 1.356,5

6.-Jon Martin (671+668,5)= 1.339,5

7.-Julio Soto (668,5+671)= 1.339,5

Nerea Ibarzabal (663+675,5)= 1.338,5

Jone Uria (669+668,5)= 1.337,5

Agin Laburu (690+634,5)= 1.324,5

Iñaki Apalategi (648+633,5)= 1.281,5

Etxahun Lekue (656,5+615)= 1.271,5

Bigarren saioa jokatzeko zain daudenak:

Aitor Mendiluze (740,5)

Aitor Sarriegi (705)

Miren Amuriza (678,5)

Oihana Iguaran (671)

Unai Agirre (667,5)

Alaia Martin (651)

Aukera gehien dituzten bertsolariak:

Gaur gaurkoz, Julio Soto litzateke abenduaren 17an BECeko finalera sartuko litzatekeen zazpigarren bertsolaria. Sei bertsolari falta dira bigarren finalaurrekoa kantatzeko, eta Aitor Mendiluzek 599 puntu beharko lituzte zazpigarren dagoen Soto berdintzeko: finalaurrekoetan orain arte guztiek 610etik gora puntu atera dituztela kontuan hartuta, segurutzat hartzen da Mendiluze finalean. Aitor Sarriegik 634,5 puntu behar ditu eta gorabeherentzat beti tarterik badago ere txapelketan, hautagai segurutzat har daiteke.

Non egon daiteke langa? Sarriegik eta Mendiluzek hanka bat barruan dutela kontuan hartuta, bosgarren postuan den Jon Maia har daiteke langatzat, eta beraz, 1.356,5 puntu lirateke bi saioetako batuketarekin gainditu beharrekoak. Miren Amurizak 678 puntu beharko ditu horretarako, aurreko saioan lortu zuen emaitza berbera errepikatzea, hain juxtu. Oihana Iguaranek 685,5 puntu eskuratu beharko lituzke, aurrekoan baino 14,5 puntu gehiago baina inola ere ez ezinezko. Bi bertsolari hauek dute eskuragarrien.

Baina ezinezkorik ez dagoelako da Iruñeko azken finalaurrekoa zirraragarri: Unai Agirrek 689 puntu eskuratzeko moduko jauzia egin beharko du, baina horretarako hortzak estutu gabe ez da aterako. Eta Alaia Martinek 705,5 puntuko saioa egin beharko du, Aitor Sarriegik lehen saioan egin zuenaren pareko.

"Ta azkenak atea itxi dezala"

Horrela bota zuen umorez Jon Maiak bere bigarren finalaurreko lehen agurra. Bueltan bueltan, gerta dakioke bera izatea finalean zazpigarren sartuz atea itxiko duena. Aipatutako hauetako edonork oso gustura egingo lukeen lana.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Bertsolari txapelketa 2017

Bertsolari txapelketa 2017 kanaletik interesatuko zaizu...
2017-12-24 | Kattalin Miner
Bazterren aroa, behingoz

Oraindik BECekoa liseritu baino, irentsi beharrean nago. Zer nolako finala eman digun zortzikoteak! Hasi eta buka. Bejondeizuela eta eskerrik asko, egun paregabea biziarazi diguzue!

Beraz bai, pozik nago, oso pozik txapelketak utzitako gazi-gozoak kendu ditudalako igandearekin; Maialen Lujanbiorenarekin. Zeren, lagunok, bidea ederra izan da, baina urdaila ere uzkurtu izan zaigu batzuoi sarri. Izan ere, ez dakit badakizuen, baina Bertsolari Txapelketa Nagusian, apenas neurtzen ari garen nork... [+]


Beltza nagusi

Begirazun zorrotzez ebaki zuen hitz bakoitza Maialen Lujanbiok, eta larrurik beltzenei jarri zien ahotsa euskal plaza entzutetsuenean: amabakarra, prostituta, yonkia izatea hautatu zuen eta subjektu hauen bizitzetara eraman gintuen, erru, erruki zein epai moraletatik urrun. Autoritate nagusia irabazi zuen argudioekin sega pasatuta, hitzekin txiribuelta bikoitzak eginda eta modurik adierazkorrenean kantatuta.


2017-12-18 | Dani Blanco
Finaleko argazki galeria

Abenduaren 17an Barakaldoko BECen jokatu zen finala, Dani Blancoren iruditan.


2017-12-18 | Kattalin Miner
Bazterren aroa, behingoz

Abenduaren 17an BECen jokatu zen Txapelketa Nagusiko finalaren kronika. Sailkapen taulak hau esan zuen: Maialen Lujanbio txapeldun 1.756 punturekin. Aitor Mendiluze bigarren, buruz burukoa Lujanbiorekin eginda, 1.680,5 punturekin. Hirugarren Sustrai Colina 1.137,5 punturekin (buruz burukoa jokatzetik puntu erdira geratu zen). Amets Arzallus (1.136), Igor Elortza (1.124), Aitor Sarriegi (1.107,5), Beñat Gaztelumendi (1.076,5) eta Unai Agirre (1.072,5).


2017-12-18 | Kepa Matxain
Azken erromesaldia

Abenduaren 17an BECen jokatu zen Txapelketa Nagusiko finalaren kronika. Sailkapen taulak hau esan zuen: Maialen Lujanbio txapeldun 1.756 punturekin. Aitor Mendiluze bigarren, buruz burukoa Lujanbiorekin eginda, 1.680,5 punturekin. Hirugarren Sustrai Colina 1.137,5 punturekin (buruz burukoa jokatzetik puntu erdira geratu zen). Amets Arzallus (1.136), Igor Elortza (1.124), Aitor Sarriegi (1.107,5), Beñat Gaztelumendi (1.076,5) eta Unai Agirre (1.072,5).


2017-12-17 | Kattalin Miner
Amets Arzallus Antia
"Finalerako sorpresa bat bera ere ez egotea izan da sorpresa"

Abenduaren 17an BECen ikusiko dugu zein izango den hurrengo lau urtez Euskal Herriko txapeldun. Gaur gaurkoz, Amets Arzallus da txapeldun nagusia: 30 urterekin jantzi zuen lehena eta bigarrenaren bila joko du igandean. BECen kantatu duen hiru finaletan gailurra zanpatu du: hirugarren egin zuen 2005ean, Andoni Egañak Unai Iturriagarekin buruz-buru arituta bere azken txapela jantzi zuen urtean; Maialen Lujabiorekin buruz-buru arituta bigarren geratu zen 2009an, lehen emakumeak txapela... [+]


Oholtzako zirrikituak

Susmatzen genuen, baina aurtengo Txapelketa Nagusiak baieztatu digu: bertsoak eztabaidarako ematen du. Irailean banatu genuen pastela, Kattalin Minerrentzat kroniken erdiak, Kepa Matxainentzako beste erdiak. Geroztik bakoitza bere kasa ibili da, eta, orain, finalaren atarian, berriro elkartu gara txapelketaren aitzakian han-hemen atera diren eztabaidagaiez patxadaz solasteko. Segidan daukazue ia ordu beteko hitz-aspertutik berreskuratu duguna.


2017-12-14 | ARGIA
Zautela 05: Amets Arzallus
MULTIMEDIA - Zautela

Egungo txapeldun Amets Arzallus elkarrizketatu du Kattalin Minerrek Zautelaren bostgarren atalean. Prestakuntzaz, bertsogintzaren egungo erronkez eta BECen utzi nahi duenaz aritu da, besteak beste.


2017-12-11 | ARGIA
BECeko finalerako sarreren irabazleak zozkatu ditugu

Barakaldoko BECerako lau sarrera zozkatu ditugu ARGIA JENDEAren artean. Ondarroa eta Iturenera joan dira sarrerak.


Eguneraketa berriak daude