Apirilaren 21ean izango dira Eusko Legebiltzarreko hauteskundeak?

  • Beraien ustez data zein izango den esan du Pello Otxandiano EH Bilduko lehendakarigaiak: apirilaren 21a. Hala balitz, Legebiltzarra otsailaren 27an desegin beharko luke Urkulluk.


2024ko urtarrilaren 17an - 13:30
Azken eguneraketa: 15:47

Iñigo Urkullu lehendakariak oraindik ez du jakinarazi noiz egingo diren Eusko Legebiltzarrerako hauteskundeak, baina dagoeneko oposizioak azaldu ditu bere usteak. EH Bilduko lehendakarigai Pello Otxandianok, Euskadi Irratiko Faktoria saioan, ziurtzat jo du apirilean izango direla, eta data ematera ausartu da: "Data zehatza ez dakigu, baina apirilaren 21a izan daiteke segur aski". Hori esanda, Urkulluri zuzendu zaio eguna argitzea eskatuz. "Ez dago bestelako arrazoirik data ja ez jakiteko", gehitu du.

Imanol Pradales EAJren lehendakarigaia urtarrilaren 27an aurkeztuko dute jeltzaleek, eta beraz, baliteke data horren bueltan ezagutaraztea hauteskundeen data.

Hala ere, Legebiltzarra desegitea beranduago etor daiteke. Izan ere, hauteskundeak apirilaren 21ean egiteko, Urkulluk dekretua otsailaren 27an argitaratu beharko luke, araudiaren arabera 54 egun pasa behar direlako. Aldiz, demagun Pradales aurkeztu ondoren publikatzen duela dekretua; horrela, martxoaren 24an lirateke.

Otxandianok esandakoak izan dezake zentzua; batetik, Urkulluk berak sarri apirilaz hitz egin duelako, eta bestetik, egutegiak bere mugak dituelako: apirileko lehen igandea Pazko Astean da, eta
azken igandea San Prudentzio jaieguna Gasteizen. Hauteskundeak apirilaren 14an balira, berriz, kanpaina Aste Santuaren erdi-erdian abiatuko litzateke; 21ean izanda, Pazko Astea amaitu berritan.

Proiektuak gauzatzeke

Hauteskundeetarako "bi edo hiru hilabete" falta direla esan zuen atzo Andoni Ortuzar EBBko presidenteak Espainiako Telebistan. Legegintzaldia "ongi" amaitzeko, lau lege proiektu onartzea gustatuko litzaioke EAJri.

Bestalde, EAJ eta PSOEren arteko akordioan hainbat eskumenen transferentziak ere barnebiltzen dira, besteak beste migrazio gaietakoa. Espainiako Gobernuak urrats horiek ematea garrantzitsua litzateke EAJrekin etorkizunean akordioak egiten jarraitzeko.


Kanal honetatik interesatuko zaizu: EAEko hauteskundeak 2024
2024-04-22 | ARGIA
Santiago Abascal (Vox): “ETAk eta euskal alderdi separatistak irabazi dituzte hauteskundeak”

Santiago Abascal eta Amaia Martinez hautagaia igo dira oholtzara Voxen balorazioa egiteko, eta nork agintzen duen argi gelditu da lehen segundutik: “Nik hitz egingo dut lehena”, esan du Abascalek, eta Martínezek oholtza uzteko imintzioa egin duenean, tinko... [+]


2024-04-22 | ARGIA
Pilar Garrido (Ahal Dugu-Aliantza Berdea): "Emaitza txarrak lortu ditugu eta hala aitortzen dugu"

Ahal Dugu izan da gaurko galtzaileetako: ez du ordezkaritza politikorik lortu. Inkestek iragartzen zioten aukera hori, baina baita eserleku bat edo bi lortzeko aukera ere. Azkenean ez du lortu eta alderdi moreak kolpe gogorra jaso du.


2024-04-21 | ARGIA
Javier de Andresek eskua luzatu dio EAJri

Javier de Andresek adierazi du PPn prest daudela alderdi guztiekin hitz egiteko, baina “Euskadin eta Espainian gertatzen den edozein haustura gelditzeko” ere bai.


2024-04-21 | ARGIA
Pello Otxandiano (EH Bildu)
"Aldaketa martxan da eta geldiezina da”

EH Bildu pozarren agertu da hauteskundeen balorazioan. Bototan EAJk irabazi duela aitortu dute, eta zoriondu dute horregatik, baina eserlekuetan berdindu egin dutela, eta gainera 100.000 boto gehiago aterata.


EAJ nagusi Bizkaian, baina alde gutxiagorekin

Jeltzaleek 11 eserleku lortu dituzte baina 2020an baino bat gutxiago; EH Bilduk, aldiz, bi eserleku gehiago izango ditu Bizkaitik, 8 ordezkari lortuta. PSEk (4) eserleku bat gehiago lortu du aurreko hauteskundeekin konparatuta, PP mantendu egin da (2) eta Elkarrekin-Podemosek... [+]


Eguneraketa berriak daude