Euskarabidearen aurrekontua 2,8 milioitik 6,9ra pasa da legealdia hasi zenetik

  • Horri esker hedabideen, euskaltegien, elkarteen eta tokiko entitateen laguntzak handitu dituzte. Euskararen institutuak egoitza bat eta bakarra izanen du, Kirol Etxean.

Euskalerria irratia @fm983irratia
2018ko martxoaren 20a

Euskarabideko zuzendari kudeatzaile Mikel Arregik azaldu duenez, Euskarabideak 2015etik hona aurrekontuan gozatu duen hazkundeari esker, “berreskuratu ahal izan dira euskararen irakaskuntzarako zein erabilpen sozialerako oso garrantzitsuak diren laguntzak, esaterako, hedabideena, ekimen sozialeko elkarteena, euskaltegiena eta euskarazko planak dituzten tokiko erakundeena”. Esate baterako, egun euskaltegiek 250.000 euroko laguntza dutela, eta 2015ean ez zuten batere.

Arregiren irudikoz, aurrekontuaren hazkundeak, halaber, “ahalbidetu du behar bezalako erantzuna ematea Euskararen Legeak ezartzen dituen konpromisoei, eta modu horretan aurrera egitea herritar guztien hizkuntza eskubideekiko errespetuan”.

Arregik Ana Ollo kontseilariarekin batera egin du agerraldia, Euskarabidearen azken hiru urteotako ibilbidearen balorazioa egiteko. Euskararen Plan Estrategikoaren garrantzia nabarmendu du, eta Euskararen foru dekretuari buruz azaldu aztertzen ari direla herritarrak artatzen dituzten unitate administratiboek eta lanpostuek dituzten beharrak, komunikazioari, formakuntzari eta itzulpenari dagokionez. Fase hori amaitzen dutelarik, “negoziazio kolektiboan aztertuko da zein lanpostu zehatzetan den beharrezkoa euskara jakitea eta hartara elebiduna izatea”.

Euskarabidea, Kirolaren Etxera

Agerraldi horretan berean Ana Ollo kontseilariak azaldu du Euskarabideak egun dituen hiru egotzak bakar batean batuko dituztela, orain arte Kirol Etxea izandakoan hain zuzen ere, Kirol Etxe horretan zeuden federazioak Navarra Arenara joanen direla profitatuz. Horretarako, Kirol Etxea zaharberritu eginen dute, eta horretarako milioi bat euro bideratuko dituzte.

Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Euskara Nafarroan

Euskara Nafarroan kanaletik interesatuko zaizu...
Osasunbideari ere errieta, euskara egoki ez baloratzeagatiik

Osasunbideko deialdietan, lehiaketaldian 40 puntutik euskarak 4’29 puntu eman beharko lituzke eremu euskaldunean, eta 2’73 puntu eremu mistoan. Baina euskararik jakin gabe ere 39 puntu lortu daitezke, beste merezimendu batzuekin. Beraz, praktikan, ez da betetzen euskarari buruzko foru dekretu berriak dioena.


2018-10-15 | Errigora | ARGIA
Errigorak 2013tik 2018ra 800.000 euro bideratu ditu Nafarroa hegoaldeko euskalgintzara

"Nafar hegoaldeko uzta euskarari puzka" kanpainaren bidez, Errigorak 2013tik 2018ra 800.000 euro bideratu ditu Nafarroa hegoaldeko euskalgintzara. Errigoraren sorreratik bost urte igarota, atzera begiratu nahi izan du diru horrek zertarako balio izan duen ikusteko. Bideo honetan jasotzen da ibilbidea:


2018-10-09 | Kontseilua
Justizia, berdintasuna eta kohesioa izango dira urriaren 27ko mobilizazioaren zutabeak

Urriaren 27an, 17:00etan egingo den mobilizazioaren nondik norakoen berri eman du Kontseiluak. Berau osatzen duten ordezkariekin batera agerraldia egin du Paul Bilbao idazkari nagusiak. Mobilizazioari amaiera emango zaion lekuan izan da agerraldia, autobus geltokiko belardian, hain zuzen ere.


Nafarroako Gobernuak, lehen aldiz, laguntzak emango ditu helduek euskara ikas dezaten

Euskarabideak 150.000 euro bideratuko ditu, urriaren 1etik abenduaren 31ra bitartean hasiko diren ikastaroak abian jartzeko.


Eremu mistoak Euskararen Ordenantza behar du

2017ko ekainaren 9an 44 udalerri sartu ziren Nafarroako eremu mistoan. Urte batzuk lehenago beste hiru sartu ziren. Denak euren borondatez sartu ziren. Hala ere, lehengo dinamikari jarraitu diote, oro har, oraindik eremu “ez euskaldunean” izanen balira bezala.


2018-10-01 | ARGIA
Euskararen lege integrala nahi du Kontseiluak

Euskararen ofizialtasuna Nafarroa osora zabaltzea "ezinbestekoa" da lege proposamenaren helburuak betetzeko bidean. Hori da Kontseiluak Iruñeko Kondestable Jauregian larunbatean egin ziren jaldunaldietatik atera zuen ondorio nagusietakoa.

 

 


2018-09-27 | ARGIA
ELAk Nafarroako Euskararen Legea aldatzeko proposamenena argitaratu du

Iruñean datorren larunbaten, hilaren 29an, UEUk euskararen ofizialtasunaz antolatutako jardunaldietan azalduko ditu ELAk Euskararen Legea aldatzeko talde parlamentarioei luzaturiko neurri zehatzak.


2018-09-20 | Kontseilua
'Hizkuntza eskubideak bermatzeko Legearen bidean' jardunaldia egingo dute Iru˝ean

"Hizkuntza eskubideak bermatzeko Legearen bidean" jardunaldia antolatu du UEUk Kontseiluaren laguntza eta Euskarabidearen babesletzarekin. Bertan Nafarroako zonifikazioaren ondorioak alde juridiko batetik aztertuko dira alde batetik, bai eta ikuspegi historikoa, arlo administratiboa, soziolinguistikoa eta euskararen garapenerako trabak ere.


Nafarroako Legebiltzarrean PPko kideei gaztelaniaz zuzentzeko eskatu dio Beltranek Aznarezi

Ana Beltrán PPko bozeramailearen iritzian "aldatzeko unea da". Batzuetan euskaraz zuzentzan zaie Ainhoa Aznarez Legebiltzarreko presidentea, eta denentzat ari denean ere euskaraz egiten omen du gehien. Horregaitik, beraiei ari denean "beti gazteleraz" egiteko eskatu dio, idatziz.


2018-09-05 | ARGIA
Euskara Nafarroa osoan ofiziala izatea eskatuko dute urriaren 27an

Nafarroako Parlamentuan euskararentzat lege berria aztergai dela baliatuz, datorren urriaren 27rako mobilizazio handia iragarri du Kontseiluak. Iruñean egingo da, 17:00etan hasita, "nafar guztiei euskaraz bizitzeko eskubidea bermatuko dien ofizialtasuna eskatzeko".


Azkenak
EGILEA
Eguneraketa berriak daude