Europara iritsi nahi zuten 74 pertsonaren hilotzak agertu dira Libiako kostaldean
Mediterraneoa zeharkatuz Europara joan nahi zuten 74 lagun, horietako asko umeak, hilik agertu dira Libiako itsasertzean, Ilargi Gorria erakundeak jakinarazi duenez. GKEaren esanetan, hildakoak bi egun lehenago itsasoratu ziren ontzi puzgarri batean, desagertutako beste 36 pertsonarekin batera. Hildakoak Afrikako hainbat herrialdetakoak ziren.
Libiako kostazain zerbitzuaren berbetan, pertsona trafikatzaileak ontzi puzgarriak erabiltzen hasi dira, handiagoak, jende gehiago eraman ahal izateko Europara. Ontzi sendoak dira, baina arriskutsuagoak dira olatu handiak daudenean.
Joan den larunbatean, otsailak 18, kostazainek noraezean zihoazen beste 186 lagun atera zituzten itsasotik, hildakoak agertu diren inguru bertsuan. Hainbat iturrik adierazi dutenez, Tripoli eta Tunisiako mugaren arteko kostaldea trafikatzaileek gehien erabiltzen duten eremuetako bat da duela bi urtetik hona.
Migrazioen Nazioarteko Erakundeak, berriz, jakinarazi du 2017 hasi zenetik 13.100 pertsonak lortu dutela Europara modu irregularrean iristea, eta denbora tarte berean 275 inguru desagertu direla itsasoan.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]