Jon Sánchez (Mugak Zabalduz karabana)

"Europa Hegoaldeko mugan egoera benetan larria da"

  • Jon Sánchez Hala Bediko kazetaria joan den astean Melillara joan zen Mugak Zabalduz karabanan. 450 ekintzailek parte hartu dute, horietatik 200 euskal herritarrak, bertako egoera ezagutu eta horren berri emateko. Egoera bidegabeak ezagutu dituztela eta orain hauek zabaltzeko unea dela adierazi digu.

Xalba Ramirez @xalbaram
2017ko uztailaren 27a
Protesta ugari egin dituzte Mugak Zabalduz karabanako kideek (Arg.: Jon Sánchez @kokoteko)

Uztailaren 14tik 22ra egin duzue karabana, salaketa ekintzez beteta, zein izan da helburu nagusia?

Hainbat kolektiboren artean antolatu da bidaia, mugan ikusitakoa kontatzeko. Aurreko urtean egindako Greziako karabanaren arrakastaren ostean, aurten Europako Hegoaldeko muga ezagutzea genuen helburu. Melillako ekintzaileek ere eskatu zuten, bertan ematen diren giza eskubideen urraketak zabal ditzagun. Ni ez nintzen Greziako karabanan izan, baina bertan egon zirenek esan dute hemen ikusitakoa gogorragoa izan dela.

Euskal Herrian hasita, Bardeak, Madrid, Melilla… igaro dituzue. Zer da ikusi duzuena?

Bardeetan egin genuen lehen geldialdia bertan arma probak egiten dituztela salatzeko. Izan ere egungo egitura militarrek bermatzen dituzte mugan gertatzen diren injustizia guztiak. Madrid, Sevillan eta Malagan mobilizazioak egin genituen, bertako elkartasun taldeekin batera.

Melillako egonaldia ezohikoa izan da, 450 pertsonako karabana batek bertako egunerokotasuna eraldatzen baitu. Presentzia poliziala harrigarria izan da: uneoro izan dugu kordoi polizial bat gure inguruan, eta beraz ez digute benetako egoera ezagutzen utzi. Melillako kideek salatu dute, behatzaileak ginela jakinik, horrenbesteko azpiegitura xahuketa lotsagarria izan dela.

Hala ere, laguntzarik gabeko atzerriko adingabeen egoera latza ezagutu ahal izan dugu. Muga pasa arren, seniderik gabe dauden haurrak dira, gehienak dirurik gabe kalean bizi direnak. Tamalez, injustizia eta biolentzia jasateko arrisku handiagoa dute, erabat babesgabe daude.

Bidaiako esperientziarik gogorrenetarikoa Almeria izan dela esan duzue.

Melilla ezin izan dugu ondo ezagutu, eta Almeriako egoera bertatik bertara ikustea ezberdina izan da. “Almeriako milagro ekonomikoa” deitzen dutenaren atzean, esklabutza egoeran dauden migranteak ikusi ditugu. Berotegiz jositako zelaietako langile gehienak egoera irregularretan dauden migranteak dira, oso gutxi kobratzen dute, eta berotegien ondoan dauden plastikozko etxoletan egiten dute lo; egoera benetan larria da. Sindikatu batzuk badabiltza langileak kontzientziatu nahian gehiago kobratu beharko luketela esanez, baina oraingoz alperrik da, ez dago eta beraien esku.

Emakume zamaketarien kasua ere salatu duzue.

Melillako auzo txinatarrean ezagutu genuen emakume zamaketarien egoera ere benetan tamalgarria da. Muga edozein motako salgaiak garraiatuz zeharkatzen dute, gorputzean ahal duten pisu guztia eramanez, euro bat eta hiru euroren artean jasotzeko. 80 kilo soinean zeramaten andreak ikusi ditugu, makuluekin zihoazenak, elkarren eskutik joaten ziren itsuak… lan eta bizi baldintzak onartezinak dira.

Emakume zamaketarien egoera bidegabea salatu dute. (Arg.: Jon Sánchez @kokoteko)

Zein dira orain egingo dituzuen hurrengo urratsak?

Bertan bizitakoa ez dugu erraz ahaztuko eta orain norberari dagokigu gure inguruneetan, gure eragileetan ikusitakoa kontatu eta salaketa egitea. Bidegabekeria guzti hauek ahalik eta gehien zabaldu behar ditugu orain.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Errefuxiatu krisi globala kanaletik interesatuko zaizu...
2018-11-12 | Ainhoa Bretos
Europako migrazio politikak salatzeko "Herrien besarkada" ekimena aurkeztu dute Artean

Maiatzaren 5ean egingo dute ekimena, sarri “ezkutuan” geratzen den elkartasuna ikusarazteko asmoz. Horretarako elementu sinboliko bat erabiliko dute: besarkada


2018-10-31 | ARGIA
Errefuxiatuak zangotrabatu zituen Petra Laszlo kazetaria absolbitu dute

2015ean polemika handia eragin zuen mundu osoan Petra Laszlo kazetariak egindakoak: giltzapean zeuzkaten eremutik ihes egiten ari zen errefuxiatu-talde baten berri ematen ari zen N1 telebista hungariarrarentzat –eskuin muturretik hurbil dagoen hedabidea– eta irudi batzuek erakutsi zuten nola errefuxiatu horietako batzuk zangotrabatu zituen. Ekintza horrengatik absolbitu berri dute.


Gutxiengoa dira immigrazioa arazotzat duten EAEko herritarrak

2015ean hasitako joerari jarraiki, immigrazioari buruzko iritzi eta jarrera positiboak sendotu egin dira Araba, Bizkaia eta Gipuzkoako gizartean. Hala berretsi du Ikuspegi Immigrazioaren Euskal Behatokiak aurkeztu duen 2018ko Barometroak.


2018-10-17 | Iñigo Igartua
Kalean bizi den jendearen zenbaketa: errefuxiatuen auziari erantzun ezean, ez espero miraririk

Ostegun honetan zenbatuko dira Araba, Bizkaia eta Gipuzkoan zenbat pertsona bizi diren kalean. Erakunde publikoak konprometitu ziren etxegabeen kopurua %20 jaistera, baina errefuxiatuen krisiari emandako erantzun eskasa ikusita, zaila dirudi aurreikuspena betetzea. Bilboko kasuari erreparatu diogu.


Grande-Marlaskak dio Irunen ez daudela berehalako kanporatzeak, "berrartzeak" baizik

Egunean pertsona bat baino gehiago kanporatzen dute berehala, hori da aurtengo bataz bestekoa Garak emandako datuen arabera eta gehiago egon daitezke.


2018-09-25 | Antxeta Irratia
"Beraiek baldin badira erabakia hartzen duten horiek, zer gutxiago, hona etortzea eta egoera ikustea"

Irungo Harrera Saretik ohartarazi digute gaur, Lakaxita gaztetxea migratzaileentzako elkartasunezko harrera gune izatetik, larrialdizko errefuxatu gune bilakatzeko arriskuan dagoela.


Bilboko harrera sareak migranteentzako baliabide gehiago behar direla berretsi du

Ekainetik errepikatu den egoera bat gurean betirako geratuko delakoan gaude, migratzaileei harrera egiten herritar antolatuak. Ekaina amaieratik, pateran heldutako ehunaka afrikar Bilbora lekualdatuak izan dira.


Donostiako udal gobernuko kideek "tonto utilak" deitu dietela salatu dute Txantxarreka Gaztetxetik

Pasa den ostiralean Txantxarrekako eta udal gobernuko kideak bildu ziren gaztetxean dauden migranteei buruz hitz egiteko, eta ostegunean bileraren balorazioa egin dute.


Juncker Europaren blindatzea prestatzen ari da mugetako polizia berria sortuz

Europako Batzordeko presidenteak proposatu duen mugetako polizia honek bi helburu izango ditu: migratzaileen etorrera kontrolatzea eta, politikoki, atzerritarren aurkako eskuin muturreko jarrerak apaltzen saiatzea.


Migranteen harrera: Donostiako alkateak urgentziazko bilera egingo du Txantxarreka gaztetxeko kideekin

Txantxarreka gaztetxeko kideek Donostiako alkateari urgentziazko bilera esaktu diote pertsona migranteen aferan neurrika har ditzala eskatzeko. Udal gobernuak bilera onartu du eta ostegunean bilduko dira arratsaldeko 16:00etan. Abuztuaren 10etik, instituzioek kalean uzten dituzten pertsonak hartzen ari da Antigua auzoko zentro autogestionatua.


Azkenak
EGILEA
Eguneraketa berriak daude