"Eukaliptoaren aurkako brigadak" sortu dituzte Galizian
Verdegaia elkarteak hauspotuta eta boluntarioez osatuta, apirilaren 21ean “eukaliptoaren aurkako brigadak” martxan jarriko dira Galizian. Biodibertsitatea berreskuratzea eta gehiegizko eukalipto landaketei aurre egitea dute helburu.
Eukaliptoaren industriak indar handia dauka Galizian: baso eremuaren %20 okupatzen du, eta azken 17 urteetan %65 hazi da landaketa. Espainiako Ingurumen Ministerioak asteburuon salatu du industriak “kontrola galdu” duela, eta eskatu du eukaliptoa “espezie inbaditzaile” gisa kalifikatzea, eragiten duen kalteagatik eta “basoetako suteak eragiteko sortzen duen arriskuagatik”.
Horregatik, Eukaliptoaren Aurkako Brigadek Galiziako pertsonak antolatu nahi dituzte mendiaren zainketari, erretako baso eremuen berreskuratzeari eta suteen prebentzioari auzolanean ekiteko.
Verdegaiak azaldu du lehentasuna emango dietela “suteak izateko aukera gehien duten eremuei eta habitat naturala edo desagertzeko zorian dauden espezieak dituztenei”. Lousameko Froxán eremu babestuan egingo dute lehenengo ekintza, eta bertako eukaliptoa tokiko landare espezieekin ordezkatuko dute.
Urte batzuk ditugunok (nire kasuan, mordoska) sarritan entzun izan diegu gure guraso eta senitarteko helduenei garai bateko ikuskizun harrigarri baten berri. Ipuin baten gertatuko balitz bezala, larreak “argi txikiz” apaintzen zirela maiatza inguruko gau garbietan... [+]
Eladi Balerdi erlezainaren eta Jose Manuel Atxaga erleen zale sutsuaren arteko elkarlanetik egitasmo berritzailea sortu da duela gutxi. "Arnastu erlauntzaren airea" eta "Erleen sauna" jarduerak proposatu dituzte, konbentzituta baitaude onuragarri direla... [+]
Itsaso zabalean bada izaki lirdingatsu bat, gorputz gardenekoa, bitxi bezain ezezaguna. Aitzitik, ezin esan genezake ezohikoa denik, haren banaketan munduko itsaso gehienetara zabaltzen baita, Kantauri itsasoa barne. Batzuetan bakarka topatu daitezke, besteetan aldiz lepoko edo... [+]
Edanari emateko prest? Uda atari hau aproposa da gero berokoak etortzean ez lehortzeko edariak destilatzeko. Hezetasunari eustea garrantzitsua da gorputzari bere onenean atxikitzeko, eta etxean sortutako mamarekin bada zer esanik ez.
Geroxeago baina hemen da. Inguruan dituzten gainontzeko zuhaitzak baino beranduago janzten dira pagoak (Fagus sylvatica). Bizitzeko baldintza “gogorragoak” nahi izaten ditu: toki hezeak eta freskoak. Baina izotzari beldurrak bizi da.