Etxetik kaleratua izateko arriskuan dago senar ohiaren tratu txarrak jasan dituen Gasteizko bizilagun bat
Etxegabetzea urtarrilaren 22rako aurreikusita dago. Emakumeak eta haren semeak tratu txarrak jasan zituztela ebatzi zuen Arabako Probintzia Auzitegiak eta emakumearen senar ohiari kartzela zigorra ezarri zion.
Gasteizko Pintore kalean azken sei urteetan bizi den Bouchra izeneko emakumea eta bere zazpi urteko semea kaleratuak izateko arriskuan daude. Arabako Kaleratzeak Stop plataformak ohartarazi duenez, alokairuaren errenta behar den garaian ordaintzen duten arren, etxebizitzaren jabeak ez du kontratua luzatu nahi.
Emakumeari eraso egiten zion senar ohiak eman beharreko 200 euroko pentsioa inoiz ez duela jaso azpimarratu dute eta ordutik Bouchra “gaixorik eta medikaturik” dagoela salatu du plataformak.
Etxebidek eta Gasteizko Udaleko gizarte zerbitzuek kaltetuei eskaini dioten tratua ere gogor kritikatu dute Kaleratzeak Stop-eko kideek: “Etxetik kaleratzen bazuten, San Antonio kaleko udaletxeko larrialdietarako zerbitzura maletarekin joateko esan zioten”.
Bouchrak zehatzago azalduko du bere egoera ostegunean komunikabideen aurrean egingo duen agerraldian.
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.
