Etxebizitzarako eskubide unibertsala aldarrikatu dute Iruñean
Etxebizitza Sindikatu Sozialistak eta Harituk antolatuta, manifestazio bat izan zen ostegun arratsaldean Iruñeko Alde Zaharrean. "Etxebizitzaren negozioaren aurrean, eta hura sustatzen duten politikarien aurrean, etxebizitza eskubide unibertsalaren benetako defentsa egin behar dugu", aldarrikatu zuten. Dei egin zuten abenduaren 14an Bilbora joatera.
Etxebizitza eskubidearen aldeko aldarriek hartu zuten atzo iluntzean Iruñeko (Nafarroa) Alde Zaharra. Haritu Etxebizitza Sindikatuak eta Iruñerriko Etxebizitza Sindikatu Sozialistak egin zuten mobilizazio deialdia, eta 19:00ak igarota irten zen manifestazioa Errekoleten Plazatik, Etxebizitza eskubidea bermatu. Negozioari ez! lelopean.
Ibilbidean zehar, hainbat ekintza egin zituzten manifestariek: etxerik gabeko pertsonen egoera eta erakunde publikoek horretan duten ardura salatu zituzten, Unzuko ostatuko balkoietatik pankarta handi bat bota zuten, abenduaren 14an Bilbon (Bizkaia) izango den mobilizaziorako deia zabaldu zuten beste pankarta erraldoi baten bidez, eta abar. Udaletxe aurrean amaitu zen mobilizazioa, eta bertan hartu zuten hitza bi etxebizitza sindikatuetako kideek.
Etxebizitzaren arazoaren jatorria gizarte-ereduan
Biek seinalatu zuten "gero eta itogarriagoa" dela etxebizitzaren arazoa langile-klasearentzat: alokairuaren garestitzea eta etxebizitza bat erosteko ezintasuna dira horren adibide. Banketxeek "aberastasunak pilatu" eta "errekor historikoak" gainditzen dituzten bitartean, "emaitza agerikoa da" langile-klasearentzat, gogorarazi zutenez: "Zati handi bat etxebizitza eskuratzeko aukeratik kanpo geratzen ari da"; "izan era basati eta agerikoan, etxegabetzeetan kasu, edo izan isilpean".
Pobretzea orokortzen ari den arren, Harituk eta Etxebizitza Sindikatu Sozialistak nabarmendu zuten ez dela berria etxebizitzaren arazoa: "Gizarte-eredu honen sorreratik beti existitu izan da langile-klaseko sektore bat etxebizitzarako sarbidea ukatu izan zaiona. Ez da arazo koiuntural bat edo espekulatzaile gutxi batzuen diru-gosearen ondoriozko sistemaren akats puntual bat, izan ere, sistema honek beti funtzionatu du horrela". Xehatu zuten proletalgoa beti egon dela "kalitatezko etxebizitza lortzeko sarbide egonkorretik kanpo", batez ere pertsona migratzaileak eta emakume langileak.
Fokua etxebizitzarako sarbidean
Politikari profesionalek eta enpresariek esaten dutenaren kontrara, bi sindikatuek azaldu zuten arazoa ez dela "etxebizitzaren eskaintzan bilatu behar", baizik eta "etxebizitzarako sarbidean". "Etxeak egon badaude, baina errentagarriagoak dira hutsik edo turismora bideratuta", gaitzetsi zuten: "Arazoaren kausa negozioa bera da". Adibide modura aipatu zuten Iruñerrian 7.000 etxebizitza huts daudela, eta 30.000 Nafarroa osoan.
Alderdi politikoak, arazoaren parte
Etxebizitza sindikatuek ohartarazi zuten, hala ere, etxebizitza eskubidearen alde han-hemenka izaten ari diren mobilizazioak ikusita, alderdi politikoak "haserre sozial hori erabiltzen" ari direla, "etxebizitzaren arazoa konponduko ez duten programak elikatzeko" eta "etxebizitzaren negozioa bera finantzatzen duten politikak justifikatzeko".
Alderdi politiko guztiek lotzen dute irtenbidea etxebizitza-merkatuan "eskaintza sustatzearekin", atzoko manifestazioan gogoan izan zutenez: jabeei dirulaguntzak ematea; "lankidetza publiko-pribatuaren bidez eraikuntza-zikloak sustatzea"; "etxebizitza bat erosi ezin duten gazteen zailtasunaren aurrean, bankuei dirulaguntzak ematea"; "miseriazko etxebizitza soziala areagotzea, etxebizitza eskuragarriaren negozioan sartu nahi duten enpresaburu, putre-funts eta bankuei sekulako dirulaguntzak emanez", eta abar. "Haiek guztiak dira arazoaren parte, eta, hortaz, ezingo dira inoiz konponbidearen parte izan", esan zuten zorrotz sindikatuek.
Etxebizitza eskubidearen defentsan, abenduaren 14an Bilbora
Zuzen aldarrikatu zuten atzo Iruñeko bihotzetik: "Etxebizitzaren negozioaren aurrean, eta hura sustatzen duten politikarien aurrean, etxebizitza eskubide unibertsalaren benetako defentsa egin behar dugu". Borrokara batzeko deia egin zuten, baina, zehazki, "eraldaketa sozial sakon baten alde" borrokatzera deitu zuten, "mundu guztiak izan dezan etxebizitzarako sarbidea bermatuta".
Horri lotuta, azpimarra egin zioten Euskal Herriko etxebizitza sindikatu guztiek abenduaren 14rako antolatu duten mobilizazioari. Bilbon izango da, 13:00etan Moyuatik abiatuta.
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
HAPOn etxebizitza turistikoak arautu eta mugatzeko aldaketa puntual bat egin arte eten egingo da herrian gisa horretako etxe gehiago irekitzeko aukera. Alokabiderekin hitzarmen bat egin duela ere iragarri du udalak, etxe hutsak alokairuan jartzeko.
Euskal Herriko Etxebizitza Sindikatu Sozialistak deitua, milaka lagun batu dira gaur eguerdian Donostian, “etxebizitzaren negozioaren aurka” eta “etxebizitzarako eskubide unibertsalaren alde”.
Etxebizitza eskuratzeko orduan pertsona arrazializatuek eta migratzaileek jasaten duten bazterketa sistematikoa salatu dute Gasteizen, agerraldi baten bidez. Apirilaren 5ean Donostiara bertaratzera deitu dute, etxebizitza-eskubide unibertsalaren alde.
Aljeriatik datoz Mohamed eta Said [izenak asmatuak dira], herri beretik. “Txiki-txikitatik ezagutzen dugu elkar, eskolatik”. Ibilbide ezberdinak egin arren, egun, elkarrekin bizi dira Donostian, kale egoeran. Manteoko etxoletan bizi ziren, joan den astean Poliziak... [+]
Espainiako hedabideetan aurkitu dugu albistea, salaketa egin dutela Fotocasa eta Idealista etxebizitza-atarien kontra, prezioak manipulatzen dituztelakoan. Salaketan ez dugu manipulazioaren deskribapen zehatzik aurkitu, baina Ameriketako Estatu Batuetan agertu den salaketa... [+]
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azpeitiko Udalak etxebizitza hutsei ezarritako kanona abian jarri berritan –eta Euskadi osora zabal daitekeela jakinda–, etxebizitza horien jabeen eta eskuineko alderdien kexak irakurtzen eta entzuten hasiko gara. Jabetzarako Eskubidearen inguruko mantra horiek... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.
Plataformak "atzerapausotzat" hartu du Eusko Jaurlaritzako Etxebizitza eta Hiri agendako sailburu Denis Itxasok berriki iragarri izana lurzoru urbanizagarrietako etxe babestuen proportzioa %75etik %60ra jaistea. Pradales agintera iritsi zenetik alokairu soziala eskatzen... [+]
Etxera itzuli ahal izan diren arren, joan den azaroan kaleratu zuten Astrabuduko familia berriz ere arriskuan dago. Uribe Kostako Etxebizitza Sindikatuak salatu du mailegu-enpresa berriz ere saiatzen ari dela kanporatzea gauzatzen, oraingoan, desokupazio-enpresa bat... [+]
Etxebizitza berrien promozioak ez atzeratzea da Eusko Jaurlaritzako Gobernu Kontseiluak onartu duen dekretuaren helburu nagusietako bat. Zentzu horretan, udalei "autonomia" gehiago emango diela ziurtatu du Denis Itxaso sailburuak.
Azken boladan gero eta gehiago entzuten dugu gazte askok etxebizitza erosteko ahalmenik ez dugula. Batzuetan, badirudi ez dagoela beste gairik; egia da gai serioa dela. Niri neuri ere, 31 gertu izan arren, oraindik pixka bat falta zait neurea izango den etxebizitza lortzeko... [+]
Azken egunak garrantzi handikoak izan dira Bartzelonan, etxebizitzaren aldeko mugimenduarentzat eta espekulatzaileen aurkako borrokarentzat. Urtarrilaren 28an, polizia-armada batek Raval auzoko Massana Zaharrari [zentro sozial okupatua] eraso egin zion goizaldean, aurrez abisatu... [+]
Lau urte eta erdira arteko kartzela-zigorrak eta 25.000 eurorainoko isunak eskatzen dituzte auzipetuentzat. Duela lau urte, etxe-kaleratze bat gelditzen saiatu ziren Herrandarren kalean.