Oihal-etxeen bidez, Euskal Hirigune Elkargoaren lurralde poloa eta Poplidaysen egoitza soziala elkar juntatu dituzte hogeita hamar bat militantek. Etxebizitza turistikoen eskaintza mugatzeko neurrien hartzea eskatzen diote elkargoari.
Etxebizitza turistikoak jomugan dituela, Urruñan jarria zuen hitzordua uztailaren 7an, Alda mugimendu berriak. Bertaratu eta Euskal Hirigune Elkargoaren lurralde poloa eta Poplidays enpresaren egoitza soziala elkar juntatu dituzte oihal-etxeen bidez hogeita hamar bat militantek. Alda-ren bozeramaile den Ainize Butronek ekintzaren helburua horrela azaldu du: "2017an Ipar Euskal Herrian 41.670 bizitegi alokatuak ziren biztanleei. Baina Alda-ren kalkuluek erakusten dute badirela bederen 6.000 edo 7.000 bizitegi etengabeko etxebizitza turistiko moduan alokatuak direnak Airbnb, Abritel, Le Bon Coin edo Poplidays bezalako plataformetan. Garapen jarraikian segitzen duen zenbaki hau izugarria da! Gure etxebitzak galtzen ari gira, gabezia handitzen du eta alokairuen prezioak zapartaarazten. Ez bada deus egiten, kanpatzera behartuak izanen gira gure herrian bertan bizitzen segitzeko".
?? Oihal etxola bakoitzak etxebizitza turistikoen alokatzeko internet plataforma baten izen zaraman, bakoitzaren eskaintza kopuruarekin.
Horrela segitzen badu, akanpatu beharko dugu. ? pic.twitter.com/W4mmOmESsP
— Alda (@Alda_EH) July 7, 2021
Fenomenoa mugatzeko asmoz, bi eskaera luzaturik dituzte Euskal Hirigune Elkargoari. Batetik, bizitegien erabilera aldaketa emateko irizpideen araudia aldatzea galdetzen dio mugimenduak, pertsona pribatuei bideraturiko neurriak SCI edo SARL egitura juridikoei ere zabalduz; eta bestetik, urteko alokatzeen etxebizitza eskaintza lehenbailehen babesteko gisan konpentsazioa integratzea ere galdetzen diote. Zehazkiago, bigarren neurri honen arabera, etxebizitza turistiko bakoitzaren truke, urte osoan alokatua den etxebizitza bat merkatuan jarri behar du jabeak. Frantzia mailako hainbat hirik dute konpentsazio sistema gauzaturik (Lyon, Estrasburgo, Bordele eta abar).
Airbnb-ren eskaintzak azken hiru urteetan izan duen bilakaera eman dute adibide gisa: 2018an 8.000 etxebizitzaren eskaintza zuen Ipar Euskal Herrian; 2021ean, 13.000 daudela kontatu du Alda-k. Plataforma ezberdinetan diren alokatze turistikoak kontuan hartuta, orotara aurtengo 20.000 etxebizitza kontatu dituzte. Horietarik gutxi gorabehera heren bat, urte guzian turismorako alokatzen da.
Etxebizitza duina izatea gero eta zailagoa da. Berdin du esaldi hori noiz irakurtzen duzun, urteak pasa eta arazoa gero eta larriagoa da.
Nola izan daiteke bizitzeko oinarrizkoa den eskubidea, teorian hainbat legek babestutakoa, EAEn eskubide subjektibo moduan onartu berri... [+]
Iruñerriko Etxebizitza Sindikatu Sozialistak eta Harituk Iruñeko Udalak etxegabeentzat eskaintzen dituen baliabideak kritikatu dituzte: "Ogi apurrak dira", adierazi du Martin Zamarbide Harituko kideak. Behin behineko zenbait "aukera" ematen... [+]
Bizitegi molde kooperatiboak zabalduz doaz Ipar Euskal Herrian. Euskal Hirigune Elkargoko azken biltzar nagusian Nicole Etxamendi, Itsasuko hautetsiak "Bizi lagun" kooperatibak kontutan hartu behar zirela eta alternatiba ona direla azpimarratu zuen.
Lanbideren Etxebizitzarako Prestazio Osagarria eta gizarte-zerbitzuen Larrieldietarako Laguntzak desagerrarazi ditu Etxebizitzaren Lege berria garatu duen Dekretuak.
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]