OFS deitutako instituzioaren (Solidarioen Erakundeak) barruko Alokairurako Langile Batzordeak (COL deitua) etxebizitzen jabego sozialerako lehen etxebizitzak eraiki ditu. Egitasmoa errenta modu berri baten bidez garatu da.
Etxebizitza sozialez arduratzen den erakundea lurren espekulazioaren aurka borrokatzeko xedetan ari da azken urteetan. Helburua: jendarteko pertsona behartsuenek etxebizitzen jabe izateko aukera izatea.
COL eta EPFL-en (Lur Publikoen Erakunde Publikoa) artean izandako elkarlanari esker gauzatu da proiektua. Ekimenaren oinarrian filosofia hauxe dago: lurraren eta eraikinaren balioak bereiztea. Molde horretan etxebizitza merkatuko prezioa baino %50-60 merkeago eskura daiteke.
Bidarte herrian zortzi zabaldu dira, Biarritzen hamabi, Angelun hamahiru, Hendaian hogeita bost eta Ezpeletan bost. Etxeen bataz besteko salneurria 155.000 euro da: Ezpeletan, 89 metro karratukoak dira eta Miarritzekoak (192.500 eurokoak) 98 metro karratukoak.
COLeko zuzendari nagusi Imed Robbanak dioenez, OFSren xedea “higiezinen espekulazioaren arazoari aurre egitea da”. Hots, “etxebizitza sozialak espekulatzaileen eskuetatik kentzea”. Horren adibidea (*) Bidarten gertatu zen iaz: “152.000 eurotan erositako T3 etxebizitza, 400.000 eurotan saldu zuten hamar urteren ondoren”. Gainera, gertatua are larriagoa da “bigarren etxebizitza” bihurtu zutelako, urtean sei hilabete gehienez erabilia izateko. Sistema berri nonen bidez espekulazioaren aurkako berebiziko urratsa eman dute Solidarioen Erakundean ari diren alokairurako langile batzordekideek.
Imed Robbanaren iritziz, “elkartasunezko alokatze erreala” da Ipar Euskal herrian eta begi-bistan denez, “gehiagoren beharra dago”. Jendartean aldaketa sozialak ematen ari dira. Jendearen pentsatzeko eta obratzeko manerak aldatzen ari dira, horregatik egitasmo berria –etxebizitza solidario sistema– une egokian heldu da. “Ez direla gisa horretako azken etxeak ezartzen” adierazi du COLeko zuzendari nagusiak.
(*) 2018ko irailean, Euskal Elkargoko kontseilari Daniel Olzomendi elkarrizketatu genuen Argia-n. Hauek bere hitzak: "Ez etorri bigarren etxe bat erostera, partekatu bizitza gurekin erosi gabe",
Guillaume Kasbarian Etxebizitza ministroa eta Bruno Le Maire Ekonomia eta Finantza ministroa Baionan egonen dira ostiral honetan. Etxebizitza eskubidearen aldeko elkarretaratzera deitu du Herrian Bizi plataformak.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bi lagunen kontrako epaiketa hasi da gaur, otsailaren 29ean, Bartzelonan. Akusatuetako bat Zeberiokoa (Bizkaia) da, eta bestea Esplugueskoa (Bartzelona). 2020an Bartzelonan etxegabetze bat gelditzen saiatzean, Esquadra Mossoak bortizki oldartu ziren han bildutakoen kontra... [+]