Etxebizitza garestitzen ari da hiriguneetan
Osasun larrialdiak etxebizitzen salerosketa gutxitu du Hego Euskal Herrian; ez, ordea, Ipar Euskal Herrian. Etxebizitzen salneurria garestitzen ari da Euskal Herrian, biziki Ipar Euskal Herrian. Miarritzek, Donostiak, Baionak, Angeluk eta Getxok dute alokairu zein salerosketarako Euskal Herriko etxebizitzarik garestiena.
Osasun larrialdiak 2013az geroztik indarrean zegoen etxebizitza salerosketen suspertzea eten du. Orotara, 25.047 etxebizitza salerosi dira Euskal Herrian 2020. urtean. Urtebete lehenago baino 3.257 etxebizitza gutxiago dira horiek (-%11,5). Salerosketen jaitsiera, ordea, Hego Euskal Herrira mugatu da. Ipar Euskal Herrian, aurreko urtearekiko alderaketan, etxebizitzen salerosketa %44,8 hazi da urte berean. Salerosketen hazkundea Euskal Kostaldea-Aturrin, Hego Lapurdin eta Errobiko zonaldean gertatu da bereziki.
Miarritzen 6.489 euro balio du metro karratuak
Euskal Herrian salerosketarako etxebizitza garestiena Miarritzen dago: 6.489 euro metro koadroko, batez beste. Miarritzerekin batera, Angelu (4.800 euro/m2), Donostia (3.737 euro/m2), Baiona (3.383 euro/m2), Getxo (2.994 euro/m2), Leioa (2.611 euro/m2) eta Bilbo (2.510 euro/m2) daude Euskal Herriko eremu garestienen artean (2020). Datu horiek euskal hiriburu eta 25.000 biztanletik gorako udalerrietako etxebizitzen salneurria aztertzetik datoz. Ez dago 25.000 biztanletik beherako Hego Euskal Herriko udalerrietarako daturik. Ipar Euskal Herrirako badira, aldiz, eta horien artean nabarmentzekoa da Zuraide, Getaria, Donibane Lohizune, Bidarte eta Ziburuko etxebizitzen garestitze-maila, kasu guztietan metro kuadroak 4.800 eurotik gora kostatzen baitu.
Euskal Herriko udalerri handienen artean etxebizitzen prezio merkeena dute Tutera (1.000 euro/m2), Maule-Lextarre (1.233 euro/m2), Eibar (1.566 euro/m2) eta Sestaok (1.683 euro/m2). Maule-Lextarrerekin batera, Iruñea da etxebizitzaren salneurri merkeena duen hiriburua (1.848 euro/m2). Eibarren eta Maule-Lextarren salbu, 2017 urteaz geroztik etxebizitzaren prezioa haziz joan da eta prezioen garestitzea esanguratsua izan da Donibane Garazin, Miarritzen, Angelun, Baionan, Leioan eta Iruñean. 2020 urtearekin alderatuta, 2021eko lehenengo hiruhilekoan etxebizitza prezioen jaitsiera apala gertatu da Durangon, Leioan eta Santurtzin, baina Ipar Euskal Herrian garestitze joerak bere horretan dirau.
Miarritzek eta Donostiak dute alokairuko etxebizitza preziorik garestiena
Euskal Herrian erabilera iraunkorra duten etxebizitzen %15,2 alokairukoak dira (2020). Europar Batasuneko batez bestekoak kopuru hori bikoizten du. Egoera, ordea, ez da berdina hego zein ipar. Alokairuko etxebizitzek Ipar Euskal Herriko parkearen %38,7 osatzen dute (2017). Hego Euskal Herrian kopuru hori %12,3koa da (2020).
2008ko krisiaren ondoko urteetan etxebizitza salerosketen uzkurtzeak alokairuko etxebizitzen garestitzea eragin zuen. Ostean prezioak egonkortu eta 2017. urteaz geroztik prezioek gora egin dute nabarmen. Hala, hilez hileko gastuaren ikuspuntutik, 2014. urteaz geroztik merkeagoa izan ohi da hipoteka bidez etxebizitza bat jabetzan eskuratzea alokairuan bizitzea baino.
Euskal Herrian alokairurako etxebizitzarik garestiena ere Miarritzen dago: metro kuadroak 15,5 euro balio du hilean batez beste. Hego Euskal Herriko etxebizitza alokairu garestiena, aldiz, Donostian kokatzen da (hileko 14,6 euro/m2). 2018 hasieran Getxo zen Hego Euskal Herrian 25.000 biztanletik gorako herri garestiena, baina ordutik Donostiak aurrea hartu dio. Miarritzen eta Donostian ezezik, Euskal Herriko alokairuko etxebizitzarik garestienak Baionan (13,8€), Angelun (13,8€), Bilbon (12,3€), Getxon (11,7€) eta Leioan (11,5€) daude. Arabar Errioxan, Aiaraldean eta Arratian, ordea, EAEko batez besteko alokairu merkeenak daude.
Bigarren eskuko etxebizitzak nagusi Hego Euskal Herriko salerosketetan
Azken urteotan salerosten diren etxebizitzen tipologian badira zenbait aldaketa, Hego Euskal Herrian behintzat. 2020an salerositako etxebizitzen %80,6 bigarren eskuko etxebizitzak izan dira, 2007/2010 epealdian etxebizitza guztien erdia zirenean. Izan ere, epealdi hartan amaitutako etxebizitza berrien kopuruak batez beste 2020ko kopurua hirukoizten zuen ia. Bestalde, babes ofizialeko etxebizitzek Hego Euskal Herriko salerosketa guztien %13,2 osatu dute urte berean. Nolanahi ere, lurraldez lurralde badira desberdintasunak: babes ofizialeko etxebizitzek Arabako salerosketen heren bat osatu dute (%33,2). Gipuzkoan, ordea, salerosketen %7,6.
Etxebizitzen salerosketarako hipoteken bolumenak, etxebizitzen salerosketarena ez bezala, oso gutxi egin du behera 2020an. Hego Euskal Herrian 23.208 hipoteka sinatu dira, urtebete lehenago baino %1,1 gutxiago. Bestela esanda, nabarmen murriztu dira hipoteka bati lotu gabeko etxebizitzen salerosketak. Era berean, 2014az geroztik etxebizitza erosteko batez besteko hipotekaren zenbatekoa handitzen ari da eta, 2020. urtean, hipoteken batez bestekoa 142.400 eurokoa izan da. Hipoteken zenbatekoa handitu arren, urrun da 2007. urteko batez bestekotik (160.700 euro). 2020. urtean Hego Euskal Herriko herritarrek, etxebizitza bat eskuratu asmoz, 3.304,4 milioi euroko zorra sinatu dute banku edo bestelako entitateekin. Diru kopuru handia izanik ere, urrun da 2006. urteko 8.563 milioi euroetatik.
"Gure herria izugarrizko irabazi-iturria da turismotik negozioa egiten dutenentzat. Bertako langileok, berriz, horren albo-kalteak jasaten ditugu: miseria eta esplotazioa", seinalatu dute mobilizazioa deitu duten Kontseilu Sozialistak eta Etxebizitza Sindikatu... [+]
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Ekainaren 6an Presidente Autonomikoen Konferentzia egin zen Bartzelonan, Pedro Sánchez eta Felipe VI.a erregea –emeritu ustelaren oinordekoa, beti da ona gogoraraztea– buru zirela. Isabel Díaz Ayuso faxistak uko egin zion Salvador Illaren eta Imanol... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.