Estatu Islamiarraren buru militar berria Tajikistangoa da eta AEBetako militarrekin entrenatua

  • Azken hilabeteotan AEBeko militarrek Estatu Islamiarraren lehen eta bigarren buruzagia hil ondoren, Gulmurod Khalimov izendatu dute orain islamisten lider militar. Tajikistango indar antiterroristetan koronel gradua zeukala, desertatu eta AEBetara jo zuen. Khalimovek berak publikoki aitortu du –iparramerikarren kezkarako– AEBetako armadaren eliteko taldeekin entrenatu dela.


2016ko irailaren 07an - 10:01
Guldumurod Khalimov Estatu Islamiarraren lider militar berria, duela hilabete batzuek erakundeak berak zabaldutako bideo batean.

Washington Post egunkariak 2015eko maiatzean iragarri zuen: "Tajikistango indar berezien komandante AEBek entrenatua Estatu Islamiarrera pasatu da". Siriako gerran karrera bizkorra eginik, orain islamisten buru militar izatera iritsi da Gulmurod Khalimov. Sputnik News hedabideak zabaldu du albistea eta Estatu Islamiarrak ez duen arren orain artean bere arduradun militarren izenik eman izan, iturria Mosulgo Al-Sumaria egunkaria aipatuz iturri fidagarritzat.

Estatu Islamiarrak bi agintari militar nagusiak galdu ditu joan den udan, Abu Bakr al-Baghdadi ekainean, Abu Omar al-Shishani uztailean, biak ere AEBen aireko erasoetan. Al-Baghdadi Irakeko Samarran sortua zen eta apeza izana zen. Al-Shisani Georgian jaioa zen eta etniaz txetxeniarra, hortik bere izena. 

Kontua da Khalimov AEBetako eliteko militarrekin formatua dela, herrialde hartan hiru aldiz entrenatzen aritua, duela hilabete batzuk zabaldutako bideo batean berak aitortu zuenez:

Khalimovenak oroitarazten du udan amerikarrek hildako Al-Shishaniren kasua. Sortzez Tarkhan Tayumurazovich Batirashvili izena zuen Al-Shisani Georgiako armadan aritu zen eta militar amerikarrek entrenatua zuten; 2008ko gerrran errusiarren kontra aritu eta handik denbora batera desagertu zen, azkenean Sirian agertzeko.

Washingtongo gobernuak 3 milioi dolarreko saria agindu du Gulmurod Khalimov –laster jakingo da EIko armadan zein den bere izen musulmana– hilik edo bizirik harrapatzeko bidea egiten dionarentzat.


Kanal honetatik interesatuko zaizu: Siriako gerra
2022-11-08 | Aitor Aspuru Saez
Abdulkarim Omar
"Herri kurduaren aurka erabili ditu Turkiak, NATOra batzeko Suediak eta Finlandiak egindako eskaerak"

Abdulkarim Omar kurduak farmazia bat zuen Qamishlo-n, bere herriaren iraultza hasi zenean Sirian, 2012an. Orduan negozioa utzi eta lan politikoan sartu zen buru-belarri. Urriaren amaieran Euskal Herria bisitatu zuen, Siriako Ipar eta Ekialdeko Autoadministrazioko ordezkari... [+]


AEBk Siriako base irandar batzuk bonbardatu ditu

Estatubatuar presidente Joe Bidenek eman du agindua Deir ez-Zor-eko bunker gunea bonbardatzeko. Munizioa biltegiratzeko eta laguntza logistikoa emateko erabiltzen diren bunkerrak direla adierazi du AEBtako armadak komunikatu batean.


2021-09-21 | Axier Lopez
Irailaren 11ko legatua: Yes we drone

2001eko urrian, irailaren 11n World Trade Centerren aurkako erasoak gertatu eta hilabetera, Amerikako Estatu Batuetako Aire Armadako pilotu batek historia egin zuen: drone moderno batekin (The Predator) eraso hilgarria egin zuen lehen pertsona izan zen. Ordutik, droneak XXI... [+]


2021-02-07 | Aitor Aspuru Saez
Siriako kurduen erronka zaila
Zer egin ISISeko milaka kide ohiekin?

Duela ia bi urte amaitu zen Daesheko Kalifatoa, baina erakunde horretan ibilitako milaka lagunek Siriako ekialde eta iparraldean jarraitzen dute. Kurduek gidatutako proiektu politikoak arazo larria du beste inork jaso nahi ez dituen pertsona hauek kudeatzen.


2020-07-22 | Mikel Eizagirre
Assaden Baaz alderdiak eta haren aliatuek irabazi dituzte Siriako parlamentuko hauteskundeak

255 eserlekutatik 177 eskuratu ditu al-Assaden “Batasun Nazionala” izeneko hautagaitzak.


Eguneraketa berriak daude