Espainiako Kongresuak maiatzaren 18an bozkatuko du trans legea

  • Maiatzaren 18an bozkatuko da legea Espaniako Diputatuen Kongresuan eta maiatzaren 15ean hainbat kontzentrazio egingo dituzte pertsona transen kolektiboek hainbat hiritan.

Argazkia: Ted Eytan

2021eko maiatzaren 12an - 12:00

Martxoaren 17an Diputatuen Kongresuan ERC, Más País, Compromís, CUP, Junts per Catalunya eta Nueva Canariasek proposamen gisa erregistratutako trans legea, PSOEk Ministroen Kontseiluaren bidez izapidetzea blokeatu ondoren, datorren asteartean, maiatzak 18, iritsiko da kongresuko Osoko Bilkurara. 15:00etan hasiko den saioaren lehen puntua izatea aurreikusten da.

El Salto hedabideak argitaratu duenez, Trans Plataformaren Federazioa pozik agertu da izapide hau azkar egin delako, eta horrek esan nahi du “trans pertsonen berdintasuna hurbilago dagoela”, azaldu du erakundeko lehendakari Mar Cambrollék. “PSOEk erabaki behar du izapidea onartzen duen ala ultra eskuinarekin bat egiten duen”.

Cambrollék nabarmendu du,kontuan hartu beharra dagoela LGTBfobiaren aurkako egunaren hurrengo egunean onartuko dela, eta horrek are garrantzitsuagoa egiten duela talde politikoek datorren asteartean izango duten jarrera.

Mobilizazioak

Trans eta aliatuen antolakundeek hainbat hiritako kontzentrazioak deitu dituzte larunbat honetarako, PSOEri koalizio-gobernuak eman zuen programari leial izateko eskatzeko. Kontzentrazioak egongo dira Madrilen, Almerian, Kordoban, Vigon, Balearretan eta Logroñon, “indar politiko guztien laguntza eskatzeko Trans Legeari, eta maiatzaren 18an osoko bilkurara joango da herri-subiranotasunaren ordezkaritza gorenean, hots, Diputatuen Kongresuan, izapidetzeko onarpena bozkatzera”.


Kanal honetatik interesatuko zaizu: Transexualitatea
Bizipoza: aniztasun funtzionala, kulturala eta sexuala bistaratzen eta lantzen

Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]


LGTBI pertsonak armairutik ateratzeko beldur dira lantokian

LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.


Trans legearen erreformaren harira, Ekai Lersundiren aitak: "Egun berezia da Ekaik nahi zuena lortzeko"

Lege honek oztopoak kendu eta aitortza legala izatea “berebizikoa” dela adierazi du Naizen elkarteko Bea Severrek. 


EAEko Trans Legearen erreforma onartu dute

Osasunean, hezkuntzan eta lan eremuan eragingo du erreformak, eta pertsona ez binarioak eta intersexualak kontuan hartuko ditu.


2024-02-13 | Leire Artola Arin
Trans legea onartu eta urtebetera, 227 pertsonak egin dute aldaketa EAEko erregistroan

Polemika artean atera zen aurrera Espainiako Estatuko Trans Legea, 2023ko otsailean. Erregistro Zibilean izena eta sexua aldatzeko prozesua erraztea zen helburuetako bat. Urtebetean 227 pertsonaren aldaketa burutu dute Araba, Bizkaia eta Gipuzkoan.


Eguneraketa berriak daude