Espainiako Barne Ministerioarentzat "zilegia eta aproposa" da "legez kanpoko proiektu sezesionistetan" polizia agenteak infiltratzea, Òmnium Cultural erakundeari emandako erantzunean jasoa dagoenez. Òmnium-ek salatu du gobernuaren txostenak lotzen duela independentismoa terrorismoarekin, Directa hedabideak argitaratu duenez.
Hain justu, Directa-k argitaratu zuenean ezker independentistan eta etxebizitza eskubidearen aldeko mugimenduan infiltratutako poliziaren inguruko erreportajea, Barne Ministerioak uko egin zion adierazpenak egiteari, eta Fernando Grande-Marlaska ministroak esan zuen kasu horrek "probarik gabeko espekulazioak" zituela oinarrian. Aldiz, pasa den uztailean Òmnium Cultural-ek Espainiako Auzitegi Nazionalean aurkeztutako salaketari emandako erantzunean, onartu du mugimendu independentistan polizia agenteak dabiltzala, Directan irakurri daitekeenez.
Aurkeztutako helegitean, Barne Ministerioak eskatu du polizia infiltratuaren eta kaptazio ahaleginen gainean jarritako salaketa tramitera ez onartzeko, eta azaldu du poliziaren egitekoa "zilegia eta aproposa" dela. Txostenak dioenez, poliziaren helburua da "segurtasun eta ordena publikorako interesekoa den informazioa biltzea, gizabanako erradikalak edota legez kanpoko proiektu sezesionistekin konprometitutakoak mugitzen diren ingurunean".
Òmnium-eko presidente Xavier Antichen hitzetan, "Fernando Grande-Marlaskaren ministerioaren ekintzek oinarrizko eskubideak urratzen dituzte". Independentismoaren kontrako jazarpena salatu du Antichek: "Estatuak inpunitate osoz eta legez kanpo jarduten du". Gaineratu du Estatuaren estrategia dela "independentismoa terrorismoarekin lotzea"; horretarako, "Estatuak indarkeria faltsu bat asmatzen du, ez delako gai Kataluniako gatazka politikoari demokratikoki heltzeko". "Terrorismoaren aurkako borrokari dagozkion neurriak aplikatzen ditu, independentismoa bezalako mugimendu demokratiko eta baketsuari aurre egiteko", salatu du Antichek.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]