Espainiako Gobernuak etxe kaleratzeen etena hiru hilabetez luzatzeko asmoa agertu du
Etxebizitza alorrean hartutako neurriak hiru hilabetez luzatuko dituztela jakinarazi du Pedro Sanchezek. Neurriok alarma-egoerarekin batera indargabetzea zen orain arteko asmoa, baina Espainiako Gobernuak horiek hiru hilabetez luzatzea erabaki du. Hori horrela, maiatzaren 9az geroztik ere, eta uztailera bitartean, etenaldian behar lukete etxe kaleratzeek. Alabaina, hainbat eragilek salatu izan dutenez, dekretuak dekretu etxegabetzeak gauzatzen ari dira.
Pedro Sanchez Espainiako gobernuburuak asteazkenean kongresuan egindako agerraldia probestu du etxe kaleratzeen etenaren luzapenaren berri emateko. Jakinarazi duenez, alokairu kontratuei eta etxegabetzeei loturan azken hilabeteetan onartu diren lege dekretuak hiru hilabetez gehiago indarrean mantenduko dira.
Alarma-egoerarekin batera indargabetzekoak ziren neurri horiek printzipioz, baina Sanchezek ezagutzera emandako luzapena tarteko, behin alarma-egoera bukatuta ere, hiru hilabete gehiagoz mantenduko dira etxebizitza alorreko behin-behineko neurriak. Hala, maiatzaren 9an alarma-egoerari bukaera emango balitzaio ere, uztailera arte indarrean egoten segiko lukete neurri horiek.
Gauzak horrela, hiru hilabeteko luzapena aplikatuko zaie etxe jabe handien maizterrek beren zorrak ordaintzeko epe-tarteari, alokairu kontratuak sei hilabetez luzatzeko betebeharrari, eta etxe kaleratzeak etenari. Etxe jabe handien edo erakunde publikoen maizterrei luzatu egingo zaie alokairuaren barkatze partziala edo luzamendua; alokairu kontratua azkenetan dutenek, kontratuaren sei hilabeteko ezohiko luzamendurako eskubidea izango dute; eta alternatiba habitazionalik ez daukaten eta zaurgarritasun egoeran dauden maizterren kasuan, etxe kaleratzeak eten egingo dira.
Neurriak luzatu, arazoa konpondu gabe
Etxebizitza alorrean onartutako lege dekretua indarrean egonik eta luzatu arren ere, etxe kaleratzeak gauzatzen direla salatu dute etxebizitza eskubidearen defentsan diharduten hainbat eragile eta kolektibok. AZET Bilboko Alde Zaharreko Etxebizitza Taldeak, adibidez, Espainiako Gobernuaren erabakia jakin bezain laster zera salatu du sare sozialetan: beren taldea kudeatzen ari den kasuen artean, lau etxe kaleratze agindu dituztela maiatzerako, eta kaleratuak izateko kideen egoera zaurgarria izanik ere dekretu horrek ez dituela babesten.
🚨 El decreto "anti"-desahucios es prorrogado 3 meses más.
Mientras tanto, en el sindicato tenems 4 fechs de lanzamiento únicamente en el mes de mayo.
Situaciones de extrema vulnerabilidad a las que se niega siquiera acogerse a dicho decreto.
Es una guerra contra los pobres! https://t.co/GDT8tunVNT
— AZET Etxebizitza Sindikatua (@AzTaldea) April 14, 2021
Bizkaia mailako hainbat etxebizitza talde eta sindikatuk ere dekretuaren irakurketa kritikoa plazaratu zuten otsailean, Langile klasea salbatzeko ala espekulazioa berraktibatzeko neurriak? izenburua zeraman idatzian. Bertan seinalatzen zenez, Espainiako Gobernuaren neurriek etxejabeen “galerak” konpentsatzen dituzte funts publikoarekin, horien diru-sarrerak bermatzen segiz, alokairuen merkatuko prezio berean. “Neurri hori, ordaindu ezin duten maizterrentzako laguntza gisa mozorroturik, berez esku publikoetatik pribatuetara egiten den diru traspasea da”, salatu zuten testuaren sinatzaileek. Beren arabera, "aterabiderik proposatu ez eta sinpleki arazoa denboran atzeratzen duen dekretua" da Espainiako Gobernuarena.
El Paísek martxoaren 29an argitaratutako datuen arabera, behin alarma-egoera bukatuta, maiatzaren 9az geroztik alokairua ez ordaintzeagatik 40.000 etxe kaleratze burutuko zirela aurreikusten zuten etxe jabe handiek. Luzamenduarekin horiek hiru hilabetez atzeratu dituzte, baina albisteak zioenez, datozen hilabeteetan ordaindu gabeko alokairu kopurua handitu egingo dela aurreikusten da.
Ostegunean, 09:00etarako, Burlatako San Frantzisko kaleko 6. zenbakian jarri dute hitzordua Iruñerriko Etxebizitza Sindikatu Sozialistak, Harituk eta Berriozarko PAHk.
Alde Zaharreko bizilagunek, LABeko etxebizitza asanbladarekin batera, Mazabi funts putrearen jarduera salatu eta etxebizitzak lehentasunez bizitzeko izan behar dutela aldarrikatu zuten. Pasa den irailaren 30ean egindako agerraldian bi mezu nagusi helarazi zituzten, bata... [+]
Nahi dugun etxebizitza izeneko topaketak egiten zituzten bitartean zenbait kolektibok protesta egin zuten: "Nahi dugun baina eskuragarri ez dugun etxebizitzak solasten ari dira", salatu zuten. Ohartarazi dute gutxienez sei familia ari direla kalean bizirauten:... [+]
CaixaBank Researchek egindako ikerketak agerian eman du Nafarroako etxebizitza merkatuaren egoera. 2007-2008 arteko higiezinen burbuilaren garaian baino %3,7 garestiagoa dira etxebizitza eraiki berriak Nafarroan.
Joan den astean jakinarazi zuten Basque Culinary Centerren GOe eraikina urriaren 20an inauguratuko dutela, eta horren harira, Kaleratzeak Stop plataformak idatzi bat helarazi du komunikabideetara. Bertan, gaitzetsi egin du Basque Culinary Centerreko eraikin berria 20 hilabetetan... [+]
Maximo historiko berri bat ezarri du Donostiako etxebizitzaren prezioak: 5.869 euro metro koadroko, batez beste. Hori da Higiezinen Jabetzako Artekarien Gipuzkoako Elkargo Ofizialak aurkeztu berri duen txosteneko ondorioetako bat; txostenak 2025eko bigarren hiruhilekoko... [+]
639 'minipisu' ari dira eraikitzen Barakaldon, BEC erakustazokaren aldamenean. Udal ordenantzak aginduta, hotel erabilera eman behar zaio espazio horri, baina "alokairu malgua" dela dio Be Casa-k. Egun batzuetako alokairuetatik hasi eta "hilabete batzuetarako... [+]
"Gure herria izugarrizko irabazi-iturria da turismotik negozioa egiten dutenentzat. Bertako langileok, berriz, horren albo-kalteak jasaten ditugu: miseria eta esplotazioa", seinalatu dute mobilizazioa deitu duten Kontseilu Sozialistak eta Etxebizitza Sindikatu... [+]
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.