Espainiako Defentsa ministro Margarita Roblesek asteazkenean baieztatu du Espainiako Inteligentzia Zentroak (CNI erderazko sigletan) Pablo Gonzalez kazetaria ikertu egin zuela. Jon Iñarritu EH Bilduko legebiltzarkidearen galderei erantzunez, ministro espainiarrak baieztatu du inteligentzia zerbitzuek "bisita egin ziotela" etxera.
Jon Iñarritu EH Bilduko diputatuaren galderei erantzun die Margarita Roblesek asteazken honetan. Iñarrituk salatu du Espainiako Gobernuak askoz gehiago egin beharko lukeela Pablo Gonzalezen egoera hobetzeko, besteak beste, astebete baino gehiago daramalako inkomunikatuta familiarekin eta abokatuarekin komunikatu ezinik.
"CNIk bisita egin zion, jakin genuelako herrialde batean edo bestean egon zela, eta han kontu batzuk egotzi zizkioten", onartu du Roblesek. Roblesek aipatu bisita horiek CNIko kideek Gonzalezen amaren, bikotekidearen eta lagunen etxeetara egindako bisita eta galdeketak dira. Defentsa ministroak gaineratu du CNIk ez duela zerikusirik kazetari bizkaitarraren atxiloketa eta espetxeratzearekin. CNIren bisita jaso zuen pertsona batek Público egunariari azaldu zionez, “egoera surrealista” izan zen, agenteek azaldu zieten Gara-n lan egiteaz akusatu zutela González –haien arabera “ETAren aldeko hedabide bat, Errusiak subentzionatua”–, baita Errusiari informazioa pasatzeaz ere.
Pablo Gonzalez otsailaren 28an atxilotu zuten Przemyl-en, Poloniak Ukrainarekin duen mugan, eta segurtasun handiko espetxe batean dago ordutik, Rzeszow-n, Varsoviatik 400 kilometrora. Errusiako Inteligentzia militarreko agentea izatea leporatu diote, hainbat hedabidetarako errefuxiatu ukrainarren krisia jorratzen zuen bitartean. Espioitza-delituak hamar urte arteko espetxealdiko zigorra dakar Polonian.
Joan den azaroaren 6an Espainiako Auzitegi Nazionaleko Manuel García-Castellón epaileak hamabi pertsona auzipetu zituen Tsunami Democratikoa auzia dela eta. Ostegun honetan ezagutu zen hiruk atzerrira ihes egin dutela, tartean Jesús Rodríguez La... [+]
Enpresa batek kereila jarri du Aragoiko AraInfo hedabidearen eta haren bi kazetariren aurka, baita Zaragoza en Común-eko zinegotzi baten aurka. Zaragozako Udalak enpresa horri emandako dirulaguntzen inguruan, komunikabide independenteak argitaratutako informazioari... [+]
Aurreko astean, Madrilen epaitu zituzten José Manzaneda kazetaria eta Euskadi-Cubako legezko ordezkaritza, artikulu baten harira: AEBen blokeoaz hitz egiten zen idatzian. Sei urteko espetxe-zigorra eta 70.000 euro inguruko zigor ekonomikoa eskatzen zituen akusazio... [+]
Hilaren 28an bi urte beteko ditu Poloniako kartzelan Euskal Herriko kazetariak. Poloniako justiziak ostegun honetan erabaki du beste hiru hilabetez luzatzea behin behineko espetxealdia.
Akusazio partikularrak 50.000 euroko kalte-ordaina ere eskatu du Cubainformacióneko José Manzaneda kazetariaren aurka, erreportaje batean emandako edukiagatik.