Tratu txarrak antzeman ditu Europako Kontseiluko Tortura Prebenitzeko Batzordeak Espainiako Estatuko kartzeletan, polizia-etxeetan, kartzeletako ospitale psikiatrikoetan eta adin txikikoentzako atxiloketa zentroetan. “Neurri eraginkorrak” eskatu dizkie Espainiako agintariei.
2020ko irailean egindako bisitaren ondorioak jaso ditu Batzordeak, eta Eldiario.es-ek jaso du txostena. Bisitan, presoek egindako salaketak sinesgarriak direla eta txosten medikuek salatutako tratu txarrekin bat egiten dutela dio Europako Batzordeak. Besteak beste, espetxeetako funtzionarioengandik zaplaztekoak, muturrekoak, ostikoak eta porrarekin kolpeak jasotzen dituzte presoek, eta falaka deituriko tortura metodoa ageri da: bastoiarekin behin eta berriz oinazpia kolpatzea. Ohean presoak indarrez lotzea asko jaitsi den praktika dela nabarmendu du Batzordeak, baina neurri hori guztiz ezabatzea izan behar dela helburua.
“Badirudi presoen jokabideak zuzentzeko erreakzio punitiboa direla tratu txarrak”, eta horri aurre egiteko neurri eraginkorrak eskatu ditu Batzordeak, baita tratu txarrak prebenitzeko eta horiek behar bezala ikertzen direla bermatzeko ere.
Polizia-etxeetan agenteengandik jasotako tratu txarren hogei bat salaketa ere aipatzen ditu txostenak, baita kartzeletako ospitale psikiatrikoetan eta adin txikikoentzako atxiloketa zentroetan azaleratutako tratu txarrak ere.
Ostiralean aurkitu zuten hilotz, “gaindosi” zantzuekin, Naiz-ek argitaratu duenez. Jaurlaritzak ez du heriotza baieztatu asteartera arte, eta autopsiaren emaitzen zain dagoela adierazi du. EAEko espetxeen eskumena hartu zuenetik espetxean hiltzen den bosgarren presoa... [+]
Espetxeetako osasun zerbitzuaren gabeziez mintzatu da Libertad Francés Lecumberri, Salhaketa Nafarroa elkarteko koordinatzailea: “Osasun arloko langileak espetxeko logikekin eta irizpideekin kutsatzen direnean, zenbait eskubideren bermatzaile izan beharrean,... [+]
Kartzeletako funtzionarioen protestak aitzakiatzat hartuta, milaka preso erabat giltzapetuta eduki dituzte Kataluniako sei espetxetan.
Iragan astean Oroitz Herrero 26 urteko irundarra hilik aurkitu zuten Arabako Zaballa espetxeko bere ziegan. Eusko Jaurlaritzaren arabera “heriotza naturala” izan zen. Gaztearen senideek ARGIAri adierazi diote, ordea, Herrerori ez diotela arreta mediku egokirik eman... [+]
Eusko Jaurlaritzak espetxeen transferentzia bere gain hartu zuenetik, duela bi urte eskas, laugarren heriotza izan da euskal kartzeletan, hirugarrena Zaballako espetxean.