Espainiako bandera jartzeko aginduari helegitea jarriko dio Iruñeak
"Zuzenbidearen araberakoa" izan zen Espainiako erregearen erretratua eta bandera mugitzea, udalaren arabera. Administrazioarekiko lehenengo epaitegiak, baina, "lehentasunezko tokian" ipintzeko agindu dio.
Administrazioarekiko lehen epaitegiko epaileak esan du Iruñeko Udalak Espainiako bandera eta erregearen irudia “lehentasunezko tokian” jarri behar dituela. Udala, ordea, ez dago ados; "zuzenbidearen araberakoa" izan zen bere jarduna, adierazi duenez. Horregatik, helegitea aurkeztuko du.
Sententziak tokiko autonomia "urratzen" duela dio udalak, baita "lehentasunezko tokia" zer ote den zalantzazkoa dela.
Epaileak, nolanahi ere, uste du ez dela betetzen ari legeak agindutakoa: “Ikurrak aretoaren fondoan jartzeak, publikoaren gibelean, eta sarreratik gutxien ikusten den lekuan, ez du betetzen legeak exijitzen duen lehentasunezkotasuna, are gutxiago aintzat hartuz aurkeztu den deokumentazioak demostratzen duela aretoko atea zabaltzen delarik, ateak txoko horretarantz egiten duela, eta sartzen direnentzat erretratua zein bandera ezkutuan uzten dituela”.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra
Espainiako banderari egindako irainak ez ditu adierazpen askatasunerako eskubideak babesten Espainiako Auzitegi Konstituzionalak astearte honetan erabaki duenez. Aldeko sei botorekin eta kontrako bostekin onartu dute erabakia.
Espainiak uso mezularien erakusketa egingo du Gipuzkoan. Banderak kentzeko eskatu du Udalak, eta haren partez ikurrinak jarri ditu.
Espainiako Gobernuaren Nafarroako ordezkaritzak Leitzako Udalaren aurka egin du, Sinboloen Legea ez betetzea leporatuz. Iragan larunbatean Independentistak Sareak Independentzia Eguna antolatu zuen Leitzan. Egun horretan Kataluniako bandera independentista batek udaletxeko... [+]
Kataluniako dozenaka udalen aurkako 270 helegite aurkeztu ditu Espainiako Gobernuak 2011tik, horietako 80 Espainiako bandera jartzeari uko egiteagatik.