Espainiako aireko armadako hegazkin batek herriratuko ditu Beriain eta Fraile
Artaxoako udalak hiru dolu egun deklaratu ditu. Nafarroako Gobernuak, berriz, Karlos III.a Noblearen Gurutzea emango dio David Beriaini. Legez kanpoko ehizari buruzko dokumental bat grabatzen ari zela hil zuten Burkina Fason.
aurre egingo dieten hedabide independenteak
Aireko Armadako hegazkin batek herriratuko ditu, David Beriain eta Roberto Fraile, Burkina Fason talde armatu baten erasoan hildako bi kazetariak. Espainiako Defentsa Ministerioko eta Kanpo Arazoetako Ministerioko iturriek azaldu dutenez, beharrezko izapide guztiak egin bezain laster izanen da. Aireko armadak hegazkin bat du prest horretarako.
Bi erreportarien gorpuak Burkina Fasoko hiriburura eraman zituzten atzo, autopsia egiteko. Han dago Espainiak Malin duen kontsula, bi kazetariak aberriratzeko izapideak hasteko.
Gobernuak esan duenez, familiak "unean-unean informatuta" jarraitzen du enbaxadatik, Kanpo Arazoetako Ministeriotik, Europar Batasunetik eta Defentsa Ministeriotik egiten ari diren kudeaketei buruz.
Nafarroako Gobernuak, hil ondoren, Karlos III.a Noblearen Gurutzea emango dio David Beriaini. Foru Komunitatearen garapenean, proiekzioan eta prestigioan ekarpen nabarmena egiten duten pertsonak aintzatetsi nahi ditu.
Artaxoako Herriak "bere egunik tristeenetako bat" bizi du gaur. Izan ere, kazetariak beti mantendu zuen herriarekiko lotura, eta nabarmendu ohi zuen ez zuela bere ibilbide profesionala herri hori gabe ulertzen, Alkateak adierazi du herria samindurik dagoela, Beriainek lotura sendoa zuelako herriarekiko.
Udaletxeko banderak haga erdian jarri dituzte, eta gaur elkarretaratzea egingo dute haren omenez, 20:00etan; aurrerago aztertuko dute agur ekitaldi bat egitea. Udala atzo arratsaldean bildu zen hiru dolu egun deklaratzeko.
Kazetari nafarraren eta haren kidearen hilketaren albisteak sareak astindu ditu. Kazetariek, politikariek, kulturgileek zein pertsona anonimoek adierazi dute haien samina heriotza hauengatik.
Kazetaritzarentzat, noski, kolpe gogorra izan da. Beriain kide eta lagun zuten profesional askok beren atsekabea adierazi dute, hala nola Mikel Ayestaranek edota Mikel Reparazek; eta hainbat taldek ere atera dituzte agiriak, hala nola Mugarik Gabeko Kazetariak elkarteak, Euskal Kazetarien Elkarteak edota Kazetarien Nazioarteko Federazioak.
Politikaren arloan, besteak beste EH Bildu, Geroa Bai, Navarra Suma, Ahal Dugu, Ciudadanos, EAJ, PP, PSN eta UPN alderdiek dolumin mezuak zabaldu dituzte sare sozialetan; eta izen propio nabarmenduek mezuak idatzi dituzte, hala nola Espainiako Presidente Pedro Sanchezek edo Europar Batasuneko diplomaziaburu Josep Borrellek.
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Pablo Gonzalez Polonian atxilotu zuten 2022an espioitza leporatuta. 2024ko abuztuan aske utzi zuten baina ez zuten bere prozesua itxi. Orain, prozesua berriz ireki eta epaileek 2025eko udazkenean epaitu nahi dute Gonzalez.
Varsoviako Barrutiko Auzitegiak argudiatu du González jada ez dagoela Polonian, eta ezin dutela jakin noiz aterako den Errusiatik. Auzitegiak ez du kazetari nabarniztarraren aurkako bestelako prodezurarik abian jarriko.
Asiak jarraitzen du izaten kazetari gehien atxilo dituen kontinentea: 2024an atxilotutako kazetarien %30 baino gehiagorekin. Txina, Israel eta Myanmar izan ziren berriemaile gehien espetxeratu zituzten estatuak iaz. Osotara, 200 kazetari baino gehiago hil eta ehunka zauritu eta... [+]
"Sedizioa bultzatzen duelako" hartu du Al-Jazeeraren zabalpena eta lana "aldi baterako" debekatzeko erabakia Palestinako Aginte Nazionalak. PAN "Israelekin lerrokatu izana" deitoratu du komunikabideak, argi utzirik "mehatxuen eta intimidazioen... [+]
2023an ezagutu genuen Solway Investment Group multinazional suitzar-errusiarraren boterea noraino iristen den. Guatemalan duen Fenix meategiaren gehiegikeriak agerian uzten zituen ikerketa baten berri eman zigun Prensa Comunitariako kazetari batek, eta elkarrizketa hori [+]
Pablo Gonzalezek Errusian jarraitzen du, Poloniako Gobernuak pasaporteak konfiskatu zizkion kazetariari eta "Poloniako autoritateen esperoan" daude, Euskal Herrira bueltatzeko. Hala azaldu dio Gonzalo Boyé abokatuak Berriari.
Poloniako Fiskaltza Nazionaleko bozeramaileak adierazi du euskal kazetaria oraindik formalki akusatu ez badute ere, “legearen arabera auzi-ihesean akusatua” izan daitekeela. Gonzalez preso trukean sartzeko erabakia Washingtonetik etorri zen, baina Poloniako zerbitzu... [+]
Kazetariak adierazi du ez diotela argi azaldu zergatik espetxeratu zuten, eta espetxean zegoela “bere buruaz beste egitea” iradoki ziotela, Russia Today-n izandako elkarrizketa batean. Esan du laguntza “gutxien espero zen tokitik” etorri dela.
Osasun artak biltzen ari da Pablo Gonzalez Moskun une honetan. Joan den astean, Poloniako Radomgo segurtasun handiko espetxetik atera zen kazetaria bi urte eta bost hilabeteko preso egon ondoan. Poloniak leporatzen zion espioitza frogatu gabe libre atera da.
2022ko otsailaren 28an atxilotu ondoren, aske utzi dute bere aurkako frogarik eta bistako epaiketarik gabe. Bizkaiko kazetariaren talde juridikoak informatu du “preso dauden hainbat kazetari libre uzteko” Errusiak eta Poloniak adostu duten trukeagatik geratu dela... [+]
"Kereilatuei –Chorche Tricas eta Iker González kazetariak– egotzi eta iraingarritzat jotzen zaizkien artikuluak "adierazpen- eta informazio-askatasunaren barruan daude", eta Zaragoza en Común-eko zinegotzi Suso Domínguezen kasuan... [+]
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
