Euskal gazte auzipetuen ekitaldiak bertan behera Madrilen, "eskuin muturraren presio eta mehatxuengatik"

  • Yesca Gaztelako gazte independentisten kolektiboak salatu duenez, eskuin muturreko presioengatik geratu da bertan behera auzipetutako euskal gazteek Madrilgo Unibertsitate Konplutentsean eman behar zuten hitzaldia.


2014ko urtarrilaren 17an - 00:00
Azken eguneraketa: 2015-02-26 13:37:33
Ehun bat lagun zeuden hitzaldian (Argazkia: @YescaCastilla)

Hitzaldia amaitzear zela, Espainiako Poliziak unibertsitateko hiru eraikin husteko agindua eman zuen atzo, bonba abisua izan zelako.

"Ziurrenik eskuin muturrak eman du bonba abisu faltsua, ekitaldia zapuzteko helburuarekin", dio Yescak plazaratutako komunikatuak. "Ekitaldiaren berri eman genuenetik eskuineko sektoreek presio handia egin dute: PPko gazteak sare sozialen bitartez hitzaldiari boikota egiten saiatu dira, talde neonaziek Internet bidez mehatxatu gaituzte, prentsarik errakzioanarioenak –La Razónek esaterako– ekitaldia kriminalizatu du informazio faltsua helaraziz, AVTk eta Gobernu Delegaritzak unibertsitateko errektoretza presionatu dute..."

YESCA erakundeko gazteak ordea pozik azaldu dira, hitzaldia egin ahal izan dutelako: "Ezkerreko gazte independentisten ahotsa Madrilen entzun ahal izan da; hori zen gure helburua. Beste behin salatu nahi ditugu Euskal Herriaren askatasun borrokarekiko elkartasuna adierazteagatik gure erakundea kriminalitzatzeko egiten diren saiakerak".

Hainbat hedabidek, LaGaceta-k esaterako, ezker muturrarekin lotu du bonba abisua. Gaztelako gazte independentistek "manipulazio ahalegin baldartzat" jo dute informazioa.

Poliziak itxi zuen eraikinetako bat, Historia fakultatea (Argazkia: @jjg_7)

Behtdwuiaaaicf3

Beste ekitaldi bat bertan behera Madrilen

La Matriz zentro okupatuak jakinarazi duenez, euskal gazteriak sufritzen duen errepresioaren inguruko ekitaldia bertan behera geratu da. Gaur zen egitekoa, baina atzera egitea erabaki dute, presio eta mehatxuek bultzatuta.


Kanal honetatik interesatuko zaizu: Gazte mugimendua
Zestoako gaztetxea husteko agindua eman du epaileak

Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.

 


Bi gazte epaitu dituzte asteazkenean Zestoako gaztetxearen okupazioagatik

Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]


2024-01-23 | Gedar
Zestoako Gaztetxearekin elkartasunez, Eliza seinalatzen jarraitzen dute

Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.


Zarauzko gaztetxean lapurreta egin dutela salatu dute

Kontzertuetarako materiala eta baliozko tresnak eraman dituzte.


Eguneraketa berriak daude