Etxegabetzearen aurka bertaratzeko deia egin dute Bilboko Etxebizitza Sindikatuak eta Uribe Kostako GKSk. Caixabankena da etxea.
Caixabank-ek pertsona bat etxegabetu du Erandion, Tartanga kaleko 8-J atarian. Bertaratzeko deia egin dute Bilboko Etxebizitza Sindikatuak eta Uribe Kostako GKSk. Hamarnaka pertsona gerturatu dira etxegabetzeari aurka egitera, eta Ertzaintza horien aurka oldartu da. 11:00etarako zegoen ezarrita etxegabetzea, eta 13:00ak aldera bota dute etxetik bizilaguna.
Goizean goizetik izan da Polizia atarian, eta segizio judiziala ere bertan da, Gedar-ek jaso duenez. Bilboko Kontseilu Sozialistak bideoan erakutsi duenez, etxera sartu dira eta barruan zeudenak indarrez atera dituzte.
Josebak, etxetik kanporatzeko arriskuan dagoen bizilagunak, bere egoera azaldu du bideoan. Duela bost urte sartu zen bost urte hutsik zeramatzan Caixabanken etxean. Ordutik bertan bizi izan da, eta hiru epaiketa izan ditu; aurreneko biak irabazi egin zituen, eta azkenekoa galdu. Erandioko Udaleko gizarte-laguntzaileak Sestaon gela bat eskaini zion, 1902ko eraikin batean zegoena, eta duela hilabete Europako Erkidegoak "eremu degradatu" izendatu duena. Etxe horretara joanez gero, ordaindu ezin bazuen etxegabetu egingo zutela azaldu zioten, eta hilabeteko aurrerapena eta asegurua eskatu zizkioten: "Azaldu nien ez neukala hainbeste diru".
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.