Ertzainak Gernikako bloke okupatura indarrez sartu dira eta bi pertsona atxilotu dituzte
EZTENA taldeak prentsaurreko bidez salatu du astearte goizean Gernikan orain hiru astetatik okupatuta daukaten blokera sartu direla ertzainak, blokearen jabea eta ere abokatua. Bi pertsona atxilotu dituzte, ertzainekin “eztabaida” izan ondoren.
Atariko sarraila aldatu dute, EZTENAren arabera “ilegalki”, esanez ez dutela horretarako baimenik behar, “ez delako desalojoa”. Sarraila aldatzeaz gain, blokean kamerak, alarmak eta sentsoreak jarri dituztela salatu dute.
Arratsalean, EZTENAko kide batek ertzainekin liskarra izan du, eta atxilotu egin dute. “Balkoian atxilotu dute, bere segurtasuna kontuan izan gabe, behera erortzeko arriskua baitzuen. Indarrez atera dute bloketik eta jarrera harroputz batekin autoan sartu”, azaldu dute prentsaurrekoan.
Beste pertsona bat ere atxilotu dute. EZTENAren hitzetan, “bortizkeria osoz atera dute ataritik, eskuburdinak jarrita, ia hezurrak puskatzeko adinako indarrarekin”.
EZTENA herri mailako proiektu autogestionatu eta anitza da. Hainbat proiektu barnebiltzen ditu, “langile klaseak dituen beharrizanak asetzeko eta berau antolatzeko”. Horretarako, biltegi bat, jantoki sozial bat, etxebizitzak, eta bestelako espazioak zabaldu dituzte Gernikan okupatutako blokean.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]