Erreakzio ugari politikagintzan Baigorriko polizia operazioaren ondoren
Asteartean ETAko ustezko bi buruzagi atxilotu ditu Frantziako poliziak Baigorriko landetxe batean: Iratxe Sorzabal eta David Pla. Horiekin batera, ustezko ETAren nazioarteko aparatuko buru izandako Ramon Sagarzazu eta landetxeko jabe Pantxoa Flores ere atxilotu dituzte.
Frantziako Poliziak eta Espainiako Guardia zibilak elkarlanean egin dute polizia operazioa.
Jorge Fernandez Diaz Espainiako Barne ministroa “ETAren heriotza agiria” dela esatera “ausartu” da, eta Soraya Saenz de Santamaria Espainiako Gobernuko presidenteordeak ere antzeko balorazioa egin du: atxiloketek “ETAren betiko desegitea” ekarriko dute, bere hitzetan.
Euskal Herriko alderdien adierazpenak
Sortuk gogor kritikatu ditu azken atxiloketak. Pernando Barrena bozeramailearen arabera, “ez du inolako zentzurik armagabetze betean eta bakearen aldeko jarrerarekin dabilenaren kontra” errepresio eta atxiloketen bidez erantzutea. Jokabide hori psikopatena soilik dela adierazi du emandako prentsaurrekoan.
EAJk atxiloketak ETAren amaierarantz “urrats bat gehiago” direla adierazi badu ere, kritiko agertu da ETAren nahiz Espainiako Gobernuaren jarrerarekin. Lehenaren jokabidea “justifikaezina” dela salatu du alderdiak, aldebakarreko armagabetzeari modu irmoan eta ordenatuan heldu beharra diola gaineratuz. Espainiako Gobernuari, berriz, espetxe politikan urrats txikiena ere ez eman izana leporatu dio, eta “enegarrenez ETAren zuzendaritza desegin dutela” azpimarratzea hauteskunde ziklo hasieraren seinaletzat jo du Josu Erkoreka Eusko Jaurlaritzako bozeramaileak.
PSEk pozik hartu du atxiloketen albistea. Jose Antonio Pastorrek esan du poliziaren lana dela “terroristak atxilotzea eta justiziaren eskuetan ipintzea”. ETAri behingoz desegin dadila eskatu dio buruzagi sozialistak. “ETAk bere presoei egin diezaiokeen mesederik handiena da disolbatzea”.
Arantza Quiroga EAEko PPren lehendakaria haratago joan da atxiloketen ondorengo balorazioan. Bere hitzetan, alderdi guztiek onartu beharra dute “ETAk ez zuela inoiz existitu behar”. Quirogaren arabera, atxiloketa hauen ondoren “amaiera emango zaio Espainiako demokraziaren historia berriko garai ilunenari”.
Podemosek presoen eskubideak defendatu behar direla azpimarratu eta atxiloketen erabilera politikorik ez egiteko eskatu du.
Astelehenean, 40 urte beteko dira Joseba Sarrionandia eta Iñaki Pikabea presoek Martuteneko kartzelatik ihes egitea lortu zutenetik. Egiako pisu batean izan ziren ezkutaturik bi iheslariak, eta oraindik milaka eztarrik abesten dute «kristoren martxa dabil!».
Aieteko Nazioarteko Bake Konferentzia 2011n egin zen Donostian eta ondoren sortu zen Bake Bideak, Ipar Euskal Herritik bake prozesua sustatzeko. Bakegileen zeregina ETA armagabetzeko ekinbide zibila antolatzea izan zen. Orain, desegingo direla iragarri dute bi ekimenek.
Atxik Berrituz giristino taldeak Kristauak Euskal Herriko bake prozesuan liburua argitaratu du Maiatz argitaletxearekin. Giristinoek euskal bake prozesuan zer nolako engaiamendua ukan duten irakur daiteke, lekukotasunen bidez.
Felipe Gonzálezen garaian Espainiako Barne ministroa zen José Barrionuevoren aurkako kereila aurkeztuko dute, Ipar Euskal Herriko errefuxiatuen aurka abiatu zuen estrategiagatik. ZEN Zona Especial Norte Planaren barruan egindako ekintzen erantzule nagusietako bat... [+]
“Jaurlaritzak esateko zeukan dena esanda dago txosten horretan” adierazi du asteartean Maria Ubarretxena bozeramaileak, Jaurlaritzak 2019an egindako txostenari erreferentzia eginez. Txosten horretan egiten den kontakizuna “faltsua eta interesatua”... [+]
ETAren armagabetzean 2017ko urtarriletik apirilera gertatutakoen beren bertsioa eman dute bakegileek, Baionan astelehenez egindako agerraldian. Eusko Jaurlaritzak armagabetzeaz egin zuen kontakizuna “faltsua eta interesatua” izan zela adierazi du Noel Etxeberri Txetx... [+]
1944an, Stauffenberg-en agindupean, Hitler bonba batekin hiltzen saiatu ziren, soldadu eta herritar alemaniar batzuen artean prestatutako ekintza baten. Hurrengo hilabeteetan naziek 90 pertsona exekutatu zituzten ekintza haren ondorioz.
Ostiral honetan betetzen dira 50 urte ETAk, 1974ko irailaren 13an, Madrilgo Rolando Kafetegian bonba bat lehertarazi eta hamahiru pertsona hil zituela. Ofizialki 2018an onartu zuen erakundeak ETAren egiletza, bere burua desagertze bidean jarri zuenean.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Frantziako Ministerio Publikoak hamar egun zituen Parisko auzitegiak harturiko erabakiari helegitea jartzeko, baina ez du halakorik egin. Hortaz, ETAren armagabetzean lagundu zuten Beatrice Molle eta Jean Nöel Etcheverry Txetx bakegileek ez dute zigorrik jasoko, epaimahaiak... [+]
Biktimen familiei barkamena eskatu diete ere azken 50 urte hauetan "behar besteko" babesa ez emateagatik. Poeta biktima gisa aitortu duten bezala, Moriko ere hala izatea eskatu du udalak, eta "epe laburrean".
Hobengabetzea eskatzen zuten bakegileek, baina Parisko Zigor Auzitegiak errudun jo ditu Jean Nöel Etcheverryi Txetx eta Beatrice Molle Luhusoko armagabetzean parte hartu zuten bakegileak. Hala ere, ez dute zigorrik izango.
Espetxe zigor arinak eskatu ditu Frantziako fiskaltzak Parisen epaitzen ari diren Jean Noel Txetx Etcheverry eta Beatrice Mollerentzat, ETAren helburuen arabera jardutea egotzita. Hala, zigor horiekin bakegileek ez lukete espetxera joan beharko. Maiatzaren 16an emango dute... [+]
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]