Lapurdiko hiriburuan festetan gertatu ohi diren sexu erasoak ezagun dira. Uztailaren 26an hasiko dira Baionako bestak, eta talde feministek eraso horiei aurre egiteko elkarlana aldarrikatu eta protokolo bat abiarazi dute.
Baionako Herriko Etxea prebentzio lanak egiten ari da gaiaren inguruko afitxak argitaratuta, informaziorako guneak jarri ditu, eta azken urteetan jaien amaierako balorazioan eraso eta salaketen berri eman du. Paf!, Zutik, Les Bascos, Zizpa Gaztetxea, Aitzina eta Le Planning Familial talde feministek adierazi dute Udala egiten ari den lan hori beharrezkoa bada ere ez dela nahikoa, eta diote ez dela besten bukaerara arte itxaron behar izandako erasoen berri emateko. 2016ko Iruñeko sanferminetako kasua jarri dute adibide gisa, gogorarazteko iaz Nafarroako hiriburuan izandako sexu eraso baten aurrean, festen erdian, Udalak elkarretaratzera deitu zuela erasoa salatzeko.
Feministen koordinazioak telefono zenbaki bat eman die bai prentsari eta bai Herriko Etxeari edozein eraso izan dela ere jakinaren gainean egoteko. Salaketaren bat baldin bada, hedabideetara oharra bidaliko da eta sare sozialen bidez ere zabalduko da, elkarretaratzerako deialdia eginez. Deialdia egunean bertan edo biharamunean izango da, arratsaldeko 6etan Roland Barthes zelaigunean, laborarien xokoaren aitzinean.
Opariak erosteaz batik bat emakumeak arduratzen direla diote azterketek. Durangoko Azokan murgilduta eta Gabonak gertu, gai aproposa dirudi inkestek erakusten duten errealitateaz, gizonek jartzen dituzten aitzakiez eta emakumeek duten "zama mental ikusezina"... [+]
Haur literaturako pertsonaietan aniztasun falta dagoela eta estereotipo eta rol sexistak gehiegitan erreproduzitzen direla ondorioztatu du Parean elkarteak, azterketa egin ostean. Sustraietatik eraldatuz dokumentala atera du orain, ikerketaren emaitzak, ipuin gomendioak eta haur... [+]
Zumaiako Mugimendu Feministak jakin duenez, txosnagunean bi eraso sexista izan dira, eta taberna batean eraso homofoboa. Elkarretaratzea egingo dute asteartean, 19:00etan.
Jostailuen interneteko iragarkiek genero rol eta estereotipo gehiago erreproduzitzen dituzte, telebistako iragarkiek baino. Hori da Kataluniako Ikus-entzunezkoen Kontseiluak egin duen txostenaren ondorioetako bat. Hamar estereotipo errepikatuenak zerrendatu dituzte, horien... [+]
Naiara Vink EHUko ikerlariaren doktoretza tesiak agerian utzi du Espainiako Estatuko emakumezko berriemaile eta aurkezleek bizi duten presio estetiko sexista. Zein da egoera Euskal Telebistan eta nola irauli daiteke? Sei euskal kazetariri bota diegu galdera.