Koobizitza etxebizitza kooperatiben sarea aurkeztu dute: ardatz komun batzuk dituzten elkarbizitza eredu berrietako proiektuak dira, eta Nafarroan zazpi daude, fase ezberdinetan.
Sareak erabilera lagapeneko kooperatibaren ereduan oinarritzen diren Hego Euskal Herriko eta Errioxako hamabos lankidetza etxebizitza proiektu inguru biltzen ditu, osotara; ekonomia solidarioko sareetan kokatzen da, eta elkarbizitza eredu berrietan erreferentziazkoa izan nahi du.
Alegia, jabetza indibidualaren eta alokairuaren alternatiba gisa sortzen dira, baina bizitzeko modu bat proposatzen dute: komunitatean, pertsonen arteko hartu-emanean, babesean eta laguntzan oinarritua, eta inguruarekiko erantzukizunez, besteak beste.
Beste ezaugarri garrantzitsu bat: irabazi asmorik ez dagoela. Jabetza kooperatibarena izango da beti, ez kideena.
Era ezberdinetako proiektuak dira, baina oinarri komunak partekatzen dituzte. Orokorrean, etxebizitzetan bizi direnek espazio komunak dituzte, eta baita indibidualak ere.
Nafarroak bi proiektu dagoeneko martxan daude, Arterra Bizimodu eta Amarauna. Beste hiru oraindik hastapenetan daude, Tuterako Cohousing Ribera Navarra, Iruñeko Bizikabi eta Irunberriko Irazarra. Eta bi, Iruñeko Etxekonak Bat eta Etxekide, jada guztiz diseinaturik daude, baina udalaren azken bultzada behar dute. Hain zuzen ere, administrazioen konpromisoa ezinbestekoa dela nabarmendu dute.
Proiektuaren inguruko informazio guztia koobizitza.org webgunean irakur daiteke.
Etxebizitza duina izatea gero eta zailagoa da. Berdin du esaldi hori noiz irakurtzen duzun, urteak pasa eta arazoa gero eta larriagoa da.
Nola izan daiteke bizitzeko oinarrizkoa den eskubidea, teorian hainbat legek babestutakoa, EAEn eskubide subjektibo moduan onartu berri... [+]
Iruñerriko Etxebizitza Sindikatu Sozialistak eta Harituk Iruñeko Udalak etxegabeentzat eskaintzen dituen baliabideak kritikatu dituzte: "Ogi apurrak dira", adierazi du Martin Zamarbide Harituko kideak. Behin behineko zenbait "aukera" ematen... [+]
Bizitegi molde kooperatiboak zabalduz doaz Ipar Euskal Herrian. Euskal Hirigune Elkargoko azken biltzar nagusian Nicole Etxamendi, Itsasuko hautetsiak "Bizi lagun" kooperatibak kontutan hartu behar zirela eta alternatiba ona direla azpimarratu zuen.
Lanbideren Etxebizitzarako Prestazio Osagarria eta gizarte-zerbitzuen Larrieldietarako Laguntzak desagerrarazi ditu Etxebizitzaren Lege berria garatu duen Dekretuak.
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]