Epsilon auziaren ikerketa batzordeak erantzukizuna EAJri leporatu dio

  • Epsilon eta Hiriko auzien Ikerketa Batzordeak behin betiko ebazpena onartu du, EAJren kontrako bozkekin. Oposizioko alderdien arabera, erakundeen inplikazioak bi proiektuetan diru-kutxa publikoetan eragin du, eta, beraz, erabakiak hartu zituzten jeltzaleek “erantzukizun politikoak” dituzte.


2014ko uztailaren 11n - 00:00
Azken eguneraketa: 2015-02-26 13:37:33
Ikerketa Batzordeak Carmelo Barrio (PP) batzordeko presidenteak egindako ebazpena onartu du. Oposizioko alderdi guztiek alde bozkatu dute eta EAJk kontra. (argazkia: EFE)

Txostenak Epsilonen laguntza publikoen kontzesioan “irregulartasunak” izan zirela berretsi du. Uda osteko EAEko Legebiltzarraren lehenengo batzarrean eztabaidatuko eta bozkatuko da.

Ebazpenak adierazten du Sustapen Ekonomikoko Kontseilua Epsilon proiektuari laguntza publikoak ematearen alde agertu zela, nahiz eta proiektuak “oinarri sendorik” ez izan,  ez ekonomikoki, ez komertzialki ezta enpleguaren sorrerari dagokionez ere.

Kontseilua osatzen zutenen izenak eskatu dituzte EH Bilduk eta UPyDk, baina eskakizunak ez ditu aurrera ateratzeko beharrezko bozkak lortu.

Arabako Teknologi Parkearen administrazio kontseiluak ere erantzukizuna duela azpimarratu du ebazpenak, Epsiloni Miñanon pabiloi bat erosteko mailegua emateko oniritzia emateagatik.

Hirikoren inguruan, erantzukizuna Spriri leporatu diote. Jaurlaritzaren “sen estrategikoaren” falta azpimarratu dute, diru publikoa ematearen arriskuak ez antzemateagatik. Afypaidari, Hirikoren ibilgailu elektrikoaren enpresa sustatzailea, dirua bueltatzea eskatu diote.

Administrazioak Hirikoren lizentziak berritu ez izatearen ondorioz, hauek esku pribatuetara pasa daitezkeela salatu dute oposizioko alderdi batzuek.


Kanal honetatik interesatuko zaizu: Epsilon auzia
2017-12-20 | ARGIA
Hiriko proiektuaren arduradunak kiebraren erruduntzat jo ditu epaileak

Hiriko auto elektrikoa sustatu zuen konpainiako arduradunak enpresaren kiebraren erruduntzat jo ditu Gasteizko merkataritza-epaitegiak. Jesus Echave, Iñigo Antia, Jose Luis Bengochea eta Fernando Achaerandiok 530.000 euroko indemnizazioa ordaindu beharko diete... [+]


8 urteko kartzela eskatu dute Epsilonen kudeatzaile ohiarentzat

Fiskalak 8 urteko kartzela zigorra eskatu du Joan Villadelprat Epsilon automobilgintza enpresako gestore izandakoarentzat. Iruzur ekonomikoa egin zuela hiru urte atzera izandako epaiketan erakutsi zen, eta orduan 900.000 euro ordaindu behar izan zituen.


Hiriko auto elektrikoaren sustatzaileen kontra kereila kriminala jarri du Arabako fiskalak

Diru zuriketa eta iruzurra leporatzen die, Espainiako Gobernuak eta Eusko Jaurlaritzak emandako 17,7 milioi euro bidegabe xahutzeagatik.


Epsilon auzia: Legebiltzarrak EAJk egindako kudeaketa txarretsi du

Epsilon eta Hiriko auziengatik EAEko Legebiltzarrean egin den ikerketa batzordearen ondorioak onartu ditu Legebiltzarrak. 2007an karguan zeuden Jaurlaritzako eta hiru diputazioetako zenbait kideri erantzukizun politikoa eskatu zaie, automobilen industriari lotutako bi... [+]


Eguneraketa berriak daude