Epsilon auzia: Legebiltzarrak EAJk egindako kudeaketa txarretsi du

  • Epsilon eta Hiriko auziengatik EAEko Legebiltzarrean egin den ikerketa batzordearen ondorioak onartu ditu Legebiltzarrak. 2007an karguan zeuden Jaurlaritzako eta hiru diputazioetako zenbait kideri erantzukizun politikoa eskatu zaie, automobilen industriari lotutako bi proiektuengatik.

Malen Aldalur @malenaldalur
2014ko urriaren 03a
Epsilon Euskadiko eraikina Arabako parke teknologikoan.

EAJk izan ezik, Legebiltzarreko gainerako alderdi guztiek ikerketa batzordeak ateratako ondorioen alde bozkatu dute. Hiriko eta Epsilon automobilen enpresei emandako diru laguntza publikoak bidezkoak izan ziren edo ez aztertzeko sortu zen batzordea.

Epsilonek 48 milioi euroko laguntzak jaso zituen eta Hirikok 16 milioi eurokoak, biak administrazio publikoetatik, horien artean Eusko Jaurlaritza eta Espainiako Gobernua.

Garaiko EAJko karguak erantzule gisa agertzen dira ondorioetan. Epsilon proiektua “estrategikotzat” hartu zutelako froga industrial eta komertzial “sendorik” gabe. Ikerketa batzordeak ateratako ondorioen arabera, Arabako Parke teknologikoko administrazio batzordeak ere erantzukizun politikoak ditu, horien artean dago EAJko Alfredo de Migel Arabako diputatu ohia.

Batzordearen ondorioen inguruan hainbat adierazpen egin dituzte alderdi politiketako kideek. Jose Luis Javier Telleria EAJko legebiltzarkidearen hitzetan ondorioak “trikimailuz” beteta daude, gestio “txar” baten irudia eman nahi dutelako.

Igor Lopez de Muñain, EH Bilduko kideak esan du, argi geratu dela Epsilon eta Hiriko proiektu “hutsak” izan zirela eta haien helburu bakarra “diru publikoa” eskuratzea zela.

Dena den, testuan erantzukizun politikoa dutenen izenak agertu beharko liratekeela uste du eta EAJri eta PSEri testua “guztiz ez osatzea” leporatu die.

UPyDk ere ildo beretik hitz egin du eta testua “xamurregia” dela esan du.

PSEk eta PPk testua babestu dute eta beraien alderdiak “ustelkeria ororen aurka” daudela gaineratu.

Informazio gehiago:

Epsilon eta Hiriko auziei buruzko informazio gehiago gaiari eskainitako ARGIAren kanalean.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Epsilon auzia  |  EAJ  |  PSE-EE  |  EH Bildu  |  PP  |  UPyD

Epsilon auzia kanaletik interesatuko zaizu...
2017-12-20 | ARGIA
Hiriko proiektuaren arduradunak kiebraren erruduntzat jo ditu epaileak

Hiriko auto elektrikoa sustatu zuen konpainiako arduradunak enpresaren kiebraren erruduntzat jo ditu Gasteizko merkataritza-epaitegiak. Jesus Echave, Iñigo Antia, Jose Luis Bengochea eta Fernando Achaerandiok 530.000 euroko indemnizazioa ordaindu beharko diete hartzekodunei.


8 urteko kartzela eskatu dute Epsilonen kudeatzaile ohiarentzat

Fiskalak 8 urteko kartzela zigorra eskatu du Joan Villadelprat Epsilon automobilgintza enpresako gestore izandakoarentzat. Iruzur ekonomikoa egin zuela hiru urte atzera izandako epaiketan erakutsi zen, eta orduan 900.000 euro ordaindu behar izan zituen.


Hiriko auto elektrikoaren sustatzaileen kontra kereila kriminala jarri du Arabako fiskalak

Diru zuriketa eta iruzurra leporatzen die, Espainiako Gobernuak eta Eusko Jaurlaritzak emandako 17,7 milioi euro bidegabe xahutzeagatik.


2014-07-11 | Judith Perez
Epsilon auziaren ikerketa batzordeak erantzukizuna EAJri leporatu dio

Epsilon eta Hiriko auzien Ikerketa Batzordeak behin betiko ebazpena onartu du, EAJren kontrako bozkekin. Oposizioko alderdien arabera, erakundeen inplikazioak bi proiektuetan diru-kutxa publikoetan eragin du, eta, beraz, erabakiak hartu zituzten jeltzaleek “erantzukizun politikoak” dituzte.


Hirikon aritu zirenek auto elektrikoaren "modeloa" saltzeko enpresa pribatua sortu dute

Hirikok hondoa jo zuen, eta berarekin desagertu ziren administrazio publikoetatik jasotako 17 milioi euro, baina Iñigo Urkidi arduradunaren hitzetan proiektua arrakastatsua izan zen: “Ez dakit dirua hartu den hala ez, baina I+G proiektua egin da eta zoragarria da”. Orain, Tokiko enpresa pribatua sortu dute “modeloa saltzeko”.


2014-06-17 | Judith Perez
Epsilon auziko ikerketa batzordeak kurtso berria baino lehen aurkeztuko ditu ondorioak

EAEko Legebiltzarreko Batzordeak uztailaren 10ean aurkeztuko ditu Epsilon eta Hiriko enpresen kudeaketa ekonomikoaren inguruko ikerketaren ondorioak, EAJ eta PSEren babesarekin. Azken bi legegintzaldien ikerketarik azkarrena izango da, eta UPyD alderdiak sozialista eta jeltzaleen “boikota” salatu du.


Epsilon eta Hirikori emandako diru-laguntzak ikertzeko batzordea martxan da

Eusko Legebiltzarreko ikerketa batzordea EAJren kontrako botoekin osatu da; jeltzaleak izan ziren egitasmoen sustatzaile nagusiak. Eusko Jaurlaritzak eta Espainiako Gobernuak 60 milioi euro eman zituzten automobilgintzako bi proiektuentzat. Batak zein besteak kiebra jo dute.


Epsilon enpresaren kudeaketa txarrarengatik oposizioak azalpenak eskatu dizkio Jaurlaritzari

Epsilon automobilgintza enpresak iruzur ekonomikoa egin duela frogatu ostean, EH Bildu, PSE, PP eta UPyD alderdiek kontuak argitzeko exijitu diete jeltzaleei.


2013-03-25 | Martin Vicioso
Epsilon, Musikene eta Culinary Center-en ikuskaritzak eskatu dizkio Legebiltzarrak kontu auzitegiari, besteak beste

Eusko Legebiltzarrak 63 kontu-ikuskaritza eskatu dizkio Herri Kontuen Euskal Epaitegiari 2013rako. Alderdi guztiek egin dituzte proposamenak, eta denak aho batez onartu dira. EH Bilduk 26 azterketa eskatu ditu, PSE-EEk 17, UPyDk 13, EAJk 6 eta PPk bakarra.


Eguneraketa berriak daude